المساعد الشخصي الرقمي

مشاهدة النسخة كاملة : رد على مجاراة خالد بن معدي

عايض بن معدي
01 / 02 / 2010, 39 : 11 PM
السلام عليكم ورحمة الله وبركاته
هذا ردي على مجاراة ابو عبد العزيز لقصايدنا اتمنى تعجبكم
وهي من باب المداعبه واشعال المنتدى...وابو عزوز شاعر ماعليه كلام

من باب حب القصيد العذب والفاخر= بساير الشاعر اللي جرد سيوفه
جانا مثل سيل مأرب ثاير هادر= مايبغي سيول ترج وبيشة تطوفه
ياخالد اسمع كلامي وارجع وشاور= النخله اللي تبي قبل امس مخروفه
عذوقها اللي تبيها بالرطب عامر= بيني وسالم وابو راكان منصوفه
اعرفك لاجيتها بترد ياخاسر= وبيهل دمعك تقول العين مطروفه
اخر كلامي وانا بعطيك من الاخر= حنا هل الشعر من نجران للكوفه
ابوعساف
02 / 02 / 2010, 13 : 12 AM
المحترم صح لسانك
كفيت ووفيت والله يعين ابوعبدالعزيز
الحين خليته يعرف الابيات المصفوفه
تحياتي
خالد بن معدي
02 / 02 / 2010, 21 : 12 AM
ياهلا وغلا يالمحترم وصح لسانك لكن حلووووووووووووووووه تصفيف البيوت يقوله ابو عساف وانا دام ابو محمد معي ما علي خلاف واصبر وابشر بالخير
عايض بن معدي
02 / 02 / 2010, 23 : 12 AM
ابو عساف صح بدنك
شرفني مرورك
وهذولا ناس ماتجي الا بالعين الحمرا :biggrin:
عايض بن معدي
02 / 02 / 2010, 26 : 12 AM
هلا بك ابو عبدالعزيز وصح بدنك

ياخي فكنا من ابو محمد مانبي نحارشه ماحنا بقده :biggrin:
خالد بن معدي
02 / 02 / 2010, 46 : 12 AM
يا هارب من الموت يا ملاقيه خل ابو عساف وابو ركان ينفعونك ولا اقولك دق على مجموعة انسان ياولد ابومحمد ما عنكم وعنه ولا ابطى بالسيل الا كبره
أبو محمد
02 / 02 / 2010, 04 : 01 PM
ابشر بالسلامه يالمحترم أو يا(سيل بيشه )سد مأرب كفى ووفى
عايض بن معدي
02 / 02 / 2010, 04 : 02 PM
اررحب يابو محمد
الله يبشرك بالخير والله ماني بخايف الا منك انت وابوا عبدالعزيز يوم عنز عليك قلنا الله يستر بس
لكن الحمد لله طمنتنا..
تسلم على المرور واتمنى ان القصيده اعجبتك وكنت اتمنى تعليقك عليها.
محمد بن خالد آل حيدان
02 / 02 / 2010, 12 : 02 PM
مشكور يالمحترم وبيض الله وجيهكم جميع والله لا يهينكم الصراحه سويتو حركه في المنتدى
عايض بن معدي
02 / 02 / 2010, 28 : 03 PM
الله يسلمك ياكنق ووجهك ابيض
الشكر لابو عساف هو اللي حرك المنتدى شوووي
الغزير
06 / 02 / 2010, 04 : 12 AM
اختلاف الرأي لايفسد للود قضيه.
بصراحه القصيده لم ترقى للمستوى المرجو والمأمول وذلك نتيجة لتسرعك وإقحام نفسك في مجال لايخصك أو بالاصح لايعنيك وجهة نظر بإمكانك قبولها أو رفضها..
دمت بخير...
عايض بن معدي
06 / 02 / 2010, 25 : 12 AM
اخي العزيز الغزير
اشكرك على تعليقك وملاحظاتك محل التقدير..
وانا معك في ماقلت لاني مبتعد عن هذا المجال الذي على قولك لايعنيني..
ولكن اذا اردت ان اواصل فيه فاعتبر بان هذي القصيدة هي البداية ... والبدايات دايما لا ترقى للمستوى المامؤل
ولكن كما يقال بان مشوار الالف ميل يبدا بخطوة.. ومايدريك لعلك تجدني في يوم من الايام من كبار الشعراء اذا انا واصلت الدرب وتعلمت من الاخطاء.
تحياتي لك
الغزير
07 / 02 / 2010, 37 : 12 AM
اخي العزيز الغزير
اشكرك على تعليقك وملاحظاتك محل التقدير..
وانا معك في ماقلت لاني مبتعد عن هذا المجال الذي على قولك لايعنيني..
ولكن اذا اردت ان اواصل فيه فاعتبر بان هذي القصيدة هي البداية ... والبدايات دايما لا ترقى للمستوى المامؤل
ولكن كما يقال بان مشوار الالف ميل يبدا بخطوة.. ومايدريك لعلك تجدني في يوم من الايام من كبار الشعراء اذا انا واصلت الدرب وتعلمت من الاخطاء.
تحياتي لك
أشـكـرك عـلـى رحـابـة صـدرك.
مسعود فهد المسردي
28 / 02 / 2010, 21 : 12 AM
المحترم / الله أكبر قصيده رائعه من شاعر عذب وأظن أبو عبدالعزيز ماهوبعايدها مره أخرى
لافض فوك