معاناة البنت شنطه

[Faraway]

معليش يا أعضائنا وعضواتنا الكرام هذي معاناة بنت اسمها شنطه مع الصيف لطشت لكم قصتها وهذي هي,,,,,,,,,,,,,,,,,,,,,,,,,,,




السلام عليكم

الصراحة وبدون مقدمات بهذر شوي وترا الملاغة منتشرة هاليومين وانا ضايقن صدري

تدرون ليه !؟ ..

طفشت من حوسة العطل .. انام قبل العالم .. يعني ماتجي 12-1 بالكثير الا وانا بسابع نومة .. واصحا الصبح بدري .. القا الكل نايم .. صاحباتي وقريباتي واهلي ... واقعد تقل جنية بلحالي احوس بالبيت ..

يعني باختصار انام اذا قاموا الناس وصحصحوا واقوم اذا ناموا .. ماعدت اشوف احد .. عاد اذا جا الوقت اللي ينحاس فيه النوم .. القا الكل طار وسافر .. وابدا اسهر بلحالي .. وتبدا مناحة .. نبي نسافر .. ليه فلانة سافرت وحنا لا ؟ وش ناقصنا؟ .. ليه وليه .. وما ادري الا اللي صافقني كف ومصحّيني ومخليني ارجع لحالتي الاولى انام واصحى بدري ..

ماعلينا .. اهم شي الاخلاق .. مع اننا الاغلبية يعني

أكل ومرعى وقلة صنعه


تدرون وش ودي .. انه الواحد مايعطونه اجازته سواء طالبة او موظفة او غيره .. الا ومعها برنامج للاجازة مكتوب فيه كل دقيقة وش تسوي .. يعني هنا وش نسوي ؟! .. عروس وعزايم ملّينا .. اماكن ترفيه تطفش ومافيها تجديد .. اسواق ومطاعم شي روتيني .. اقضب ارضي واقعد بالبيت وش اسوي ؟! .. رتبت غرفتي ثلاثميةطعش مرة .. التلفزيون مااحب اطالعه .. الانترنت هو المتنفس الوحيد .. وغير كذا مالي الا اروح .. اغاغي مع اخوي .. وله اتضارب مع اختي ..

اصبروا بروح اصيح شوي

.
.
.
.
.

.
.
.
.
.

.
.

خلاص رجعت
{===== تمسح دميعاتها

نرجع لموضوعنا
عاد كل ماجتني ذا الحالة اروح وانام .. يسمى هذا هروب عن الواقع .. بس اكتشفته مؤخرا بعد موضوعي (بي تكاك) .. من جد الطفش ماله علاج .. قالوا سجلي بنادي وسعي صدرك .. مالقيت نادي زين .. كله مظاهر وخشوم ..

اخر حل بديت اسوي حصص قصمنجية .. اجيب صاحباتي اللي من الغربية والشرقية واعلمهن كلمات قصيمية ومعانيهن .. واضحك على نطقهن .. بس برضه ارجع واقول طفش
واللي عنده شي يوسع الصدر لا يبخل علينا فيه ويسدحه بذيا .. لاني من جد,,, مدري وش اقول بعد
تدرون !!!

































بروح انااااام
تصبحون على خير

[مجموعة انسان]

[align=center:93ef15513d]
اخي فاراوي سلم لي على الاخت شنطه وقلها تتزوج وتوكل على الله على شان ينطرد الطفش ان شاء الله تاخذ لها لحية غانمه يوسع صدرها

لكن قلها لاتتشرط شروووووووووط بنات هاليومين:

1- يكون وسيم وحلو ودلووووووووووووووووع :قهر:

2- يكون غني ومن عائله غنيه على شان يورث مليارات امه وابوه

3- يكون احد والديه لبناني او على الاقل السواق لبناني على شان حقوق الحفظ.

4- يكون رومنسي وسبق وان شاهد افلام ..............رعب قصدي لا احد يروح بعيد
على شان يوصل مراحل متقدمه من الرومنس :غمزه:

5- ان يكون رخمه اب عن جد على شان تفشح على رقبته وتضمن السيطره على دركسونه :lol:


انصحها توكل على الله وتتزوج ولاتتشرط [/align:93ef15513d]