المساعد الشخصي الرقمي

مشاهدة النسخة كاملة : رحلة العذاب في ربوع تثليث !!!!


تالي الليل
14 / 09 / 2003, 05 : 10 AM
السلام عليكم ورحمة الله وبركاته


أخواني كان في تاريخ 17/7 يوم السبت اللي هو أمس هذا اليوم سوف لن أنساه مهما حييت

حفر له ذاكرة تالي الليل مكان يذكره بالأاسى والعكاس وكانت القصه

كانت الساعه السادسه صباحا وكان أملي أن يمر اليوم بسعاده وراحه وقد خرجت من البيت

ولدي مشاريع كثر لقضاء اليوم ،،،

واذا بأحد الشباب سامحه الله يوقفني ويشور علي بأن أباشر معه حياته الجديده في التعليم

في مدرسة بعيده عن جاش وكلكم تعرفون الحمضه لا تفرحون ماهو في الحمضه هو يدرس

وراء وراء الحمضه في بقايا هجره أسمها الغابه وبقايا بشر يسكنونها

المهم وافقت بسرعه وقلت هذه التمشيه ذهبنا ألى محطة المشاعله أشقائنا وكانت سيارتي

شاص (جيب) نشيط أستغربت عندما وقفنا ونزل المعلم المثابر فبادرته بالسؤال ماذا تريد .؟

قال أنتظر زملائي من خارج المنطقه لا يعرفون الطريق لعب الفار في عبي فقلت هل هي بعيده

قال لا قريبه جدا جدا جدا قلت زين وبعد ثواني قليله نسم كفرات سيارتي لعب الفار في عبي مرة

أخرى فسألته وش فيك قال من شان البطناج قلت زين وبعد دقائق وصلوا زملائه وهم مثقلين

بهموهم حظران مايعرفون المنطقه وقد فيها تنسيم كفرات ودليله المهم مشينا وكنت أنا القبطان

الربع ساعه الا ولى لم أبالي مرت نصف ساعه أين الغابه ؟ قال قربنا الساعه الا ولى وين الغابه؟

قربنا زين كرهت السياره وكرهت الخوي طفيت المسجل مشيت بسرعه جنونيه كسرتنا المطاب

والبطناج شوي أنقطعت السبكه يالله صباح خير واذا ببادرة أمل تلوح سياره تنطحنا وش سياره

بقايا ركام يمشي طمرت بخطه ووقفت وقف غصب عنه وكان معه عائله سالته وين الغابه

بعدما تاه الدليله وأصبح يخمن قال أنتو مدرسين قلت نهم مادرا أني حق فزعات ولسان الحال

يقول الله يلعن ابو التدريس قال وصلتوا باقي قليل مشينا والمساكين ورانا مايعرفون البر

وكل شوي يوقفونا ويقولون سوق بهونك قلت يأخي الطلاب تأخرتوا عليهم افكر فيه طلاب

سألت خويي من المدير قال وبلا فخر أنا أهااااااااااااا دريت الحين أنها في الربع الخالي

شوي شفت لي بيت الحمدلله ذولا العرب موجودين هنا قال لا تفرح البيت مهجور قلت يالله قدام

شوي قال هذي الغابه أطالع للأشجار والخضره لقيت حزم طول ثلاثه كيلو وعرض ثلاثه كيلو

فيه خمسه بيوت ثلاثه مهجوره وأثنين واحد المدرسه وواحد بيت الفراش ومحطه فيها مصري

مسرح الشعر والشنب ماحلقه من يوم أستحدثوا الهجره وين الناس قال المصري أطلب الله خلي

جينا المدرسه لقينا عند الباب ستة طلاب نسوني اللي درسته طول حياتي واثنين شياب

من ريحتهم أستدليت انهم ماتروشوا من الازمه ورحبوا وفتحنا الباب ألا وهي طعس ثابت وين الاداره

قال الفراش الغرفه هذي كوكتيل المستودع والاداره وغرفة المدرسين وغرفة الا سعافات الا وليه

قلت وش الا سعافات ياشايب قال اللايدين رحت لقيت لي قاروره فتحتها يابسه من زمان وغيرها

قال بس آآآآآآآه ويوم فتحنا باب الاداره قصدي الكوكتيل ألا وهي مدفونه والله لومامعي أحد لا

أقول ماحد دخلها من ميتين سنه جلسنا واقفين طبعا مانقدر نجلس لقيت لي منشوره

بعنوان الا ستخدام الا مثل لمكيفات أسبيلت طالعت فوق مالقيت ألا مروحه قال المدير حسبي الله

عليه للفراش شغل المروحه قال يالله العافيه مابعد جا الكهرب غسلت ايدي من الا داره رحت للفنا ء

لقيت غرف واجده مافيه ألا ثنتين مفتوحه سألت الطلاب وين زملاكم ؟

قال حنا وش أنتو قالوا كلنا طلاب المدرسه طيب وش تدرسون ؟ أثنين ثاني أبتدائي

وواحد ثالث وثلاثه سادس طيب وين الفصول الثانيه قالوا مافيه أحد أكيد السنه الجايه بتصفي على

ثلاثه والمعلمين سته رجعت قلت للمدير أصرف الطلاب قال أول بنعطيهم الكتب وزعوا الكتب

لقوا نقص في الكتب ههههههههههههههههههههه والله العظيم نقص واجد والطلاب سته

طيب صف أول ماحد جاء قال الفراش لا ولا أحد بجاي قلنا وش دراك اليوم اول يوم قال دايم

اللي يبي يسجل ولده يجيني قيبل الدراسه يعطيني أوراقه قلت كملت

صرفوا الطلاب وكل شوي جاينا شايب يسئل أنتم بتسكنون هنا !!!!! قالوا وين تبينا نسكن

نسكن بالطعس قلت للمدرسين طبعا أنا تعب يوم ولا هم الله يعينهم قلت ياشباب مالكم حل

ألا أنكم تطالبون بالازفلت والكهرب وأكيد يوم من الا يام بيجيكم الخير قالوا والله مانجلس

قالوا للمدير عطنا قرار مباشرتنا وبنروح لبيشه نجيب نقل من تحت الارض ومشينا وتركناهم

يخمنون وين الطريق ووصلت جاش محمل بهموم وين بنتعين أذا جاء دورنا قفلت معي مشيت لأبها

على طول ويوم وصلت شفت لي مجموعة مفاتيح غريبه ههههههههههههههههههه

طلعت مفاتيح المدرسه وأرسلتاه بعد جهد جهيد للمدير المثابر اللي قعد بها

والله ونومه 14 ساعه وقمت وما زالت التكشيره تعلو ا محياي قلت لا زم تعيشون معاي الجو

الكئيب


أعذروني على الاطاله


وتقبلوا تحياتي

Faraway
14 / 09 / 2003, 30 : 10 AM
على فكره ترى عندهم شبكة جوال توني مكلم المدير من شوي في المدرسه



وترى يمدح المنطقه ويقول فيها طبيعه خيااااااااااااااااال ::يبكي: ::يبكي:


احتراماتي :مضرب:

مجموعة انسان
15 / 09 / 2003, 45 : 03 AM
اخوي تالي الليل امتعتنا بهذه القصه والاسلوب التصويري الرائع :رهيب:


اجل راح فيها خا...............:غمزه:

عقبال ماتصير مدير المدرسه :راسي: بعد التخرج تدري استغفر الله :lol:

تالي الليل
15 / 09 / 2003, 09 : 04 AM
faraway هلا فيك أخوي وعلى فكره ترى المدير باع جهازه وأشترى الكاتل عشان يمسك

الجوال بالطلبات

مجموعه شاكر لك الحظور وفال الله و لا فالك




تحياتي

محسن المسردي
17 / 09 / 2003, 32 : 09 PM
تالي الليل

أول ما شفت العنوان

توقعت أنها القصه المشئومه

التي حدثت لك ... :غمزه:

عموماً الله يعين أصحاب الغابه

:قهر: :قهر: :قهر:

وقل للمدير اذا جيته

مالك الا خشمك لو كان أعوج

:lol: :lol: :lol:

وعلى فكره عندك مهارات

في التشويق وسرد القصه

:رهيب: :رهيب: :رهيب:

وتقبل تحياتي،،،
.
.

تالي الليل
19 / 09 / 2003, 58 : 02 PM
أبو نايف أهم شي التعيين لو في ذاع بلوت ونحب خشومهم


شاكر للمرور وعلى الاطراء



تحياتي

القاطع
22 / 09 / 2003, 02 : 12 AM
[align=center:1686e4c6af] الاخ تالي الليل



مشكووووووووور على المشاركه وبصراحه تصوير فنان :رهيب: :رهيب:


والله يعين المدير الجديد على الغابه وطلابها :غمزه: :غمزه:


والله الظاهر انه قعد بها اسياره صغيره والتعيين في الغابه ::يبكي: ::يبكي: [/align:1686e4c6af]

تالي الليل
22 / 09 / 2003, 32 : 02 AM
هلا فيك أخوي القاطع


شكرا لمرورك والمدير متخوبر من زمان أصلا وجهه وجه نكبه أما السياره لاتخاف عليه السيارات

واجد

ابن الوعيل
27 / 09 / 2003, 57 : 01 AM
[align=center:2c2753b0d8]


:يصفق: اخوى تالى الليل/






:رهيب: أبشرك الرجال نقلوه الى أبتدائية جاش ؟





::يبكي: على فكره ترانى حزنت من كثر وصفك الله يحفظك؟






:lol: وعلى فكره الظاهر الغابة هى الديرة الوحيدة اللى مابعد جيتا وحبيت تضحى وتشوفها؟





:يسعبل: أيام الهيلكس والعزوبيه ماخليت ديره أنت والمتعين الجديد؟ يعنى فرقت على ذا اليوم؟[/align:2c2753b0d8]

تالي الليل
27 / 09 / 2003, 07 : 02 PM
اله يبشرك يأبو حظيررررررررررررررررررررررررررم


بيض الله وجهك على هالخبر الحلو طيب دق علي بشرني


ألحين كأني ما تعبت ولا رحت للغابه ولعلمك تراني مسحتها من قاموس الارشيف


يعني مالها وجود بذاكرتي الحمدلله على سلامت واحد من شبابنا من الو سوسه


المفروض يعيد له


العزوبيه راحت هي والهويوي ولكن حب الاستطلاع مازال شباب في داخلي


تحياتي لك


تالي الليل

مخاوي النشاما
08 / 10 / 2003, 32 : 07 PM
الله يقطع سوالفك يا تالي ليل الصراحه وصفت وما على وصفك كلام وحاول تروح لغابة ثانية .................................................. ... :lol: :lol: :lol: :lol: :lol: :lol:

مخاوي النشاما
09 / 10 / 2003, 52 : 05 PM
الله يعطيك العافية موضوعك شيق جدا وارجو ان تروح لغابة ثانية علشان تقول لنا ويش يصير لك ........ :lol: :lol: :lol: :lol: :lol:

تالي الليل
09 / 10 / 2003, 43 : 06 PM
ياهلا والله فيك مخاوي النشاما


مرورك سرني أما عن الغابه فأعذرني حلفت طلاق ماعاد نشوفها عيني


ألا أن كان قدني أسحب الجوالين