جبل نهران

[ابن وضحى]

[poet font="Arial,5,black,normal,normal" bkcolor="transparent" bkimage="" border="double,4,black" type=2 line=200% align=center use=ex length=0 char="" num="0,black" filter="":0f894a26a2]
جبل نهران
-
أنا أمس العشي عدّيت في أعلى الجبال السود=في قمة جبل نهران في أقصى الخلا الخالي
تعلّيت به ما أبغى حكايا هل المنقود=وجرّيت لي صوتين ما غير أنا الحالي
وأنا هاضني ورق(ن) على لينات العود=تغنّي بصوت يحزن الداله السالي
فلاحيتها بالبدع والقول والمردود=وكسانا سحاب ينعش القلب والبالي
فيالله يارب البشر يالله المعبود=يا قيوم يا قدوس يا ربنا الوالي
كريم العطا ما مثل مدك حشا ممدود=عظيم الرجا يالله يا ربنا العالي
أسالك تخفف ما وزا في حشا مسعود=وتجعل لنا فال مع طيب الفالي
وتلطف بنا لما حصل يومنا الماعود=لما حملوني فوق الأكتاف منشالي
لما جا نديب الموت معه الملوك شهود=لمنّه بكى الغالي على فقدته الغالي
وصارت صحايفنا حدا أمرين بيض أو سود=وصار المقر جنان وألا لهب صالي
فيا الله أن تحل الحبل لا صار فيه عقود=وتختم لنا بالخير وزيان الأعمالي
-
مسعود بن مسفر بن عليان حفظه الله 1416هـ
-
[/poet:0f894a26a2]

[الصابر]

الاخ ابن وضحى لاهنت على نقل الابيات الرائعه


وصح لسان الشاعر مسعود


وننتظر منك المزيد


ولك اجمل تحياتيييييييييييي

[محسن المسردي]

قصيده رائعه وتحمل معاني جميله

مشكور أخوي بن وضحى

على نقل هذه القصيده

وصح لسان الشاعر

وتقبل تحياتي،،،
.
.

[الساهر2003]

تسلم اخوي ابن وضحي على نقل القصيده وصح السان الشاعر


ياالله أن تحل الحبل لاصار فيه عقود
وتختم لنا بالخير وزيان الاعمالي


أمين أمين

مع تحيااااااااااااااااااااااااااات ,,,,,,,,,,,,




اخوك
الساهر 2003 :غمزه:




m