عذر الغياب

[كنق المشاعر]

بالله يـادكـتـور ودي بتقرير=تشرح ضروفي والسبب في انقطاعي
قبل الوصل يطعـن بشكـن وتغييـر=ويقلـب علينـا اول لقانـا وداعــي
عذر الغياب الي حصل مانـي بخيـر=غابـت بـي الدنيـا وزاد التياعي
ولكـل غيبـه لازمـن فيـه تفسيـر=وانـا غيابـي لازمـن لـه دواعـي
ابغا ارسل اعذاري معا الطير ويطير=يم الوليف الـي لـه القلـب جاعـي
ودي السموحه والزعل شي مايصيـر= بيـن الحبايـب لاتضيـق الوساعـي
ماقد حصل عشقن بلا اخطا وتقصيـر= وماماتـت اذن الوصـل مالستماعـي
وماقد بكت عينن على صحبه تجير=وموت الوصل معروف قطع السواعي
والا القطاعـه لابدت دون تبرير=يلقا لهـب قلـب المحـب اندلاعـي
وجدي على شوفه وقطـع المشاويـر=وجد القلـوب الضاميـه والجياعـي
واجيه باعذاري مع حـزت اعصيـر=وافرح بشوف الـي لقلبـي مراعـي
غير البلا في البعـد وزادت عقاقيـر=والقلـب مالفرقـا لحقـه ارتياعـي
واوصيك يادكتـور والسـر فالبيـر=لامن بـدا لعمليـة الصـدر داعـي
فكفك ضلوعي والصدر فيـه تشفيـر=ولاحد يشـوف السـر مالجتماعـي
تلقى على قلبـي صورلـه وتعبيـر=مكتوب فيـه اسمـه ولا للنقطاعـي
ولو ان علي عمليـه بـدون تخديـر=جسمـي تخـدر للمحبـه وطـاعـي
الشـوق بنجنـي مـن ايـات تاثيـر=وماهمني لو تاكـل الجسـم افاعـي
وماقـال ابوهمـام ياخـل لا تحيـر=لو غبت فتره فالوفـا مـن طباعـي
باجيك لو مالي استطاعه على السيـر=باجيـك ياحلمـي بكـل اندفـاعـي
باجيك لو ك خلـف حربـن وتدميـر=بقطع فجوج وحرب وباجيك واعـي
لاني اشوفك فـرض منتـه بتخييـر=ولانـي اشوفـك جنتـي والمتاعـي

[ناصر بن هذال]

لكل غيبه لازم ن فيه تفسير=ولو غبت فتره فالوفا من طباعي
بجيك لو مالي استطاعه على السير=بجيك ياحلمي بكل اندفاعي
عذر الغياب اللي حصل ماني بخيـر=غابـت بـي الدنيـا وزاد التياعـي

00
صح لسانك
الابيات اعلاه هي الزبده ولو نخلت باقي الابيات ونقيت اربعه اخرى لاصبحت قصيده متفرده وتجنبت التكرار .

[ابوخالد]

كنق المشاعر صح لسانك

مثل ما تفضل أبو يزيد

تجنب الإطاله

خصوصا اذا طغت الكلمات على المعنى المراد إيصاله..

وهذا يسمى في اللغه بالإطناب..

على العموم دامك تجاوزت مشكلة الوزن ما عليك سوى توظيف المعنى بأقصر الطرق وبهذا تصل للمراد..

كخاتمه كلما أبتعدت عن الشعر التقريري كلما كان أفضل..

[الأمير السنافي]

ماقد حصل عشقن بلا اخطا وتقصيروماماتت اذن الوصـل مالستماعـي
وماقد بكت عينن على صحبه تجيـروموت الوصل معروف قطع السواعي
ماقد حصل عشقن بلا اخطا وتقصيروماماتت اذن الوصـل مالستماعـي
وماقد بكت عينن على صحبه تجيـروموت الوصل معروف قطع السواعي
والا القطاعـه لابـدت دون تبريـريلقا لهـب قلـب المحـب اندلاعـي
وجدي على شوفه وقطـع المشاويـروجد القلـوب الضاميـه والجياعـي

وجدي على شوفه وقطـع المشاويـروجد القلـوب الضاميـه والجياعـي
يعطيك الف عااااافية منور المنتديات في أبداعك
أهلآ---سهلآ فيك أخي الفاضل كنق المشاعر

[ابوشوق]

صح لسانك................

[بعيدة نظر]

الاساتذه الكرام .. ناصر بن شري & عبدالعزيز بن شري

اعطوك زبدة الحديث ولكن لدي نقد تفصيلي قريبااا

صح السانك يالقرم

,,,

[بعيدة نظر]

اولا : الوزن كان على طرق مسحوب والشاعر اجاده في اغلب الابيات..
في بدااية النص كان اتقانه للوزن افضل من نهايته
غير البلا في البعـد وزادت عقاقيـر
والقلـب مالفرقـا لحقـه ارتياعـي
هنا زيادة حرف (و) في الشطر الاول (وزادت )
,,
واوصيك يادكتـور والسـر فالبيـر
لامن بـدا لعمليـة الصـدر داعـي
ولو ان علي عمليـه بـدون تخديـر
جسمـي تخـدر للمحبـه وطاعـي
كلمة (عمليه) هنا بالبيتين اعلاه تم اقحامها بعنف لكي يستقيم وزنها وهذا شيء ضد النص..
,,,
ثانياا: القافيه جميله وكانت ثلاثيه في كلا الشطرين
,,,

ثالثا من ناحيه لغويه ..
أرى ان هنا نصين في نص واحد ..
بالله يـادكـتـور ودي بتـقـريـر
تشرح ضروفي والسبب في انقطاعي
واوصيك يادكتـور والسـر فالبيـر
لامن بـدا لعمليـة الصـدر داعـي
فكفك ضلوعي والصدر فيـه تشفيـر
ولاحد يشـوف السـر مالجتماعـي
تلقى على قلبـي صورلـه وتعبيـر
مكتوب فيـه اسمـه ولا للنقطاعـي
ولو ان علي عمليـه بـدون تخديـر
جسمـي تخـدر للمحبـه وطاعـي
الشـوق بنجنـي مـن ايـات تاثيـر
وماهمني لو تاكـل الجسـم افاعـي
والنص الاخر:
قبل الوصل يطعـن بشكـن وتغييـر
ويقلـب علينـا اول لقانـا وداعـي
عذر الغياب الي حصل ماني بخيـر
غابـت بـي الدنيـا وزاد التياعـي
ولكـل غيبـه لازمـن فيـه تفسيـر
وانـا غيابـي لازمـن لـه دواعـي
ابغا ارسل اعذاري معا الطير ويطير
يم الوليف الـي لـه القلـب جاعـي
ودي السموحه والزعل شي مايصيـر
بين الحبايـب لاتضيـق الوساعـي
ماقد حصل عشقن بلا اخطا وتقصير
وماماتت اذن الوصـل مالستماعـي
وماقد بكت عينن على صحبه تجيـر
وموت الوصل معروف قطع السواعي
والا القطاعـه لابـدت دون تبريـر
يلقا لهـب قلـب المحـب اندلاعـي
وجدي على شوفه وقطـع المشاويـر
وجد القلـوب الضاميـه والجياعـي
واجيه باعذاري مع حـزت اعصيـر
وافرح بشوف الـي لقلبـي مراعـي
غير البلا في البعـد وزادت عقاقيـر
والقلـب مالفرقـا لحقـه ارتياعـي
وماقـال ابوهمـام ياخـل لا تحيـر
لو غبت فتره فالوفـا مـن طباعـي
باجيك لو مالي استطاعه على السيـر
باجيـك ياحلمـي بكـل اندفـاعـي
باجيك لو ك خلـف حربـن وتدميـر
بقطع فجوج وحرب وباجيك واعـي
لاني اشوفك فـرض منتـه بتخييـر
ولانـي اشوفـك جنتـي والمتاعـي

الشاعر لابد أن يرسم فكره لنصه بحيث تظهر القصيده بشكل أكثر سلاسه وتنظيم
هذا بشكل عام .
وأرى أن هناك تكرار لبعض المعاني بنفس النهج والطريقه مما جعل النص ممل للغايه
من قرا النص يجد بدائية الشاعر في الكتابه وهذا ما استغربه فانت قد بدات مشوار الشعر وتخطيت اصعب مراحله وهو الوزن
ولكن أريد التنويه بعدم الاطاله والاسهاب في الابيات لان ذلك ضد النص وليس في صالحه

مع العلم ان هناك مقتطفات من الابيات جميله جداا ولها مدلولها

صح السانك ولاهنت واتمنى ان ماقدمته يكون فيه الفائده لك وللجميع

[زعفران]

صح لسااااااااااااااااااااانك