المساعد الشخصي الرقمي

مشاهدة النسخة كاملة : وينك يالطرقي


القحطاني
27 / 09 / 2011, 44 : 11 AM
ياسلامي على اللي كل ماراح ردي= والليالي تشابه والاسامي تشابه
كل ما قل وده كل ما زاد ودي = من صر يح السؤال ابي صر يح الاجابه

الطرقي
27 / 09 / 2011, 24 : 01 PM
مرحبا مرحبا ترحيبة المستعدي = كل شيٍ (ن) على ماقيل يحسب حسابه
ان بغيت الموده وان بغيت التحدي =جاهزاً للقرايه كلها والكتابه

القحطاني
27 / 09 / 2011, 34 : 02 PM
مر كندي وجب نفرين مظبي ومندي=وكان ماجيت ذيب اخشى عليك الذيابه
لو نوديك مصر تصير جنتل وافندي=بس نخشى عليك البلطجه والعصابه

الطرقي
27 / 09 / 2011, 03 : 03 PM
دام مطلوبكم (نفرين) من عند كندي = فاعتبر طلبتك ياطير شلوى مجابه
اتحسب مصر قدي وهي ماهي بقدي= عادة الذيب لو داس الخطر مايهابه

الذيب2010
27 / 09 / 2011, 47 : 09 PM
صح الله لسان الشاعرين وحنا متابعين تقبلو تحياتي اخوكم الذيب

القحطاني
28 / 09 / 2011, 39 : 07 AM
قمت تو مي براسك بيننا كنك هندي = ودك تفسر المعنى وصابك كابه
لو معك ضابطين وكم رقيب وجندي =اقدر احوشكم وارمي بكم في خرابه

الطرقي
01 / 10 / 2011, 27 : 02 AM
أنت منذو البدايه وانت مسعاك ضدي= جاعل(ن) فوقي وفوق أجتهادي رقابه
لان ماني بعندك وانت مانته بعندي= لاغرابه تمادى في الخطاء لا غرابه

محمد المسردي
01 / 10 / 2011, 22 : 03 AM
الله الله
متابعيييييييييييين

القحطاني
01 / 10 / 2011, 28 : 07 AM
ليت ابو زيد مع الاجواد ياخذ ويدي = بس ابو زيد ضاقت من جنوبه ثيابه
ما لقوله مع اهل العرف خانه وبندى = بعد ما قام ينكت بين ربعه عيابه

الطرقي
01 / 10 / 2011, 36 : 05 PM
ليت الاجواد ماجابو لجان التعدي =كان بيت الشجيع الصعب مافك بابه
لايجي الجد مزح ~ولايجي المزح جدي = الدوافع على الاجرام سر أرتكابه

القحطاني
02 / 10 / 2011, 30 : 07 AM
لا تواعد عباد الله بصندي ومندي = ولا تغني بصوت مثل صوت الربابه
كان يمنى الولد ماهي من الجود تندي = ما يفيده تمداحه ببعض القرابه

الطرقي
03 / 10 / 2011, 57 : 01 AM
لد عينك على بعض المواضيع لدي =ماكذبنا وصوتي فيه قدر ومهابه
دام فعل القرايب للنشاما يعدي=ليش مانفتخر والسيف عزه نصابه

القحطاني
03 / 10 / 2011, 28 : 09 AM
زل موجة سويد وهات موجة سوندي = كل واحد نفصل له ثياب هبابه
بعض الاحلام هدت حيل الاجواد هدي = صور الزاد للجايع ويقطر لعابه

الطرقي
03 / 10 / 2011, 37 : 06 PM
كلها ؛؛كلها من تحت بندي وزندي =غير ما كل مشروب لذيذٍ شرابه
لاتخلي النوايا بين جزرٍ ومدي = رزق الأنفس على اللي مايضيع الرجاء به

الذيب2010
05 / 10 / 2011, 56 : 11 PM
الله الله ابداع من الطرفين ولكن انا في صف زعيم المحاوره الطرقي تقبلو تحياتي

الأمير السنافي
06 / 10 / 2011, 00 : 06 PM
يعطيكم الف الف عافيه مشكورين تقبلو مروري العطر من
هنــــــــــــــــــــــــــــــــــــــــــــــــ ــــــــــــــــــــــــــا

الطرقي
14 / 10 / 2011, 40 : 05 AM
الاخ محمد المسردي الامير السنافي شكرا للمتابعه
الاخ الذيب شكرا لوجودك في صفي ومتابعتك للمحاوره والشكر موصول للجميع