المساعد الشخصي الرقمي

مشاهدة النسخة كاملة : هذي حياتي


فهد ال داعج القحطاني
23 / 10 / 2011, 15 : 05 PM
هذي حياتي زادها الطيب والجود .......راسي رفيع وعزتي راس مالي

حدي جنوبي واسع وماله احدود ........ جدي اقحطاني منبع الجود عالي

هذي حياتي طيبها المسك والعود ........ والطيب يا زين المخاليق غـالي

هذي حياتي ذيبها خالي اسعود .............. الأصل هزاني وفخري وفالي

وان فاخروا بالذيب حامد ومسعود............ كلن يقل ياعزتي وياعز حالي

كل القبايل.... والنعم فيهم زود ........... اهل الشيم والطيب قرمهم والي

هذا قصيدي واضح ياناعم العود ................ وصافي حياتي مرها صفالي

ضميان وبشرب من اعيونه السود ........... اللي بها الما كنه عسل حالي

هذا اقحطاني جوده دوم موجود. ....... انوخ اركابي واشب نار الوصالي

ياهل الطيب والعز والفخر والذود ............. مادري والله وش اللي جرالي
كلن يدور الطيب والطيب مردود .......... ويميني تصب من دلتي فنجالي

فهد ال داعج القحطاني
22 / 11 / 2011, 54 : 11 AM
ياخواني اي شخص عنده نقد للقصيده يتفضل وراح اتقبل النقد بصدر رحب ...

الأمير السنافي
22 / 11 / 2011, 31 : 01 PM
استاذي فهد حياك وبياك وكل عام وأنت بخير ومنور المنتديات في تواجدك
بشأن النقد أأأبشر نص الجماعه شعار ماشالله عليهم ون شالله يردون عليك
تحياتي لشخصك الكريم

ابوخالد
22 / 11 / 2011, 23 : 02 PM
الله يحييك في منتداك وبين اخوانك..

انت كتبت على المسحوب..

البدايه

ما فيه اي ملاحظه على الوزن..

وبعد تقريبا الاربع الابيات الأولى..

وقعت في اما زيادة حرفين..(كلن يقل ياعزتي وياعز حالي)

او نقص حرفين..( كل القبايل.... والنعم فيهم الزود )

او كسر طفيف..( هذا قصيدي واضح ياناعم العود )

وأخيرا كسرا مضاعفا..(اهل الشيم والطيب قرمهم والي)


.......

من ناحية المعنى فخلنا نتجاوز مشكلة الوزن..

والصراحه راحه مثل ما يقولون... وكلنا بداياتنا كذا..

فهد ال داعج القحطاني
23 / 11 / 2011, 12 : 03 PM
يالبيه قلبك اخوي عبدالعزيز -الله يحفظك على هالملاحظات وشكرا على مرورك اللي اثلج صدري...
الله الله الصراحه مافي ازين منها ....
لك تحياتي عزيزي الغالي

ذيب المسارده
23 / 11 / 2011, 52 : 06 PM
صح لسانك يابو داعج ويعجبني فيك تقبل النقد وهذا دليل انك وسيع بنايا







تقبل تحياتي ذيب المسارده

سلطان ال الشوافه
16 / 01 / 2012, 45 : 03 AM
ابوداعج صح السانك

اخوي عبد العزيز كفا ووفا

هذي حياتي زادها الطيب والجود .......راسي رفيع وعزتي راس مالي

انا اكتفي بابداعك في هذا البيت وهو عن قصيده كامله