الكاسر
06 / 08 / 2010, 24 : 11 PM
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
هذه القصيدتين للشاعر حمد بن هادي المسردي - رحمه الله - في الشيخ فهد بن عبد الهادي العجمي
سلام قال المسردي مني لبن قروش سلام=والمسردي يا فهد بن هادي هو الشاعر حمد
شاعر خبير ارسي كما ترسي الرواسي في الزحام=الجن من شوفي يطير والانس لاجيته هجد
يا عقاب يا صقر صميدع صيرم حر قطام=لولاك ما والله يابو هادي عنيت من البلد
عانى من أرض شرق عن بيشه وغرب ابلاد يام=ناصيك من عين الجنوب وجيت يا وجه السعد
يا سعد من يذكرك في وقت الشديد له حزام=ياطا المخاطر ما يهاب اللي يخبرك له سند
يا ملتجي المحتاج يا زبن الوحيد المستظام=يا سبع ياليث غضفر غاب غاضب يا أسد
أذكرك يا فرز الوغا عند المهمات الجسام=لا قلت الحيلات بي ما عاد لي منك مصد
يا فزعة المضيوم يا جبار عثرات الكرام=هداج تيماء مكرم الضيفان مقصد من قصد
يانورنا يابدرنا الوهاج جلاي الظلام=أنته سندنا اللي على الله ثم عليك المعتمد
يا ذخرنا يا فخرنا يا عزنا بين الأنام=يامن بطيبك يشهدون الخلق والخالق شهد
زحل الزحول الحيلي يالحليل يالقرم الولام=ياللي مواقيفك بفعل الطيب دراس وجدد
يا صيرم صمصام صارم لا هوا قص العظام=سقم العدا بحر الندا ريف الضعيف المظطهد
أنت الشجاع أنت الكريم إنعدو الناس الكرام=أنت الفهيم أحكم برأيك كل من قام وقعد
أنت الذي فعلك يرد بجد لا رد الكلام=مزروع فيك الطيب من عادك رضيع في المهد
بانت لوالدك العلايم وأنت في سن الفطام=وأنا أشهد أن العود قبل يموت خلف له ولد
مادحك ربي قبل ما نمدحك يا عالي المقام=والله قسم باللي رفع سبع طباق بلا عمد
أمدحك والا ما مدحك كل يكن لك احترام=جديت للمجد ووجدت وكل من يزرع حصد
هذا وأنا اللي جابني وقت تحلحل بانفصام=الذيب به يبطح يديه وتمره حرش القهد
من عقب ما هو يفترس لا جاع ما يخشى ملام=اليوم ذا قد هي تحدى الذيب عنقان الجمد
حتى الأدب والشعر والخلق الرفيع اللي تمام=ما عاد ينفع وقتنا الحاضر وظني للأبد
ذا وقت كذب ونصب ممزوج بضحك وابتسام=من لا يعيش بلااحتيال يموت لونهه أجتهد
إلا الذي له مسند مثلك فهذا لا يضام=طول الزمان احتر طقس المنطقة والا برد
ما فادني حسن الأدب والشعر ما نلت المرام=باشكي على الله ثم عليك وغير ما بشكي لاحد
تصفق بي الدنيا على جبلانها شرق وشام=راحت حياتي كلها تنكيد وهموم ونكد
حاولت ثم حاولت في وضعي وعيا ماستقام=طعم السعادة والهنا في العمر ماذقته بعد
واليوم خرب الوضع من كل النواحي ياهمام=شمتو بي اللي لي يكنون العداوه والحسد
هم العرب غيري يجي ويروح عام عقب عام=وأما همومي دايماً يا شيخ حبل من مسد
من جور بقعا كل ليل اسهر وخلق الله نيام=أنظر عيوني من سهرها كن صايبها رمد
راحت حياتي كلها هباً منثور في الدنيا عدام=اسم بلا جسم وحال بدون حيل ولا جهد
افزع لمن وضعه يابو هادي خطير بنحطام=يرجيك رجوى المشفق الولهان صبره قد نفد
هذا وصلي الله وسلم في البداية والختام=على الرسول محمد المختار منذر من جحد
ويقول أيضا:
يا سلامي في البداية يا سلامي=يا سلامي عد من صلى وصامى
يا سلامي من صميم أفواد صادق=للعقاب الصيرمي الحر القطامي
كاسب الطولات محمود السجايا=كامل الشارات حلحيل الزحامي
وهو ابن قروش فهد زبن اجنا=وابن قروش شيخ م شيخان يامي
كم سجين حاير قد فك سجنه=وكم رفا خلة كريم باحترامي
وكم أعاد إلابتسام إلى محيا=بائسٍ عقب الجواى ولا نكتامي
ما حد ينسى مساعيه الحميده=كل يوم وكل شهر وكل عامي
كامل والكامل الله جل شأنه=ذاع صيته واشتهر بين الأنامي
شاع صيته واشتهر في كل ديره=بالعلوم الغانمة شرق وشامي
السجاع ابن القروم أهل الشجاعة=الكريم أن عدوا الناس الكرامي
بالكرم هو حاتم الطي بزمانه=بالشجاعة يستحق أعلا وسامي
وأرجو ألا يعتبر مدحي مبالغ=لن أقول إلا الصحيح وهو أمامي
والله اللي ما حد يحلف بغيره=إن مدحت أو ما مدحت إن له مقامي
رافع ربي مقامه من فطامه=وبغنى عني ومدحي واهتمامي
العقاب الصيرمي عطب الظرايب=راس من روس لهم فالكون اسامي
ريف هشال الخلا وافي الخصايل=سعد من هو في الشدايد له حزامي
سبع أسد ليث غضنفر غاب غاضب=حد سيف لا هو قص العظامي
ثابت عاقل دليل فيهم عارف=يرتكى عند المهمات الجسامي
زين شين حلو مر كدر صافي=حيلي حلحليل وزحلٍ لا يضامي
ريض عجل ثقيل حرص كايد=بارك الله بالفهد منذ الفطامي
بالشدايد مثل ضلع طويق يرسى=وان رسى تهتز له روس الزوامي
عند لزمات اللزم يلزم لوازم=لا التزم الزم بما يلزم لزامي
يقضي اللازم وتلزمه اللزايم=في ملازيم الرجال له التزامي
لا نصيته عند بيته ثم نخينه=يطلق الوجه بمقامه كان قامي
بالتواضع والأدب والحلم يذكر=والعطا والجود والفعل التمامي
ذي فعولك يابن قروش ذي وصوفك=قلت بك ما قيل يا لقرم الهمامي
والله أني ما مدحتك يا المسمى=للطمع في ما ببقعى من حطامي
دامك الله يا فهد ذخرا وفخرا=للصديق امن قحطان وجمع يامي
والسلام اللي بديت به إنتهى به=لك سلامي في البداية والختامي
وسلامتكم
الحمدلله والصلاة والسلام على رسول الله وعلى آله وصحبه أجمعين
هذه القصيدتين للشاعر حمد بن هادي المسردي - رحمه الله - في الشيخ فهد بن عبد الهادي العجمي
سلام قال المسردي مني لبن قروش سلام=والمسردي يا فهد بن هادي هو الشاعر حمد
شاعر خبير ارسي كما ترسي الرواسي في الزحام=الجن من شوفي يطير والانس لاجيته هجد
يا عقاب يا صقر صميدع صيرم حر قطام=لولاك ما والله يابو هادي عنيت من البلد
عانى من أرض شرق عن بيشه وغرب ابلاد يام=ناصيك من عين الجنوب وجيت يا وجه السعد
يا سعد من يذكرك في وقت الشديد له حزام=ياطا المخاطر ما يهاب اللي يخبرك له سند
يا ملتجي المحتاج يا زبن الوحيد المستظام=يا سبع ياليث غضفر غاب غاضب يا أسد
أذكرك يا فرز الوغا عند المهمات الجسام=لا قلت الحيلات بي ما عاد لي منك مصد
يا فزعة المضيوم يا جبار عثرات الكرام=هداج تيماء مكرم الضيفان مقصد من قصد
يانورنا يابدرنا الوهاج جلاي الظلام=أنته سندنا اللي على الله ثم عليك المعتمد
يا ذخرنا يا فخرنا يا عزنا بين الأنام=يامن بطيبك يشهدون الخلق والخالق شهد
زحل الزحول الحيلي يالحليل يالقرم الولام=ياللي مواقيفك بفعل الطيب دراس وجدد
يا صيرم صمصام صارم لا هوا قص العظام=سقم العدا بحر الندا ريف الضعيف المظطهد
أنت الشجاع أنت الكريم إنعدو الناس الكرام=أنت الفهيم أحكم برأيك كل من قام وقعد
أنت الذي فعلك يرد بجد لا رد الكلام=مزروع فيك الطيب من عادك رضيع في المهد
بانت لوالدك العلايم وأنت في سن الفطام=وأنا أشهد أن العود قبل يموت خلف له ولد
مادحك ربي قبل ما نمدحك يا عالي المقام=والله قسم باللي رفع سبع طباق بلا عمد
أمدحك والا ما مدحك كل يكن لك احترام=جديت للمجد ووجدت وكل من يزرع حصد
هذا وأنا اللي جابني وقت تحلحل بانفصام=الذيب به يبطح يديه وتمره حرش القهد
من عقب ما هو يفترس لا جاع ما يخشى ملام=اليوم ذا قد هي تحدى الذيب عنقان الجمد
حتى الأدب والشعر والخلق الرفيع اللي تمام=ما عاد ينفع وقتنا الحاضر وظني للأبد
ذا وقت كذب ونصب ممزوج بضحك وابتسام=من لا يعيش بلااحتيال يموت لونهه أجتهد
إلا الذي له مسند مثلك فهذا لا يضام=طول الزمان احتر طقس المنطقة والا برد
ما فادني حسن الأدب والشعر ما نلت المرام=باشكي على الله ثم عليك وغير ما بشكي لاحد
تصفق بي الدنيا على جبلانها شرق وشام=راحت حياتي كلها تنكيد وهموم ونكد
حاولت ثم حاولت في وضعي وعيا ماستقام=طعم السعادة والهنا في العمر ماذقته بعد
واليوم خرب الوضع من كل النواحي ياهمام=شمتو بي اللي لي يكنون العداوه والحسد
هم العرب غيري يجي ويروح عام عقب عام=وأما همومي دايماً يا شيخ حبل من مسد
من جور بقعا كل ليل اسهر وخلق الله نيام=أنظر عيوني من سهرها كن صايبها رمد
راحت حياتي كلها هباً منثور في الدنيا عدام=اسم بلا جسم وحال بدون حيل ولا جهد
افزع لمن وضعه يابو هادي خطير بنحطام=يرجيك رجوى المشفق الولهان صبره قد نفد
هذا وصلي الله وسلم في البداية والختام=على الرسول محمد المختار منذر من جحد
ويقول أيضا:
يا سلامي في البداية يا سلامي=يا سلامي عد من صلى وصامى
يا سلامي من صميم أفواد صادق=للعقاب الصيرمي الحر القطامي
كاسب الطولات محمود السجايا=كامل الشارات حلحيل الزحامي
وهو ابن قروش فهد زبن اجنا=وابن قروش شيخ م شيخان يامي
كم سجين حاير قد فك سجنه=وكم رفا خلة كريم باحترامي
وكم أعاد إلابتسام إلى محيا=بائسٍ عقب الجواى ولا نكتامي
ما حد ينسى مساعيه الحميده=كل يوم وكل شهر وكل عامي
كامل والكامل الله جل شأنه=ذاع صيته واشتهر بين الأنامي
شاع صيته واشتهر في كل ديره=بالعلوم الغانمة شرق وشامي
السجاع ابن القروم أهل الشجاعة=الكريم أن عدوا الناس الكرامي
بالكرم هو حاتم الطي بزمانه=بالشجاعة يستحق أعلا وسامي
وأرجو ألا يعتبر مدحي مبالغ=لن أقول إلا الصحيح وهو أمامي
والله اللي ما حد يحلف بغيره=إن مدحت أو ما مدحت إن له مقامي
رافع ربي مقامه من فطامه=وبغنى عني ومدحي واهتمامي
العقاب الصيرمي عطب الظرايب=راس من روس لهم فالكون اسامي
ريف هشال الخلا وافي الخصايل=سعد من هو في الشدايد له حزامي
سبع أسد ليث غضنفر غاب غاضب=حد سيف لا هو قص العظامي
ثابت عاقل دليل فيهم عارف=يرتكى عند المهمات الجسامي
زين شين حلو مر كدر صافي=حيلي حلحليل وزحلٍ لا يضامي
ريض عجل ثقيل حرص كايد=بارك الله بالفهد منذ الفطامي
بالشدايد مثل ضلع طويق يرسى=وان رسى تهتز له روس الزوامي
عند لزمات اللزم يلزم لوازم=لا التزم الزم بما يلزم لزامي
يقضي اللازم وتلزمه اللزايم=في ملازيم الرجال له التزامي
لا نصيته عند بيته ثم نخينه=يطلق الوجه بمقامه كان قامي
بالتواضع والأدب والحلم يذكر=والعطا والجود والفعل التمامي
ذي فعولك يابن قروش ذي وصوفك=قلت بك ما قيل يا لقرم الهمامي
والله أني ما مدحتك يا المسمى=للطمع في ما ببقعى من حطامي
دامك الله يا فهد ذخرا وفخرا=للصديق امن قحطان وجمع يامي
والسلام اللي بديت به إنتهى به=لك سلامي في البداية والختامي
وسلامتكم