شعّار جاش اقربو ..!!

[عايض العتيبي]

صبحكم الله بالخير


اولا يشرفني الانضمام الى منتديات المسارده ومنتدى بوابه جاش بدعوه من فهد حزام المسردي ..

واكبر شرف وجودي بينكم يالمسارده ..

واسمحو لي بمحاوره مع اي شاعر مسردي بالمنتدى


ياجاش وش قومش علينا مايجيش إلا ولد=يولد وفي بطنه شعر يمسي وفي بطنه شعر
من حبكم باوشوش وبقدح واولع بالزند=واكتب طواريق الشعر وافرها بر وبحر

[الطرقي]

الشاعر عايض العتيبي
حياك الله في منتدياتنا ونشكر من وجه لك الدعوه وهو راعي محل

ياضيف لا تمزح علينا وانت جاهل في البلد = اللي يوشوش دوّره ماهم بأهل جاش الخضر
الوشوشه للهوش والضبّان ياضيف السعد =ان كان ماعندك خبر فانشد ويعطونك خبر

[الذيب2010]

الله يحييك يا العتيبي في منتدى جاش ودام شاعرنا الطرقي رد عليك ما عاد لنا رد فهو يكفي ويوفي تقبل تحياتي اخوك الذيب

[عايض العتيبي]

ياطرقي علومي صحيحه عندي اثبات وسند=راع المحل ذاق المصايب من حبيبه والقهر
من حبها وشوش وضيع علمكم ذاك الفهد=وانا عتيبي جيتكم طرقي وفي جيبي مهر

[عايض العتيبي]

الذيب الك البقا يالغالي ويشرفني تواجدي بالمنتدى

[الطرقي]

أثباتك اللي تحملّه ماهوب صك معتمد = فيها وفيها والثلاثه مابعد تمت عشر
بيني وبينك دام هذا العلم حاول تبتعد =نزح مجالك يا عتيبي من متاهات الخطر

[راعي المقناص]

ارررررررررررحب مليون

[الأمير السنافي]

لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .

[عايض العتيبي]

اسمحولنا على التاخير يالربع


ياصاحبي ماجيت يمك غير ناوي للهدد=ونته يعيبك شوفة النفس الحقيره من شهر
دياركم محكومة(ن) بال السعود اهل البلد=ماهي تبع للمسردي تلقى صداقه واتغدر

[ذيب المسارده]

السلام وعليكم اعضاء المنتدى وانا لم ادخل المنتدى الا لاجل اشتهار شعار واعضاء المنتدى وامثال على الشعار الكبار الشاعر الكبير شاعر المسارده الاول بلا منازع الشاعر عايض بن حيبان وصح لسان الشاعرين

[الطرقي]

مادام ناوي بالهدد فبشر برمآي الركد = يعطيك من سو المنايا اللي تعّايد في النحر
اللي تقوله بارك الله فيك ما يجهله أحد = ديارنا جعلك فداها دونها الموت الحمر

[ذيب المسارده]

صح لسانك يالطرقي وعز الله انك تشرف المسارده













تقبل تحياتي ذيب المسارده

[الطرقي]

الله يشّرف مقامك ياذيب المسارده وصح بدنك

[ذيب المسارده]

الله لايهينك يالطرقي وهاذي ماهي مجامله












تقبل تحياتي ذيب المسارده