اقرب شاعر ياقحطان

[وسـمي نـجد]

السلام عليكم ورحمة الله وبركاته

يشرفني ان اللعب مع احد شعراء هذا الموقع الشامخ//


\المتواجد يعطينا خبر

[أبو محمد]

حياك الله ياوسمي نجد 00000000000000
يشرفنا تواجدك في منتدياتنا ألآدبيه وأذا ترغب في المحاوره ماعليك سواء ادخال
بيتين ( مبدا الوسيمه ) وسوف يتقدم أحد شعرائنا المميزين للمحاوره 0000حياك الله

[وسـمي نـجد]

خلووهاا


سلام الله سلام" باالوفا والعز لاهل الجود=تسليمة ترسي كماترسي جبال ام العلا
القاف فن اوحبك والمعنى معي مثل الزنود=والشاعراللي يصخر القيفان يقرب ياهلا

[الطرقي]

هلا والله هلا يامرحباً والجود بالماجود=ترحيبةٍ تبنى معانيها على قدر وغلا
القاف فن اوحبك والمعنى معي يرقى سنود =والشاعر اللي يصخر القيفان يبشر بعملا

[وسـمي نـجد]

المعذره على التاخير ياالطرقي وصح السانك توني والله متواجد الحين


خلووهاا



دام البقاء منا ودرب العز مامنه صدود=والشارده مقناصها مقناصها ريم الفلا
ياالطرقي اللي جيتنا في دار صلبين العضود=حدد ديارك في جنوب الدار ولا كربلا

[الطرقي]

خلوووووووووووووووها
الشارده عينتّها بين الجراول والنفود =أمن السهول يحدها شيٍ ملقيها الخلا
الطرقي يدوّر نبات الوسم في كل الحدود= والدار داري وأحتميها بالذراع الاخطلا

[وسـمي نـجد]

فااللعب نار" تصتلي فاالجوزلزال الرعود=والله يعز اللي كسب والنعم من بين الملا
ياذا القراده جابك الله تحت ذا الهرش الهبود=بقرا عليك الفاتحه واقول ربك ماقلا

[الطرقي]

خلوووووووووووووووووووووووووووووووووووووووووووووووو ووووووووها
راحت وفاتت واترك اللي فات جعله مايعود=في منتديات السهول الشرب كله والكلا
عزالله أنك (ياولد درّاج ) غثيت الكبود =أشغلت نفسك وأنت لا تنقض ولا أنت بتفتلا

[وسـمي نـجد]

خلوووهاا


ياالطرقي والله ماتذب الريع عود للزيود=وانا اخبرانك بنتظاري كان قلبك ماسلا
عزالله انك ضايع" واللعب مع شكلك يكود=حديتنا وابعتذر لاصحابنا اهل المنزلا

[الطرقي]

الله يبارك فيك ماقصرت يانسل الفهود=مايكمل الا الله ولاشيٍ سواء الله يكملا
لو انك تدري ويش فرق الصادرات من الورود=ماكادك المردود والا اللعب لكن بالبلا

[بعيدة نظر]

ياسلام ياسلام

النار شبت وزودهااااااا حطب


صح السانك الطرقي صح السانك يالوسمي

متاااااااااابعين

,,,,

[الذيب2010]

صح لسانك يا الطرقي ولسانك يا وسمي نجد وانا في صف الطرقي لاني عارف النتيجة تقبلو تحياتي اخوكم الذيب

[الطرقي]

شكراً للجميع على التشجيع
وجود الذيب في صفي يزيدني شرف وعلى مايبدو أنتهت المحاوره

[وسـمي نـجد]

اختامها ياالاد مسرد ياعريبين الجدود=باالمسك والعنبر وفيها الطيب يطليها طلا
ماقول غير الله يعز الحكم واحفاد ال سعود=لولاهم كان بعض الناس اعيونه بسم اتكحلا


لاهنت ياالطرقي شاعر جزل وتشرفت بااللعب معك واستمتعت بكل امانه ..


والمعذره اذا جا اي خطا ,,,

ولنا طاروق مباشر قريبأ ان شاء الله ...



تقديري وأحترأمي

[الشلهوب]

صح السانكمـ
وبيض الله وجيهكمـ
وانا في صفكم كلكمـ
وننتضر جديدكمـ
تحياتي

[الأمير السنافي]

( ليوم الجمعة )
يـــــــــــــــارب .. في يوم الجمعة وعدت عبادك
بقبول دعواتهم فيه سأدعو لقلب قريب لقلبي ..
اللهم ارزقه مايريد وارزق قلبه مايريد
واجعله لك كما تريد !
اللهم قدر له ذلك قبل أن تأذن لشمس الجمعة
بالمغييييب . آمين

[امهجد الشعار]

[quote=وسـمي نـجد;211196]خلوووهاا
ياالطرقي والله ماتذب الريع عود للزيود=وانا اخبرانك بنتظاري كان قلبك ماسلا
عزالله انك ضايع" واللعب مع شكلك يكود=حديتنا وابعتذر لاصحابنا اهل المنزلا



والله خطيييييير ياوسمي نجد صح السانك والسان الطرقي بس اعجبني المقلب هذا

[الطرقي]

بارك الله فيك يا(وسمي نجد أو يامهجد الشعار) لا تفسر الكلمات هكذا
واذا كان هذا تفكيرك فقد يكون اسمك مثلا (أم هجد) وشك رايك

[امهجد الشعار]

هلابك ياالطرقي

وانا اسف اذا زعلتك لكن الشاعروسمي بكل امانه اكثر محاوراته مقالب..

واسمي امهجد الشعار وليس بيت شعر الله يحفظك

وبمكاني احط اسمك الطرقي نفس طريقتك الطر قي

ولكن بحاول اوضحلك في بيته الاول وبيتك الاول ... هو يقول ياهلا وانت قلت ياغلا

(بكل امانه اعجبني ردك على اسلوبه )

وبيته اللي يقول بنتظاري واضح يقول انا اخبرك بنت ظاري كان قلبك ماسلا

حبيت اوضح وانت استاذي في الشعروارجو ان تقبل كلامي بكل صدر رحب


دمت بود