الـدشرة - سعد بن جدلان

[صوت وصدى]

يا كثر الاصحاب يوم اللعب والدشره"
"يوم الملاهـي تـدوّر مـن يلهيهـا
من اولٍ شقتـي بالنـاس محتشـره"
"يوم العزوبية الـي كنـت مغليهـا
واليوم لا عاد لا خـوه ولا عشـره"
"الله ولا رفـقـة هــذي تواليـهـا
ناس مع المصلحه عشره على عشره"
"وان حدك الوقت حدة لـك جنابيهـا
اللي حياته مع البيلـوت والنشـره"
"واللي يحب الدشوش ولاهـيٍ فيهـا
واللي على الخط دايم فاغر الكشـره"
"سمّاعته طـول ليلـه مـا يوطّيهـا
واللي مزاجه مع القصات والبشـره"
"ماله هدف والنصايـح مـا يدانيهـا
واللي مع الناس لا يفقه ولا يشـره"
"شقراً مع الخيل لا هجّـت تباريهـا
ذي عيّنه في شباب اليوم منتشـره"
"عسىالذي جابها من الارض يمحيها
اهل المصالح معرّفتهم كما القشـره"
"لا نظّف الراس بالصابـون ينهيهـا
وهذا كـلامٍ علينـا واجـبٍ نشـره"
"وما تحرق الجمره الا رجل واطيهـا

سعد بن جدلان

[جريح الذكرى]

أخي صوت وصدى كلام جميل جدا

وقصيدة رائعة وهادفة


وهذا الحال هو الحال الغالب على شبابنا في الحالي


تقبل تحياتي

[ناصر بن سالم]

مشكور يا صوت وصدى


اختيار جميل وموفق


تقبل تحياتي

[أبو دسمان]

السلام


مشكور ياصوت وصدى على هذا الاختيار


وصح السان قائلها .


( والله يهدي شباب المسلمين )