عبدالله المشعلي
05 / 02 / 2010, 17 : 03 PM
ما بقى لي بالعمر كثر ما راح=والعمر يمضي مع الوقت ويروح
لا قضى شغلي ولانيب مرتاح=متعب نفسي على غير مصلوح
لكن الدنيا تبي صبر وكفاح=والبشر كل بدنياه مشفوح
بين الافراح السعيده والأتراح=كل بحر شارب منه قرطوح
والقدر يومي بي اوماي ملواح=والخطر في درب الآمال مطروح
أمسي ونومي كوابيس وأشباح=وأصبح وعندي تفاكير وطموح
وأن خذت بي بعض الأفكار مشواح=ودي أزرع لرض وابني بها صروح
وأعبر الغبه على ذات الألواح=لين ترسي بي على جال مسفوح
في رجا اللي بأمره الهم ينزاح=اللي أنجا يوسف ويونس ونوح
بيده الأرزاق وآجال الأرواح= فالقُُُ حب النوى خالق الروح
ما معي لأبواب الأرزاق مفتاح=عند ربي باب الأرزاق مفتوح
والقناعه راس مالي والأرباح=راضي باللي كتب لي على اللوح
لو هوى نفسي مساري ومسراح=سجة فيها شفا كل مجروح
لا جذبني رايح بارقه لاح=قام يلفح بي من الشوق لافوح
وأتبع وسوم الحياء وين ما طاح=وأتغزل في هوى كل مملوح
طير ياللي فوق الأغصان نواح=أطرب وغرّد على سدرة الدوح
يا هنيك يوم لك ريش وجناح=والا أنا لا ضقت مدري وين اروح
عبدالله المشعلي
لا قضى شغلي ولانيب مرتاح=متعب نفسي على غير مصلوح
لكن الدنيا تبي صبر وكفاح=والبشر كل بدنياه مشفوح
بين الافراح السعيده والأتراح=كل بحر شارب منه قرطوح
والقدر يومي بي اوماي ملواح=والخطر في درب الآمال مطروح
أمسي ونومي كوابيس وأشباح=وأصبح وعندي تفاكير وطموح
وأن خذت بي بعض الأفكار مشواح=ودي أزرع لرض وابني بها صروح
وأعبر الغبه على ذات الألواح=لين ترسي بي على جال مسفوح
في رجا اللي بأمره الهم ينزاح=اللي أنجا يوسف ويونس ونوح
بيده الأرزاق وآجال الأرواح= فالقُُُ حب النوى خالق الروح
ما معي لأبواب الأرزاق مفتاح=عند ربي باب الأرزاق مفتوح
والقناعه راس مالي والأرباح=راضي باللي كتب لي على اللوح
لو هوى نفسي مساري ومسراح=سجة فيها شفا كل مجروح
لا جذبني رايح بارقه لاح=قام يلفح بي من الشوق لافوح
وأتبع وسوم الحياء وين ما طاح=وأتغزل في هوى كل مملوح
طير ياللي فوق الأغصان نواح=أطرب وغرّد على سدرة الدوح
يا هنيك يوم لك ريش وجناح=والا أنا لا ضقت مدري وين اروح
عبدالله المشعلي