من ديرة الورد والرمان

[ناصر بن سالم]

اعزائي
هذه قصيده على طرق الهجيني قلتها وانا بالطائف
ممازحاً احد الزملاء اثناء سفره للخارج في رحلة عمل
وان شاء الله تعجبكم


من ديرة الورد والرمان
-
يا طير ياللي على الاغصان=رحال من وادي لوادي
مدري اتدور جديد الحان=والا على ولفك تنادي
ابيك يا ضافي الجنحان=بكلمات سويتها اجدادي
توصل رساله لها عنوان=من ورد وحروفها كادي
من ديرة الورد والرمان=من الطايف وجوها الهادي
مرسول لحدود عمان=لتبوك بوابة بلادي
وفيها تسلم على(...)=القرم زيزوم الاولادي
من لابةٍ تكرم الضيفان=يوم العرب تطعم الزادي
ويلان وان ثوّر الدخان=طابورهم ماله اعدادي
قله علامك خفوقك لان= واصبحت للبيض طرادي
والبيض خلقن مع الشيطان=وطرادهن دوم بجهادي
وببحورهن كم هفا فرسان=واذكرك بابن شدادي
عبله سقته العذاب الوان=وذبحه الفرّيس ما فادي
والحب في وقتنا يافلان=سراب ومدوّره غادي
هماج مايروي الضميان=ضماه وان شرب يزدادي
ياذيب جنّب قطيع الضان=اللي على السوق تنقادي
وانصا البراري ورى الغزلان=ان كنت للصيد صيادي
واترك سوالف مكان وكان=وسوق الجمل واتبع الحادي
-
ناصر بن سالم
-

[محسن المسردي]

[poet font="Arial,5,black,normal,normal" bkcolor="transparent" bkimage="backgrounds/17.gif" border="double,4,gray" type=0 line=200% align=center use=ex length=0 char="" num="0,black" filter="":80da253203]
والحب في وقتنا يافلان=سراب ومدوّره غادي
[/poet:80da253203]

[align=center:80da253203]صح لسانك مليووووووون

أبو عبدالله هجينية رائعة

ولي عودة

تقبل تحياتي،،،
.
.[/align:80da253203]

[ناصر بن سالم]

اهلا ًبك يا مشرفنا


ارجو ان تكون هذه الهجينيه اعجبتك


والله يستر من العوده

تقبل تحياتي

[محسن المسردي]

أبو عبدالله

عدت لأعرف ماكنت ترمي اليه

في هذا البيت بالذات ووصلت الى معناه :غمزه:

[poet font="Arial,5,black,normal,normal" bkcolor="transparent" bkimage="backgrounds/17.gif" border="double,4,gray" type=0 line=200% align=center use=ex length=0 char="" num="0,black" filter="":8ef9f2d2e0]
ياذيب جنّب قطيع الضان=اللي على السوق تنقادي
[/poet:8ef9f2d2e0]

[align=center:8ef9f2d2e0]وأنا أشهد انك صدقت :رهيب:

تقبل تحياتي،،،
.
.[/align:8ef9f2d2e0]

[ابوعساف]

[align=center:4b814816a5]ابوعبدالله
صح لسانك على ها الهجينيه الحلوه جدآ
ولا اقول الا واهني ابو نايف اللي عرف
معنى البيت اللذى اعتبرته بالنسبة للى
مفترق طرق ضيعنى تمامآ

تحياتي[/align:4b814816a5]

[ناصر بن سالم]

ابو نايف

كل عام وانت بخير

البيت المقبس هو بيت القصيد وهو الهدف من القصيده كلها

وهو نصيحه لكل من ينبهر بما يراه في الخارج من جمال مستعار ومتعه مصطنعه او بالتحديد محرمه لأن ارخص انواع البشر هم اللذين لمشاعرهم واجسادهم ثمن مادي

اما ملاحظاتك سأرد عليها حتى لا يظن البعض انك مجامل معي او تميزني على غيري

واقول:

بالنسبه للبيت


مــرســول لــحــدود iiعــمـــان لـتــبــوك بـــوابـــة iiبــــــلادي


من ناحية الوزن وبما انه هجيني فهو يلفظ هكذا


مرسولي لحدودي عاماني//لتبوك بوابة بلادي

والياء في مرسول وحدود وعمان تلفظ ولا تكتب


والملاحظه الثانيه على البيت


وببحورهـن كـم هـفـا فـرسـان واذكــــرك بــابـــن شـــــدادي


نعم كانت غلطه املائيه وانا كتبت

وببحورهن كف بدل كم وتم اصلاحها

اما الملاحظه الاخيره في صدر البيت


عبـلـه سقـتـه الـعـذاب iiالـــوان وذبـحـه الفـرّيـس مـــا iiفـــادي


فهذه لا ارى فيها نقص


والله اعلم

واشكرك من كل قلبي على المتابعه والاهتمام


وتقبل تحياتي

[ناصر بن سالم]

ابو عساف

كل عام وانت بخير

وصح بدنك

والبيت المذكور تم توضيحه في ردي على ابو نايف

ومثل ماقلت لابو نايف هذا هو بيت القصيد


تقبل تحياتي

[محسن المسردي]

[align=center:7be21b2522]أبو عبدالله

لا زال لدي اعتراض بسيط :خايف:

بالنسبة للشطر:

مرسول لحدود عمان

لا يستقيم الوزن الا بنطق الياء في نهاية كلمة ( عمان )

وهذا ما يتسبب في شذوذ القافية المستخدمة ( آن )

تحياتي لك،،،
.
.[/align:7be21b2522]

[ناصر بن سالم]

هلا ابو نايف

والله موزون يا رجل

وقلبتها على كل المذاهب وما تنوزن الا كذا

مثلاً مثلاً حذ عندك

اكتب بدل مرسول مرسولنا

تقراها موزونه لكن اذا لحنتها تنكسر وهذا هو فرق الهجيني عن غيره

وبعدين يا ابو نايف قافية الصدر من الكماليات وما هي اساسيه وممكن تكتبها كسره بدل ياء

واذا كلمتني بالتلفون اسمعك اياها هجيني بصوتي الحلو

لكن لا تكلمني وعندي احد على شان مشاعر الآخرين

وارحموا من في الارض يرحمكم من في السماء:خايف:


وينك يا قلب الليل:قهر::قهر::قهر:

وتقبل تحياتي

[صادق الكلمة]

ابو عبدالله

صح السانك...

مبدع كما عهدناك

[محسن المسردي]

سم طال عمرك :مضرب:

وبعدين قلب الليل يعطي علي البشاير :lol:

[ناصر بن سالم]

الحمد لله على السلامه يا صادق


وكل عام وانت بخير


شرفني مرورك


تقبل تحياتي

[ناصر بن سالم]

عدوك يسم يابونايف

وقلب الليل

ماعنك وعنه

واشكي حزني وبثي الى الله


تقبل تحياتي

[تالي الليل]

صح لسانك ابو عبدالله وقصيده أروع من رائعه


تحياتي لك

[الدهاس]

السلام عليكم ورحمة الله وبركاته



اخي العزيز /

ناصر بن سالم


لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .
على ها الهجينيه الرائعة جدآ و صح السانك


ويعطيك العافية لاعدمناك

[ناصر بن سالم]

تالي الليل


القصيده زادت نور على نور



شكراً لمرورك

[ناصر بن سالم]

الدهاس


هلا بك في عالم الشعر


مرورك اسعدني


تقبل تحياتي