قالت علامك

[ناصر بن سالم]

قالت علامك
قالت علامك يا ولد ناسي الشعر=علام قلبك ياولد صار شايب
والا انشغل قلبك معَ زحمة العمر=والا انت عن عالمك صرت غايب
قلت العفو يادرّة البيض والسمر=يا جوهره في تاج كل الحبايب
انتِ حلاة الهرج ان شعر او نثر=وانتِ جمعتي بين كل الغرايب
انتِ العسل مجناه من زهرة السدر=احلى من السكر ليا صار ذايب
وانتِ عبير الزهر يا نفحة العطر=طيبٍ تطيّب به جميع الأطايب
وانتِ الندى قطره وقطره مع الفجر=يجيبها من الغرب طَرب الهبايب
وانتِ الذهب والناس من معدن الصفر=وانتِ النجيبه فوق كل النجايب
ناصر بن سالم

[ابن الوعيل]

[align=center:3b8e0edc5c]صح لسانك يابوسالم؟


وتشكر على كل بيت من الابيات :رهيب:




وينك ؟ سالنا ؟ عنك يالمحبوب وينك؟؟؟؟؟؟[/align:3b8e0edc5c]

[ناصر بن سالم]

صح بدنك يا بو حضيرم


تشرفت بمرورك العطر


وانا موجود وبين الايادي


تقبل تحياتي

[صوت وصدى]

قصيدة جميله من شاعر ليس بغريب منه هذا الابيات الجميله


مشكور يابو عبدالله ....

[ناصر بن سالم]

الأخ صوت وصدى


شكراً على المرور العطر والكلمات الجميله


شرفت القصيده والشاعر


تقبل تحياتي

[محسن المسردي]

صح لسانك أبو عبدالله

لا ما نبيك تنسى الشعر

ولا نريد لهذا النبع أن يتوقف

دمت لنا ودامت ابداعاتك

وتقبل تحياتي،،،
.
.

[تالي الليل]

أبو عبدالله بعد التحيه العطره تصدق أني عارف ردي قبل ما أدخل الموضوع أو أقرأ القصيده


كعادتك متألق دائما تغيب وتأتي بالجديد الجزل قصيده أروع من كلمة رائعه تحمل طابع الشاعر


ناصر بن سالم اللذي تميز بالتواضع وبطيب الاخلاق والاحساس المرهف صح لسانك أبو عبدالله


ولا عدمناك ،،،،،


تحياتي لك وأحترامي


أخيك تالي الليل

[صادق الكلمة]

ابو العبادله

صح السانك

لاجديد مبدع كما عهدناك

[ناصر بن سالم]

ابو نايف

حياك الله في ساحة القصيده


ولابد للواحد يريح شوي ويبتعد عن الشعر لفتره

ارجو ان تكون القصيده نالت استحسانك

تقبل تحياتي

[ناصر بن سالم]

تالي الليل العزيز


ياهلا ويا مرحبا


ازدانت القصيده بوجود اسمك المرتبط بالأصاله


تقبل تحياتي

[ناصر بن سالم]

اخي العزيز صادق الكلمه


شرفني مرورك


وانا سعيد بدعمك المستمر


تقبل تحياتي

[جريح الذكرى]

أبو عبدالله

صح لسانك

بيض الله وجهك



تقبل تحياتي

[ناصر بن سالم]

جريح الذكرى


صح بدنك ولا هنت على المرور العطر


تقبل تحياتي

[قـــلب اللـــيل]

[align=center:b5ed03b308]
( الشعر بنية هندسية من الحواس المشخصة المعادلة للمشاعر )

حسب رأي ت.س.أليوت







دمت مهندساً[/align:b5ed03b308]

[ناصر بن سالم]

يا قلب الليل


طولت الغيبه


يا اخي والله انا مستعد كل يوم اكتب قصيده على شان اشوف اسمك


السؤال الكبير وسؤال الموسم


اين انت؟