ثاني مشاركه ... أرجـو نقدهـآ ....!

[شــــامــــخ]

مرت شهور الحول ما زرت مخلوق = اراجع أحداث مضت وقعها طال
مابين سجة حزن وهموم وحقوق = غابت معاني فرحة الحال بالمال
مرات تأخذني على كل طاروق = وبيت القصيده من جزيلات الأمثال
ومرات تسريبي على رمل وعروق = فيها النجوم الساطعه تشعل إشعال
ومرات أخايل في السما غيم وبروق = وأسبح بحمد الولي عز و إجلال
وحدي ولا خوة رديٍ و مطفوق = في خلوةٍ تغني عن القيل والقال
تالي مخاو اللاش في خوته بوق = ناكر معاريف النشاما و الأبطال
كم واحداً لا شافني كنه مصفوق = أمحق وجيهٍ قدرها قرش وريال
ناكر جميل الناس ياعله العوق = واللي سواته يبشر بفقر وإذلال
ولا النشاما قدرها دايم فوق = ما نزلت من قدر الاشناب مثقال
حتيش لو منصبه بين ومرموق = ما كل من جاب الشهادات رجال
الطيب واضح ما يبي شرح وفروق = فعلٍ يخلد بالزمن مضرب أمثال

[زمان يافن]

الشامخ
يعطيك العافيه
وبداياااات قويييه
ننتظر راي النقااااااد
وننتظر جديدك

[شــــامــــخ]

هلابك زمان الفن .. شهاده أعتز بها .. وبأنتظار النقاد !!

[خزام بن مناحي بن شري]

أخوي شامخ حقيقة انا قرأت القصيدة الاوله واعجبت بها وهائنت تجدد بهذه القصيدة التي أتوقع انها خرجت من مخزون شاعر يملك الكثير
انا لست بشاعر ولا أملك هذه الموهبة التي يتمناها الكثير
بالنسبة للنقد انا ارى بان القصيدة وافيه
لدي استفسار بسيط في الشطر الاول من البيت الثاني عن كلمة حقوق
تتقبل مروري
ولك مني جزيل الشكر
أنتمى ان نرى منك الكثير من الابداع

[شــــامــــخ]

صح بدنك يبومناحي ,, شهاده أعتز بها من شخصك الكريم .. وكلمة حقوق أعني بها حقي من مال وغيره ,, !!
شكراً لك ..

[الأمير السنافي]

الشامخ يعطيك العواااافي هلابكم جميع وهلا وغلا

[محمد بن خالد آل حيدان]

الشامخ الله يعطيك الف الف الف عافيه
شاعر كبير طال عمرك والصراحه اعجبتني القصيده ككل
وخاصة
حتيـش لـو منصـبـه بـيـن ومـرمـوق**ما كـل مـن جـاب الشهـادات رجـال

صدقت في هذا طال عمرك وهذه الفئه هذا الزمن ياكثرها
دمت ودام ابداعك

[شــــامــــخ]

الأمير السنافي ... شكرا لك ..
كنق جاش .. صح بدنك .. وشهاده أعتز بها طال عمرك لا حرمنا الله هالمرور والمجامله الطيبه ..!

[شــــامــــخ]

لوس آنجل ... القصيده دامك قريتها هذا المهم عندي .. وشكراً لك على المرور والمشاركه يالغالي !!

[خالد بن معدي]

صح لسانك يالشامخ وانا اقترح نقلها لقسم الشعبيات وتقبل مروري

[حلو المعاني]

الطيب واضح مايبي شرح وفروق .. فعلٍ يخلد بالزمن مضرب أمثال






صح لسانك

[شــــامــــخ]

صح بدنك يبومعدي .. وإقتراحك وسام طال عمرك وهذا اللي يهمني القصيده تعجب اللي مثلك وشرواك

[شــــامــــخ]

حلو المعاني صح بدنك وتسلم على المرور والمشاركه

[أبوعبدالله]

الشامخ هذي القصيدة مايستاهل النقد
حقها ان تثبت في الشعبيات
دمت مبدع

[بعيدة نظر]

الله الله عليك الشامخ قصيده رائعه

مدخل جميل لمضمون اجمل ,,

قصيده كانت بالطرق المسحوب والشامخ اظنه تجاورز هالنوع من الطواريق

اقول مافيك حيله وأبيض وجه

,,

[سفير السعد]

بيض الله وجهك يا شامخ
هذا القصيد اللي يطرب
صح لسانك

[الغرابي]

صح لسانك يا شامخ ولك من اسمك نصيب
فالشامخ شامخ بكلمته
شامخ بمعناه
شامخ بالعبارة
قصيدة شامخة من شاعر شامخ واختيار شامخ
موفق بإذن الله وننتظر الجديد والمزيد

[شــــامــــخ]

الله يطول عمرك يبوعبدالله شهاده ةاعتز بها تبقى وتسلم ..!!

شيخة الغلا صح بدنك وهذه القصيده طلعت من القريحه بعد القصيده الاولى والثالثه بأذن الله طاروق جديد وموضوع جديد
بأذن الله في القريب العاجل !!


سفير الحزن صح بدنك يالذيب وما يكمل القصيده إلا مرور اللي مثلك وشرواك !!

الغرابي تسلم وتحيا طال عمرك ,, وإطرائك شهاده اعتز بها عسا الله يوفقك دنيا وآخره !!