لو التمني ينفع اللي يتمنون

[مالك الريــــــــــــم]

[poet font="Arial,5,white,normal,normal" bkcolor="transparent" bkimage="backgrounds/10.gif" border="double,4,gray" type=2 line=200% align=center use=ex length=0 char="" num="0,black" filter="":46c6997bd2]


لـو التمنـى ينفـع اللـى يتمنـون=ما صـار بالدنيـا ولا يـوم فرقـا
ولاشفت مخلوقن مع الوقت محزون=ولاصارت عيونه من الدمـع غرقـا
ولاشفت من يشكى من الظيم محزون=ولا شفت كلـن فـي لياليـه يشقـا
ولاشفت مضنونن شكا فراق مضنون=ولا ينحمس قلبه علا فـراق عنقـا
وياناس بالفرقا معـى وش تقولـون=ماهى بنارن تحرق الجـوف حرقـا
انشهـده نـارن توقـد بطـاعـون=وقلبن شكا الفرقا من السـم يسقـا
فرقا الولايف كنه الرمـح مسنـون=فرقا الولايـف يفتـق القلـب فتقـا
ولو التمنـى فـاد مـا دونهـا دون=انا تمنـى حـب مـن غيـر فرقـا
قول السديري يـو قالـه بمضمـون=الشاعر اللى يعشق الجـزل عشقـا
تفخربه الشعـار والشعـر ممنـون=مثلـه مـع الشعـار ماضـن تلقـا
الشعر يفخربه طواريـق واللحـون=فـي عالـى القمـه بمعنـاه يرقـا
والفعـل يبقـا والخلايـق يموتـون=يمـوت راع الفعـل والفعـل يبقـا

الشاعر/ محمد بن أحمد السديري
[/poet:46c6997bd2]

[ناصر بن سالم]

والفعل يبقا والخلايق iiيموتون" " يموت راع الفعل والفعل iiيبقا


يعطيك العافيه مالك الريم


ورحم الله الشاعر


وكأنه يعلم انه سيموت ويبقى شعره


تقبل تحياتي

[محسن المسردي]

مالك الريــــــــــــم

سلمت يمينك واختيار رائع

للشاعر محمد السديري رحمه الله

تقبل تحياتي،،،
.
.