محاوله جديده معروضه للنقد

[كنق المشاعر]

من ورى عوج صدري ساحب لحوني=واسقيبها مسمعي مـن بعـد ماجفـا
مسموح يالي وداعك ثور اشجونـي=والله ان ابكيك حتـى العيـن ماتجفـا
اذكره يومن بكا ثـم بـاح مكنونـي=واذكره يومن مسح دمعي وثـم قفـا
واقول جاي وقريب وخابت اضنوني=وطال صبري وعيا الجـرح لايشفـا
اسهر ولاطاع نومي يصافح اجفونـي=والشوق زايد وكنـه بصـدر شلفـا
دمعي ملا غترتي واسود غدا كونـي=متلطمن والحزن في الوجـه مايخفـا
صاح قلبي عليـه وقلـت بالهونـي=قـال منهـو نحبـه ناويـن يجـفـا
قلـت لا خلنـا كيـف انـه يخونـي=اكيـد زود عليـه الوقـت بالضرفـا
من ورى عوج صدري ساحب لحوني=والشوق زايد وكنـه بصـدر شلفـا

[الصريح]

محاوله طيبه ولكن
البيت الاول والثاني والسابع تنتهي تقريبا بنفس المعنا
الشوق زايد وكنه بصدر شلفا
مادري وش تقصد بالضبط ولكن الاصح
الشوق زاد وكن بالصدر شفا
ولا تخلو ايضا من بعض الكسور في الابيات
تقبل مروري ولك مني

اطيب المنى,

[ناصر بن هذال]

صح لسانك
تطور ملحوظ بمستوى طرحك.
ملاحظات الصريح قيمه.
وارجو ان تعيد طرح هذا النص بعد محاوله اخرى و مراجعه لمدة اطول ولامانع لو تكون عدة اشهر.
بانتظارك.

[بعيدة نظر]

مرحباااااا اخي الشاعر كنق المشاعر ,,

بدايه من ناحية الوزن فأنت هذه المره تطرق بحر جديد وهو (البحر البسيط) بحر جدااا رائع ومميز وانا من عشاقه

ولكن لم تتمكن من الوزن تماماا فهناك بعض الكسور في بعض الابيات اما لصياغه خاطئه للبيت او لنقص بالبيت مما أخل بالوزن واليك التفصيل :-

من ورى عوج صدري ساحب لحوني

ورى كسرت البيت ويمكن تعديل البيت بالكامل ليكتمل الوزن والمعنى كالتالي : من خلف عوج الضلوع اجرّ بلحوني ..

اسهر ولاطاع نومي يصافح اجفونـي.. هنا زياده حرف في كلمة (يصافح) فلابد ان تكون صافح بدون (ي) ولكن سيختل المعنى وهنا لابد من اعادة صياغه للشطر

والشوق زايد وكنـه بصـدر شلفـا

هنا يوجد نقص حرف واظنه خطأ مطبعي فقط( بالصدر )وليس (بصدر)..!!

صاح قلبي عليـه وقلـت بالهونـي
قـال منهـو نحبـه ناويـن يجـفـا
قلت لا خلنـا كيـف انـه يخونـي
اكيـد زود عليـه الوقـت بالضرفـا

هنا في هذه البيتين يوجد خلل بالنقص في كل شطر ٍ منها ماعادا الشطر الاخير واليك التفصيل :-

صاح قلبي عليـه وقلـت بالهونـي أقترح ان تكون (قد صاح قلبي عليه وقلت بالهوني)..

قـال منهـو نحبـه ناويـن يجـفـا .أقترح ان تكون هكذا (ثم قال منهو نحبه ناويٍ يجفااا)..!!

قلت لا خلنـا كيـف انـه يخونـي .. وهنا ايضا اقترح ان يكون هكذا ( ثم قلت لا خلناا كيف انه يخوني)

وهكذا يستقيم الوزن,,

من ورى عوج صدري ساحب لحوني وهنا نفس التعديل فالبيت الاول ..(من خلف عوج الضلوع اجرّ بلحوني )

,,,,,

نأتي الان الى القافيه :

تكرار للقافيه (لحوني ,,شلفا) ولكن يبرر للشاعر كقفله للقصيده

وأيضا يزداد اعجابي باختيار الشاعر للقوافي الجميله فهنا اختار قافية (اوني),, (افا)


مشاء الله عليك وبيض الله وجهك

,,,,

نأتي للتركيبه اللغويه

القصيده بشكل عام متماسكه جداا لو انني ارى بانك كررت فكرة البيت الاخير من ابيات سابقه كقفله لقصيدتك ولكن كان سياتي بيت افضل من التكرار وأفضل ان تعيد النظر فيه مع انه لن يخل بالقصيده

هنا لدي ملاحظه في هذا الشطر

دمعي ملا غترتي واسود غدا كونـي

تركيبته ركيكه مما اضعفت المعنى أرى بتعديله الى : دمعي ملا غترتي واسود ت اعيوني,,
هذاااااا والله أعلم

,,,

طلب :=
وماشاء الله تبارك الله أتمنى بعد تعديل الاخطاء البسيطه في هذه القصيدة أن أراها بقسم الشعبيات قصيده جزله وقيمه وأطربتني كثيرااا

صح الله السانك وبيض الله وجهك مستقبلك باهر وللأمام

,,,,

[كنق المشاعر]

من خلف عوج الضلوع اجر بلحوني=واسقيبها مسمعي مـن بعـد ماجفـا
مسموح يالي وداعك ثـور اشجونـي=والله ان ابكيك حتى العيـن ماتجفـا
اذكره يومن بكا ثـم بـاح مكنونـي=واذكره يومن مسح دمعي وثـم قفـا
واقول جاي وقريب وخابت اضنونـي=وطال صبري وعيا الجـرح لايشفـا
اسهر ولاطاع نومي يصافح اجفونـي=والشوق زايد وكنـه بالصـدر شلفـا
دمعي ملا غترتي واحمرت اعيوني=متلطمن والحزن في الوجـه مايخفـا
قد صاح قلبي عليـه وقلـت بالهونـي=ثم قـال منهـو نحبـه ناويـن يجـفـا
ثم قلت لا خلنـا كيـف انـه يخونـي=اكيـد زود عليـه الوقـت بالضرفـا
وقمت اعاكس هموم الوقت بلحوني=والشوق ذابح وكنـه بالصـدر شلفـا

بعد المراجعه طلعت ةمعي القصيده كذا واحب الشاوركم وانشالله بعد ارائكم انزلها في قسم الشعبيات

ولاكن توضيح لكلام الاخت شيخه في الشطر هذا((اسهر ولاطاع نومي يصافح اجفونـي))
اليا في نومي واليا في كلمت يصافح هنا يلتقي حرف اليا بيا اخر واليا من حروف العله وهو يحمل حرفين ساكن ومتحرك اي هنا في الوضع هذا ينطق حرف واحد يختم كلمت نومي ويبدا كلمت يصافح واذا ارت ان اكتبه بنطق الوزن يكون ((نوميصافح))
هذا رايي وارجو الافاده

[ناصر بن هذال]

للاطلاع:النص ممكن يتعدل دائما مثلا وش رايك لو صار النص بهذا الشكل:

من خلف عوج الضلوع اجرها لحوني
واسقيبها مسمعي مـن بعـد جافـاني
مسموح يالي وداعك ثور اشجونـي
والله لا ابكيك لين العيـن تجفاني
اذكره يومن بكا ثم بـاح مكنونـي
واذكره يومن مسح دمعي من اجفاني
واقول جاي وقريب وخابت اضنوني
وطال صبري وعيا الجرح يشفابي
اسهر ولاطاع نومي يصافح اجفوني
والشوق زايد ولاهو دوم يخفاني
دمعي ملا غترتي واحمرت اعيوني
متلطمن والحزن في الوجه يرفاني
قد صاح قلبي عليه وقلت بالهونـي
بالناس تلقى بها زينات الاوصافي
اعاكس هموم قلبي دوم بلحونـي
والشوق مره ردي ومره سنافي