يابنت ياللي تلبسين الفرنسي

[اخو فريال]

[poet font="Simplified Arabic,4,red,normal,normal" bkcolor="transparent" bkimage="backgrounds/24.gif" border="none,4,gray" type=0 line=200% align=center use=ex length=0 char="" num="0,black" filter="":d2ed6f7aee]
يابنت ياالي تلبسيـن الفرنسـي=وتمسسينه فـوق (......) مسّـا
حمستي قلوب المساكين حمسـي=والي يشوفك طال ليله ولا امسـا
الناس ترها يـا البنيـه تحسّـي =لا تحسبين ان العرب مـا تحسـا
وانتي عرضتي والبضاعه تعسّـي =والي يطب السوق مثلـك يعسّـا
ابديتـي الـي كـان لازم يدسّـي =الي عن عيـون الخلايـق يدسّـا
واليوم قدمتيه في وسـط تبسـي =وقلتي لجمهور الجويعيـن كبسـا
لين اجتمع وايل وهيثم وعبسـي =مثل البساس اليا اروحت ريح بسا
وجيههم مثـل المرايـات ملسـي =وعيون مـرطٍ والمناخيـر فنسـا
لاما التفت كنه مجبّـس بجبسـي =خايف على الغتره تعطّف وتقسـا
كنه مربّط فـوق علبـاه حلسـي =ودك تسوقه بين الاسنـان بقسـا
بنت الرجال الي على الخيل ترسي =الي وراهم يشبـع الذيـب فرسـا
قامت تغنّج بين كدلـك وجمسـي =واحمس قلبي من فعايلك حمسـا
شومي عن اهل الدندنه والمجسي =الي ليا ذكروا هل الطيـب يخسـا
ذولاك ما يسوون يابنـت فلسـي =لو جتهم الهيئه يروحون دعسـا
نسيتي ان الي خلق جن وانسـي =يمهل ولا يهمل ولا هـوب ينسـا
قادر على انه يحبس الروح حبسي =في ساعةٍ كل المخاليـق خرسـا
ارخي العبايه خلّي العود مكسـي =حتى يجي عندك عريسٍ وعرسـا
تبنين جيلٍ يغرس الطيب غرسـي =جيلٍ خذا في سلم الاجواد درسـا
[/poet:d2ed6f7aee]
منقول

[أبو فـلاح]

الله يعطيك عافية ياعريس ..وانا أشهد ان الشاعر ما كذب في كل كلمة ...


لين اجتمع وايل وهيثـم وعبسـي مثل البساس اليا اروحت ريح بسا
وجيههم مثـل المرايـات ملسـي وعيون مـرطٍ والمناخيـر فنسـا
لاما التفت كنه مجبّـس بجبسـي خايف على الغتره تعطّف وتقسـا

صورة مع التحية الى فرسان الراشد والفيصيلية والعقارية وجميع أسواقنا ...


تحياتي

[ناصر بن سالم]

سلمت يمينك اخو فريال

وصح لسان الشاعر


والله يهدي شباب وشابات المسلمين