أول مشاركه أرجو نقدها ..............!!!

[شــــامــــخ]

كم لي وأنا أزرع بالوفا ما جنيته = زرعٍ يبس... سقياه وصلك ولاماك
عامين زادي سامجٍ ما أهتنيته = أستغفر الله ما على حكمه إشراك
همٍ قديمٍ للملآ ما شكيته = طبه حضورك .. كل ماغبت ناداك
لقياك عيدٍ فارقٍ شرح صيته = عيد يحلي ليلته ضحكة شفاك
جيت وغمرت القلب حب وبنيته = بين الضلوع العوج منزالك هناك
نظرة وفا وإحساس صادق عطيته = وهو عطاك الحب كله وحياك
وأهديتلك حبٍ كفاك وكفيته = وأرخصتلك قلبٍ جبر عثرة خطاك
وأول مكان العيد لا ضقت جيته = لب القصيد وغايته ما أقدر أنساك

[شــــامــــخ]

أرجو نقل القصيده للشعبيات لعدم توفر النقاد ولكم جزيل الشكر !!

[حلو المعاني]

صح لسانكـ ياشامخ اعجبي هذا البيت كثيرا

نظرة وفا وإحساس صادق عطيته ** قلبٍ نبض بأسم حروفه من الراك

[الأمير السنافي]

الله يبارك فيك أخي الفاظل صح السانك وتقبل شكري وتقديري لك هلا وغلاااااااااا
يسلموووووووووووووووووووووووووووووووووووووووووووووو ووووووووو

[شــــامــــخ]

حلو المعاني صح بدنك مرورك شرفني وأسعدني

الامير السنافي أشهد بالله إنك سنافي ..!!

[بعيدة نظر]

صح الله السانك يالشااااامخ,,

قصيده جميله جدااااااا

جاءت على الوزن المسحوب قافيتها رائعه بالصدر ظمير متكلم والعجز ضمير مخاطب..

ولكن يوجد كسر بسيط هنا باول بيت بالشطر الثاني

زرعٍ يبس عرقه ولا وصلني ماك

ممكن تعديله الى .. زرع ٍ يبس عرقه ولارويته بماك


لاااااااااااهنت

,,,

[شــــامــــخ]

شيخة الغلا حياك الله وصح بدنك

بالنسبه لكلمة وصلني نطقتها بلهجتنا العاميه لذالك لاينكسر البيت ولاهنتي ..!!

[بعيدة نظر]

زرعٍ يبس عرقه ولا اوصلني ماك ..

اذا كان نطق اوصلني هكذا فايضا يوجد كسر بنقص حرف فلابد من زيادة حرف (ل) لكلمة "ماك"

واذا كان نطقها (وصّلني) فأيضا كسر ,,,

فأي منها تقصد

,,,

[شــــامــــخ]

والله يالشيخه ملحنها وضابط معي ..!!

ولكن وش رايك بالشطر هذا


زرعٍ يبس .. سقياه وصلك ولاماك ..!!


وأشكر لكي تفاعلك وإهتمامك ونقدك !!

[بعيدة نظر]

الله اكبــر

ماشاء الله عليــك ابدعت بالشطر


صح الله الساااااانك

,,

[شــــامــــخ]

صح بدنك يالشيخه
وأشكرك مره آخرى وإن شاء الله تكون فاتحة خير لتقديم الأفضل !!

[ابوخالد]

زرعٍ يبس عرقه ولا اوصلني ماك ..

اذا كان نطق اوصلني هكذا فايضا يوجد كسر بنقص حرف فلابد من زيادة حرف (ل) لكلمة "ماك"

واذا كان نطقها (وصّلني) فأيضا كسر ,,,

فأي منها تقصد

,,,تنطق هكذا..( وص ) ( لني )
الصاد ساكنه وبهذا يستقيم الوزن..
شكرا لمجهوداتك شيخه..
وشكرا لشلاعرنا الشامخ..

[شــــامــــخ]

الشكر لك يابوخالد على تعقيبك
كما أسعدني مرورك هنا .!!

[جبروت الابتسامة]

القصيدة موزونه ولا فيها كسر من اول
بس يمكن هناك
اختلاف في النطق
خل قصيدتك كما هي ما تحتاج تعديل
وصح لسانك

تحياتي

[شــــامــــخ]

صح بدنك جبروت ومثل ماقلت طال عمرك ..!
بس ملاحظة الشيخه نتج عنها شطر أقوى معنى ,, !! شكراً لك ومنكم نستفيد !!

[بعيدة نظر]

صحيح استاااااذي ابو خالد

والله لهجة اهل جاش لكم عليها عندي

والبيت فعلا موزون حسب النطق ولكن رايي اخر بيت كتبه هو الافضل

ومشكووووور الشامخ على القصيده الطيبه وعلى تقبل النقد لو اني فشلت فيه

وننتظر غيرها مو هناا .. هنااااك بالشعبيات

,,,

[خالد بن معدي]

الشامخ
صح لسانك وتعديلك في الشطر الثاني من البيت الأول في قمة الروعه لكن ارجو إعادة النظر في الشطر الثاني من البيت الثالث من آخر القصيدة تقبل مروري

[راعي المقناص]

صح لسانك والله يعطيك العافيه

[شــــامــــخ]

شيخة الغلا حياك الله والشطر تم تعديله وتثبيته عندي في القصيده ,, !!

أبومعدي مرحبا ومسهلا وصح بدنك وبالنسبه لإطراءك في الشطر اللي عدلته أتمنى تكمل جميلك وتعدله على القصيده
حاولت أعدله ماقدرت !! وبالنسبه لملاحظتك على العين والراس بس الهم اللي فيني يبو معدي مايروح إلا في حضوره
ولايجيني إلا في غيابه هههه علشان كذا حاولت أجيب أفضل من هالمعنى لكن والله ما أستطعت .. أشكرك مره آخرى

راعي المقناص .. صح بدنك ولا هنت على المرور طال عمرك ..!!

[خزام بن مناحي بن شري]

بدااااااااااااااايه موفقه واعتقد ان لديك الكثير فننتظر

[شــــامــــخ]

إن شاء الله أكون عند حسن ظنك يبومناحي ,, وإنتظر جديدي في القريب العاجل !!

[الأمير السنافي]

مرور والسلام عليكم هلا وغلااااااااااااااااا يسلموووووووووووووووووووووووووووووووووووو

[شــــامــــخ]

أشكرك أخي خالد على تعديل القصيده وتنسيقها بشكل ممتاز .. وأرجو أن آرى تعليقك على القصيده الثانيه !!