كاتم العبره
12 / 12 / 2003, 09 : 02 AM
[align=center:a453eba7c7] قصيدة للشاعر / بدر بن مدلج المطيري . [/align:a453eba7c7]
[poet font="Arial,5,indigo,normal,normal" bkcolor="transparent" bkimage="backgrounds/19.gif" border="double,4,purple" type=2 line=200% align=center use=ex length=0 char="" num="0,black" filter="":a453eba7c7]
والله يا لولا
-
والله يا لولا سجتي في سواحيق=لاضاق صدري قلت شيلوا فراشي
أقوم بعض أيام وأسرح على الريق=وأفك ريقي تحت ظل النواشي
ليا شعلت النار وسط الزماليق=في حاجر توه من الوسم ماشي
وجذبت بالملقاط من غير تفهيق=والجمر جاله في الوجار إهتواشي
وقربت لي بالكيف رسلان وإبريق=وحمست بريه بفهم وبشاشي
لاهي بلا نيه ولاهي بتحريق=وفنجالها يعطيك نوع إنتعاشي
فنجالها لونه لكيف العشاشيق=بين البياض وبين حمر الغراشي
والهيل نوع الهند مافيه تبريق=والزعفران منوش به نواشي
وقدوعها نوع الخلاص المعاتيق=شقر الخلاص الصافيات الهشاشي
كيف لراسي والليالي لواحيق=هذي طرات العمر وإلا بلاشي
وفتشت بالقرناس صيد المطاريق=بارض لها يومين جاها رشاشي
ولقيت للجره رسوم وترانيق=برق الطيور مزبرقات المماشي
وطلعت بالقرناس روس الشواهيق=في محجر محواز ماهو بخاشي
وظل يهوز موثق الطلع توثيق=وريضت له من خوف طلع غشاشي
وطلبني القرناس فك المسابيق=وفكيت مسباقه وهز الرياشي
وجاها كسير وعلق الخلب تعليق=بالمخلب إلي مثل عطف الكلاشي
وحول على الأخرى وبت المعاليق=والثانيه والثالثه بإندهاشي
وجدعت بالغتره وصفقت تصفيق=وناديت ياغشام والطير هاشي
وناديت إخوياي رجال مطاليق=هيا الحطب جزل ماهو قشاشي
وقمنا نمزق صافي الريش تمزيق=برق الطيور إلي لها القلب شاشي
دارت سوالفنا مزوح وتعاليق=سوالف ماهي جروح ونقاشي
-
الشاعر / بدر بن مدلج المطيري
-
[/poet:a453eba7c7]
[poet font="Arial,5,indigo,normal,normal" bkcolor="transparent" bkimage="backgrounds/19.gif" border="double,4,purple" type=2 line=200% align=center use=ex length=0 char="" num="0,black" filter="":a453eba7c7]
والله يا لولا
-
والله يا لولا سجتي في سواحيق=لاضاق صدري قلت شيلوا فراشي
أقوم بعض أيام وأسرح على الريق=وأفك ريقي تحت ظل النواشي
ليا شعلت النار وسط الزماليق=في حاجر توه من الوسم ماشي
وجذبت بالملقاط من غير تفهيق=والجمر جاله في الوجار إهتواشي
وقربت لي بالكيف رسلان وإبريق=وحمست بريه بفهم وبشاشي
لاهي بلا نيه ولاهي بتحريق=وفنجالها يعطيك نوع إنتعاشي
فنجالها لونه لكيف العشاشيق=بين البياض وبين حمر الغراشي
والهيل نوع الهند مافيه تبريق=والزعفران منوش به نواشي
وقدوعها نوع الخلاص المعاتيق=شقر الخلاص الصافيات الهشاشي
كيف لراسي والليالي لواحيق=هذي طرات العمر وإلا بلاشي
وفتشت بالقرناس صيد المطاريق=بارض لها يومين جاها رشاشي
ولقيت للجره رسوم وترانيق=برق الطيور مزبرقات المماشي
وطلعت بالقرناس روس الشواهيق=في محجر محواز ماهو بخاشي
وظل يهوز موثق الطلع توثيق=وريضت له من خوف طلع غشاشي
وطلبني القرناس فك المسابيق=وفكيت مسباقه وهز الرياشي
وجاها كسير وعلق الخلب تعليق=بالمخلب إلي مثل عطف الكلاشي
وحول على الأخرى وبت المعاليق=والثانيه والثالثه بإندهاشي
وجدعت بالغتره وصفقت تصفيق=وناديت ياغشام والطير هاشي
وناديت إخوياي رجال مطاليق=هيا الحطب جزل ماهو قشاشي
وقمنا نمزق صافي الريش تمزيق=برق الطيور إلي لها القلب شاشي
دارت سوالفنا مزوح وتعاليق=سوالف ماهي جروح ونقاشي
-
الشاعر / بدر بن مدلج المطيري
-
[/poet:a453eba7c7]