الفارس يصوت لفرسـه~

[بعيدة نظر]

سلام رديه على من هو لبس بشتٍ طويل=والملعبه ميدان والفارس يصوّت لفرسه
الشعر ديوان العرب محفوظ مايبغى دليل=صاغوه من صوغ الذهب والشاطراللي يدرسه

[الذيب2010]

صح لسان الشاعرة وبداية موفقة اخوك الذيب

[ولد الشريا]

تبقين يابنت النشاما يا سليلة من سليل= في منتدى اللي للمراجل والعوالي مدرسة
والملعبة تبغى رجال ولاهي للطرف الكحيل= والشعر محفوظ ن ولايبغى حريم تحرسه

[بعيدة نظر]

حياك الذيب 2010

لاهنت على الحضور

,,,

[بعيدة نظر]

الله الله
ارحب تراحيب المطر ياااا ولد الشرياااا
اسسستلم طال عمرك

حييت ياللي تفتل المعنى على الوزن الثقيل=الحرب دارت وابتدت والفكر مادق جرسه
ياستاذنا الفاضل ترا هالهرج هذا للذليل=بدل كلامك والا خله داخل القلب احبســـه

[زمان يافن]

صح لسان الشعار
وننتظر المزيد

[سفير النوايا الحسنه]

صح الله السنتكم

[بعيدة نظر]

حياكم الله وصحة ابدانكم


ولد الشرياااااا طولت كثيررررررررر

,,,,

[ولد الشريا]

الله ولا كثر التراحيب اللي ما تشفي غليل=الزبدة إن الكل في حصنه ويشل مسدسه
الناس ترقب والسنا في جونا قرب يميل= متحمسة يا بنيتي ولا انت مو متحمسة

[بعيدة نظر]

انا هنا في وقفتي أكرم ولايكرم بخيل=وراع الطويــــله جعلهاااا سود الليالي تفرسه
شد الحزام ورتب الجزله وجنبنا الهزيل=جمل ترى المجمول لاااضاق يتنهد بانفسه

[ولد الشريا]

شفت الهنوف اللي سرت من جاش بالزاد القليل=ضاقت بها كل الدروب وما لقت ما تلبسه
اظاهر انس مثلها والفرق يكمن بالرحيل= اهي سرت تبغى السعة وانت تبين البربسة

[بعيدة نظر]

الله الله

اسسستلم ياولد الشرياااا





تبغى الصراحه ياولد مالك ومال المستحيل=خل الجبال النايفه للي جعلهااا مجلسه

السيف ابو حدين والبندق وشرهات العميـل=هذي زهابي فالرحيل ولانويت المنجسه

[سلطان ال الشوافه]

.........................................صح السانك ولد الشريا وصح الله السانك شيخة الغلا محاوره رايعه .....................................
تقبلو مروري

[ولد الشريا]

أفا وين راحت الابيات

[بعيدة نظر]

اي ابيات ياولد الشرياا..!!


لاااااااااتبطي علينااااااااااا

,,,

[ولد الشريا]

أنا من ليل على google chrome ولاطلع لي ولا بيت
ولا أدري وش السبب
والحين على explorer
وتوني اقرا الابيات



ما مدام مالك بالهجوم ولاتبي غير المقيل=باشيلها يالله عسى الشاشة ماهي بمضبسة
شفت البنات اللي على بنده يبيعون الصميل=تقاد قدم المشتري مثل الأواني مقرطسة

[بعيدة نظر]

ماعليه سهالات ياولد الشريااا

,,,,


يالربع شوفوا وش بلا صاحبكم الليله خبيل=ضيع عنان الخيل واستخدم بداله مكنسه
اما ندور له طبيبٍ يشفي الفكر العليل=والا كوينااا قلته في ميسمٍ بيونسه

[ولد الشريا]

ياكم سمعنا مـ الحكي ونفوسنا يا كم تشي=ما همني لجات مــ اللي تو باقي مضرسة
واللي يبيع الشاي الأخضر مايبيع الزنجبيل=مقياس ريختر مايهم اللي درس بالهندسة

[بعيدة نظر]

جالك كلامي ياولد عانه على راس الفتيل=والشك زايل و الرمل مهما كثر بندعسه
في سلمانا نقدع مع الفنجال من تمر النخيــل=والا الرطب في سلمكم الرجل لازم يلحســه

[ولد الشريا]

لاصبك الله في الردى والهرج مامنه ذبيل=وشفت من قدمك على مدري يشل الغطرسة
جنب ترى الرحمن يجعل للكفو درب وسبيل=بالذات لاصرت الصريح ولاداني اللسلسة

[ولد الشريا]

تصبحون على خير

[بعيدة نظر]

عينك تناظرنا مثل عين الجراده ياجميل=وش حيلة الي لامشى دربٍ تراجع وعكسه
وقف مواقيف الرجال الي لهم شانٍ جليل=والا تريح واسترح والراس زود فعمسه

[محمد]

.

محاورة رائعة استمتعت بها , ,

صح لسانك شاعرنا ولد الشريا
ولسان شاعرتنا شيخة الغلااااا

استمرووا . . .

[ولد الشريا]

الله ولي لما خلق ماني على خلقه وكيل = بأغير الموال دام ان العقول مجبسة
ميقافنا لامن غدا لصم الرمك صوت وصهيل = نعطي بلامحسوب يوم ان الجيوب مفلسة

[سفير النوايا الحسنه]

الله يعطيكم العافيه استمتعنا بهذه المحاوره الشيقه.

[بعيدة نظر]

صح الله السانك يالشاااعر


وحياك الله في منتداك وانت ظيف جديد

لاهنت.. كفووو وبيض الله وجهك

,,,

[محمد بن عايض المسردي]

صح الّسنتكم..