المساعد الشخصي الرقمي

مشاهدة النسخة كاملة : مغترب ... محاوله شعريه


حبيت من لا حبني
03 / 03 / 2010, 14 : 01 AM
السلام عليكم ورحمة الله وبركاته
كيفكم انشاله انكم بخير
هاذي قصيده عن الغربه وانا منزلها ابي النقد والتعليق عليها وهاذي من اول ثلاث قصائد لي وانا توني مبتدي في الشعر
وانشاله تحوز على رضاكم


يا الله يا عالمٍ بحال الملايين
يا ميسر احوال جميع العبادي
يا عالمٍ بكل ما تخفي العين
يا خالق سبع السموات وسبع الاراضي
انك تقبل دعوةٍ من عبدك المسكين
وتجعل لنا نصيبٍ بخضر الجناني
وبعد ذكر رب الكون قاضي الدين
بظهر لكم همومٍ عوفتني الرقادي
مغترب عن الدار ومفارق درة العين
امي منها عسى الله لا يحرمني
وابوي الله يجعل ايامه سنين
ويحفضه رب الكون من عسرالليالي
واخواني الي طبعها ما تعرف اللين
وربعي الي في العسر تكرم الجاري
في ديرةٍ ما هي بمعترفتٍ بالدين
وشعبها الخسيس عبادةْ الاصنامي
وختمها صلو على حبيب المسلمين
على رسول الله محمد رفيع الجلالي

وسلامتكم

للمعلوميه اللقب
غريب الدار

الذيب2010
03 / 03 / 2010, 36 : 10 PM
صح لسانك واللة يردك بالسلامة ودامك طلبت النقد فانت مبين عليك انك مبتدي واللة يوفقك والقصيدة فيها بعض المعوقات التي تعيق وقوفها على اساسن متين وقوي وينقصها الوزن والقافية غير موحدة والافكار غير مرتبة ولكني رغم ذلك اتوقع انك في المرات المقبلة ستهدي لنا قصيدة قوية ومليئة بالشعر تقبل تحيات اخوك الذيب

حبيت من لا حبني
03 / 03 / 2010, 57 : 10 PM
مشكور اخوي الذيب
وانا كما قلت مبدي ولازلت صغير سن ولاهو عيب اني اتعلم من اخواني الكبار وانا منزلها لاني ابي استفيد وانا على علم بان هنا شعار كبار على مستوى السعوديه
وللمعلوميه ترا ماني مهتم في الشعر لاني في دراسه ولاكن تمر علينا اوقات تجبرك على الكتابه
وبيض الله وجيهك

زمان يافن
04 / 03 / 2010, 50 : 02 AM
محاوله ممتازه وننتظر راي شعارنا

سلطان ال الشوافه
04 / 03 / 2010, 31 : 02 PM
اخوي حبيت/محاوله جيده وصح السانك المهم انك قدرت اتعبر عن الشعور الي بداخلك من اشتياق لوالديك واخوانك وربعك وديرتك وهذه تعتبر محاوله وتعتبر خطوات تصل بك الى النجاح والابداع ان شاء الله واتمنى لك التوفيق وتقبل مروري

حبيت من لا حبني
04 / 03 / 2010, 03 : 05 PM
هلا والله يا الغالين اسعدني مروركم
وهاذي فقط محاوله او بوح خاطري
وشكرا لكم

محمد بن خالد آل حيدان
06 / 03 / 2010, 20 : 12 AM
محاوله جيده والقادم احسن

خالد بن معدي
10 / 03 / 2010, 49 : 12 AM
البداية اقول لك
صح لسانك وبداية موفقه والله يردك بالسلامه والقصيد وانا اخوك ماهو بصناعة صاروخ كله كلام في كلام لكن اهم شي الوزن واذا جيت تبي توزن القصيدة لحنها والشي الثاني القافية واخيراً وفقك الله

حبيت من لا حبني
11 / 03 / 2010, 26 : 02 AM
هلا والله يا كنق جاش و ابو معدي
ولاهنتوا على المرور وانارتي في بعض الامور
وكما قلت محاوله فقط
وشكرا لكم

البدوى
12 / 03 / 2010, 03 : 11 AM
صح لسانك وأهم شي عبرت عن مافي خاطرك

حلو المعاني
19 / 03 / 2010, 39 : 02 PM
من اول ثلاث قصائد تعتبر محاولة ممتازه

حافظ على موهبتك الشعرية
امي منها عسى الله لا يحرمني
وابوي الله يجعل ايامه سنين

اعتقد ان البيت هذا فيه كسر والله اعلم

صح لسانك وننتظر القادم

خط القدر
20 / 03 / 2010, 31 : 12 PM
صح لسانك اخوي غريب الدار

حبيت من لا حبني
21 / 03 / 2010, 03 : 08 PM
مشكورين اخواني وصح الله السنتكم
واعذروني على التأخير لانشغالي بالدراسه
واشكر جميع من صحح لي وافادني

ناصر بن هذال
24 / 03 / 2010, 51 : 11 AM
يعطيك العافيه
وكما قال لك الاخوان .
لكن مارايك لو كانت بداية القصيده بهذه الصوره:
يا الله يا عالم بحال الملايين=يا ميسر ن احوال كل العبادي
يا عالمٍ في كل ما تخفي العين=يا خالق سبع ن و سبع ن شدادي
متغرب ن عن دار ومفارق ن عين=ام ن غلاها ساكن ن في فوادي
وابوي الله يجعل ايامه سنين=فخرن لنا من بين حظر وبوادي

وهكذا..

حبيت من لا حبني
25 / 03 / 2010, 39 : 03 AM
الله يعافيك يا ناصر
ولاهنت طال عمرك
وكما قلت هاذه محاوله فقط ولا اخفيكم اجهل بعض بحور الشعر واجهل الكثير في الشعر ولاكن جات في بالي وانا في المنتدى وقلت بنزلها والله لا يهنكم على كل الاحوال
وانشاله بحاول اصحح بعض اخطاء القصيده

كبرياء انثى..
30 / 04 / 2010, 59 : 01 AM
صح لساآآآآنكـ...

تقبل مررروووري..

حبيت من لا حبني
01 / 05 / 2010, 42 : 08 AM
صح بدنك يا كبرياء انثى
ومشكوره على المرور

ابن عويد
10 / 05 / 2010, 00 : 12 AM
بسم الله الرحمن الرحيم
صح السانك ياحبيت من لاحبني
وبدايه طيبه ومافيه شي صعب مع المحاوله وانا اخوك
اول شي دور لحن وغن عليه وحاول تحط قافيه تختلف عن بعض طبعا الشطر الاول عن الثاني وفي كل شطر حاول توحد اخر حرفين وتكون اذا غنيتها سليسه ولاهو لازم المعنى في البدايه اهم شي انك تقدر تغنيها وقافيتها مؤحده في كل شطر من البيت الواحد وبعدها يتيسر كل شي وانا متأكد اننا راح نشوف قصائدك الجديده عن قريب
وعسى الله يوفقك ويردك باالسلامه0اخوك عجب المسردي

حبيت من لا حبني
10 / 05 / 2010, 26 : 01 AM
هلا بك يا ابو حمد
ولاهنت طال عمرك على الايضاح الذي سوف يفيدني باذن الله
ولا على جميع من مرو قصور
وانشاله نفيدك بالجديد عن قريب
تحياتي لكم جميعا

فارس الظلام
10 / 05 / 2010, 47 : 08 PM
صح لسانك ولانزيد على كلام شاعرنا المتميز ناصربن هذال

حبيت من لا حبني
10 / 05 / 2010, 21 : 09 PM
صح ابدنك يا فارس الضلام
والشعار كلهم كفو وما قصرو
والله لا يهينك ولا يهينهم على المرور

بعيدة نظر
11 / 05 / 2010, 38 : 11 PM
مرحباااااااااا .. حبيت من لاحبني

الشعر (وزن+وقافيه+معنى)

والشاعر هناا لم يتطرق الا للمعنى مع وجود ركاكه في ايصاله..!!

اما من ناحية الوزن كما يلي :

بدآآية ً أرى الأخ القدير قد تطرق في أول شطر لبحر المسحوب حينما ذكر "يا الله يا عالمٍ بحال الملايين" طبعاا بتعديل بسيط وهو ازالة التنوين من كلمة "عالمٍ" بحيث يصبح الشطر "يا الله يا عالم بحال الملايين"

هنا اتقنت المسحوب وكما هو متعارف بين الشعراء بأنه اسهل البحور الشعريه لسلاسة صياغت أبياته

مثال لبحر المسحوب :
يقول من عدى على راس عالي ...... رجم ٍ طويل ٍ يدهله كل قرناس

وهي أغنيه مشهوره للفنان محمد عبده وكلمات الامير محمد الاحمد السديري أتمنى الاطلاع عليها ومعرفة لحنهاا .. مع العلم ان المسحوب الحانه عديده ومتعدده ..!!

ولكن اقرب لحن تتقنه اعتمده في كتابة قصائدك ,,


أخيراا من ناحية القافيه :

لابد أن تكون القافيه متحده في شطري البيت (الصدر والعجز) والقافيه اما انت تكون أحاديه أو ثنائيه وهذا غالبااا أو ثلاثيه وقد تزود على ذلك

هنا الشاعر لم يلتزم بالقافيه خصوصا بالعجز ..!!

فقد اكتفى بقافية الصدر وهي (اين)؟؟ اما قافية العجز فكانت مطلقه ..!!


هذا والله أعلم

نرتقب الجديد منك والأفضل باذن الله ولا تتردد في عرضها مطلقاا

,,,

حبيت من لا حبني
12 / 05 / 2010, 25 : 12 AM
هلا بك يا شيخة الغلا
و مشكوره على الايضاح الذي سوف يفيدني باذن الله
وانشاله اني بوزن الابيات وانزلها لكم
تقبلوا اعطر التحايا

بعيدة نظر
12 / 05 / 2010, 31 : 12 PM
اخوي حبيت من لاحبني

العفو.. ولكن ليس شرطا كتابة قصيده او ابيات متعدده

نكتفي بكتابة بيت موزون ولاتهتهم من معانيه كثيراا المهم الوزن كما ذكرت لك سابقاا عن طريق تلحين البيت

,,,

وجــه ســهــآمــكـ
12 / 05 / 2010, 38 : 01 PM
صــح لسانكـ أخوووي على القصيدة
دمت في قمة الإبداع

شيخة الغلا والله أنا أقرأ مشاركتكـ لقصيدة أخووي حبيت من لا حبني جلست انتظر متى تقووولين قصيدة
بس أشكركـ على المعلووومات المفيدة عن الشعر وننتظر منكـ قصيدة :26:

حبيت من لا حبني
12 / 05 / 2010, 35 : 09 PM
انشاله يا شيخة الغلا
وانشاله ماتشوفون الا الي يرضيكم
وصح الله بدنك ياوجه سهامك
ولامشكورين على المرور

بعيدة نظر
13 / 05 / 2010, 42 : 09 PM
العفو وجه سهامك ..

كان لي مشاركه بقصيدة مجاراه للشاعر محمد بن عايض المسردي على هذا الرابط

لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .

وجــه ســهــآمــكـ
17 / 05 / 2010, 40 : 08 AM
العفو وجه سهامك ..

كان لي مشاركه بقصيدة مجاراه للشاعر محمد بن عايض المسردي على هذا الرابط

لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .


مشكووورة على التذكير
وصح لسانكـ على كل حال