المساعد الشخصي الرقمي

مشاهدة النسخة كاملة : قصيده جديــــــــــــــــــده يامهاجره


خالد بن نايف ال مسعود
30 / 05 / 2003, 54 : 10 PM
السلام عليكم ورحمة الله وبركاته
قصيده جديده اتمنى ان تنال اعجابكم

يامهاجره
-
يامهاجره تكفين تكفين تكفين=الدمع كفّي من عيونك صبيبه
ترا دموعك خلت الجرح جرحين= وجروح قلبي من هواكم عطيبه
تراني ادري يا.... ليه تبكين =ومقدر ٍ جور الضروف الصعيبه
واعرف حقيقة كل شيٍ تخفين = والله ولاني راضي ٍ بالغصيبه
مهموم انا من همك اليوم يازين =انتي بعيده بس عندي قريبه
ولّعتني في حبكم يا اريش العين =واسرت قلبي بالحبال القطيبه
واشغلتني حتى من الناس الادنين = واصبحت مثل اللي يدور ذهيبه
وان راح نصف الليل والناس ممسين = جتني طيوفك بالعلوم الغريبه
يا وردة ٍ عاشت بوسط البساتين = وردٍ يعطر كل شي بطيبه
واليوم قدّر ربي انك تروحين =واللي سعا بفراقنا الله حسيبه
لو تشتكين اليوم والا تونين = ماعاد عندي حل منشان اجيبه
صحيح اناحطيتك اغلى المزايين = لكن ماحد ٍ ياخذ الا نصيبه
واليوم مابي الالف والسين والعين =واهملت انا حبل الرجاوي القطيبه
كفي دموعك وارحلي لا تعودين =وابقي على طول الزمن مستصيبه
مع الزمن لازم يجي يوم تنسين = وتضيع كل الذكريات العجيبه
وانا احاول استر الزين بالشين = واكتم حنين القلب واطفي لهيبه
وابدل الوحده بوحده وثنتين =منشان ماتفرض علي الغليبه
انا اشهد ان اهل المحبه مهانين = حتى ولو حطو حبيب وحبيبه
لابد يومٍ يصبح الدرب دربين =اما رضا والا بشرع الغصيبه
روحي لعلك يا.... ماتعودين= مادام صرتي للندا مستجيبه
وابكي مادام ان عاد بك حيل تبكين =والدمع جعله ما يوقف صبيبه
-
خالد نايف ال مسعود
-ولكم تحياتي

Shabeeb
31 / 05 / 2003, 03 : 01 AM
ابو نايف اشكرك من كل قلبي

واليوم مابي الالف والسين iiوالعيـن واهملت انا حبل الرجاوي iiالقطيبـه
كفي دموعك وارحلـي لا iiتعوديـن وابقي على طول الزمن iiمستصيبـه

والله محزنه هالبيتين

ناصر بن سالم
31 / 05 / 2003, 36 : 04 AM
خالد بن نايف

صح لسانك وبيض الله وجهك


نثرت لوحه من المشاعر الجميله

اصدقك بأولها لكن آخرها ما هو من قلبك

لكن هذا الزمن وما يسوي


انا اشهد ان اهـل المحبـه مهانيـن حتى ولـو حطـو حبيـب وحبيبـه
لابد يومٍ يصبـح الـدرب iiدربيـن اما رضـا والا بشـرع iiالغصيبـه


روعه روعه يابو نايف

تقبل تحياتي

فارس الدوحة
31 / 05 / 2003, 59 : 05 AM
صح الله لسانك و بيض الله و جهك يا بونايف


و لا قصرت بهذه الرائعة


و لكنني ألمس من كلماتك حزن دفين و عميق جدا


أسأل الله العلي أن يذهب ما بك من هم و حزن


و عن جميع المسلمين


اللهم آمين .. و مع ذلك لا زلت أجدها من الروائع


سلمت يمناك يا بونايف :يصفق1::يصفق1:

أبو فـلاح
31 / 05 / 2003, 24 : 02 PM
صح لسانك يابو نايف

يعطيك العافية ياشيخ ..

تحياتي

عاشق جاش
31 / 05 / 2003, 37 : 02 PM
صح لسانك ياابو نايف

عاشق جاش

محسن المسردي
31 / 05 / 2003, 41 : 03 PM
أبو نايف

صح لسانك

وقصيده رائعه

:رهيب: :رهيب: :رهيب:

ولو ان الحبيب ما يستاهل الدعوه

:لا: :لا: :لا:

تقبل تحياتي،،،
.
.

الصابر
31 / 05 / 2003, 07 : 07 PM
الاخ خالد
القصيده من جد حليوه
وانت عارف قصدي يعني ماحب الغزليات
اظاهر انك مسويها بعد مامشيت من عندي
ولاا مداك توصل الا نزلتها على طول
علعموم صح لسانك وماقصرت
والله يعينها عليك ياقاسي

مجموعة انسان
06 / 06 / 2003, 10 : 07 PM
صح لسانك


تقبل تحياتي

خالد بن نايف ال مسعود
01 / 08 / 2003, 08 : 06 PM
...



...


الاخ شبيب


الله يحييك

اطراء جميل واختيار اجمل



تقبل تحيااااتي

خالد نايف

الساهر2003
06 / 08 / 2003, 17 : 09 AM
تسلم اخوي ابونايف على هذي القصيده اللتي تفسر الحب اللذي هو الجاني والانسان المجني عليه


ولكن اخوي ابونايف انت احببت وجاء ما جاء من الحواجز اللتي قامت بالتفريق فيما بينكم ولكن على الحاجز الدعوه وللحبيب الدعوه الطيبه

واقول الزمن هو الزمن وانت فاهم قصدي ابونايف لانك شاعر مبدع في القصيده ونابع من القلب الجريح


وما احب ان اطيل عليك ولكن ما اقول الا صح السانك وبالتوفيق



وتقبل تحيااااااااااااااااااااااااااااااااااااات ,,,,,,,,,,,,,,,,,,


اخوك
الساهر 2003 :غمزه:



m

خالد بن نايف ال مسعود
05 / 02 / 2004, 38 : 04 AM
الاخ ناصر

صح بدنك

مرور اعتز به


بس


يااااااااااليتك تترك اسلوب العنف منك






لاني ماني قادر المس الكيبورد بيدي اليسار




وانت تدري ليش



خالد نايف

ناصر بن سالم
07 / 02 / 2004, 26 : 04 AM
الف لا بأس عليك


وما تشوف شر

تو الطريق باوله



واوعدك ما عاد امسكك من يدك اليسرى المره الجايه امسك اليمنى


وغالي والطلب رخيص

خالد بن نايف ال مسعود
04 / 05 / 2004, 11 : 11 PM
الاخ فارس الدوحه

ياهلا وغلا فيك

مرور عزيز على قلبي

الف عافيه على الرد والشعور



اخوك

خالد نايف

بنت النايب
05 / 05 / 2004, 45 : 07 AM
كفـي دمـوعـك وارحـلـي لا iiتعـوديـن
وابقي علـى طـول الزمـن iiمستصيبـه
مـع الزمـن لازم يـجـي يــوم iiتنسـيـن
وتضـيـع كـــل الـذكـريـات iiالعجـيـبـه
وانـا احــاول اسـتـر الـزيـن iiبالشـيـن
واكتـم حنـيـن القـلـب واطـفـي iiلهيـبـه

:يصفق1: :يرقص: :يصفق1: :يرقص: :يصفق1:

رااااااااااااااااااااااااااااااااااااااااااااااااا ئع بكل حرف ومعنى.. :يصفق:

:يصفق1: :يرقص: :يصفق1: :يرقص: :يصفق1:



تحيــــــــاااااااااااتي

مجرد ابيات
28 / 05 / 2004, 59 : 07 PM
الشاعر

خالد نايف

صح لسانك قصيده رائعه


تقبل تحياتي
مجرد ابيات

الغامض
29 / 05 / 2004, 22 : 12 AM
صح لسانك على هالابيات التي قمه في الروووووعه :رهيب: :رهيب:

خالد بن نايف ال مسعود
17 / 07 / 2004, 49 : 12 AM
الاخ الغاااالي حسن

يامرحبا ويامسهلا


وصح بدنك


خالد

خالد بن نايف ال مسعود
06 / 08 / 2006, 54 : 08 PM
عاشق جاش

صح بدنك


مرورك يشرفني

ناصر مفلح ال مبارك
07 / 08 / 2006, 57 : 01 AM
قصيده جميله وصح لسا نك