صلاة الغايب

[أبوماجد]

بسم الله الرحمن الرحيم

عزيزي محسن هذه قصيده للشاعر محمد الدحيمي



[poet font="Arial,5,black,normal,normal" bkcolor="transparent" bkimage="backgrounds/17.gif" border="groove,5,gray" type=2 line=200% align=center use=ex length=0 char="" num="0,black" filter="":fca6a818d0]
صلاة الغايب
-
يالدرب ياللي نحرت المهمه الخالي= عرفتني يابعد هالخبت ودروبه
عرفتني ياموديني هوى بالي= من قبل ماادله واقول التوبه التوبه
الله مااوفاك ياشوق اشهب الالي= تذكر خويّك ثلاث سنين محسوبه
يادرب الأحباب ياما كنت تطرالي= بالذات لاشفت محبوب ومحبوبه
والشوق يوم تمكن دالهٍ سالي= ذكّى التعب في ملامح وجهه شحوبه
لاعاد يوم تمادى الشوق بهبالي= وشريت معطوبه من بيع معطوبه
كنت اتحرى ضمير غاب يصحالي= خلقت ربي كذا صحوته غيبوبه
جيتك وانا أحضن سوادك بابيض الفالي= ورجعت والفكر سج يراجع ذنوبه
راح يتهجى يدور باول وتالي=ذنب ٍ جنيته وصاروا لاجله عقوبه
إلي غدا المرّ لرضاهم تقل حالي=واصبح غلاهم مجرد مزح واكذوبه
من عقب ماشتتوا عمري بروا حالي= ثم اتركوني جسد والقلب قفوابه
كنت احسب الدار هي داري ومنزالي= أثر العرب بدلوا وشهوا بشهوبه
يرجون ابو زيد وانا ماني هلالي= أنا سنافي على قوسه لبس ثوبه
أشوف جداني بعين أصغر عيالي =الطيب والمرجله ورثٍ تواصوبه
تقل إن جدي قرى كفي وفنجالي=يومه يحذرني من الوقت واسلوبه
يرحمك عودٍ جميع أقواله أمثالي =يقوله قبل توسد راسه الطوبه
في جيبك ريال فانت تساوي ريالي=هالوقت صار السنافي قدره جيوبه
يمّا حداه الزمان لكل دجالي=يمّا يصير الوفا والطيب عذروبه
ويشلي وبيرٍ خلط بزلاله حثالي =اموت ظامي ويخسى البير وغروبه
برجع أصلي صلاة الغايب اشوى لي= حتى يوافي خفوقٍ غاب مكتوبه
يالدرب يالي إنكتب ممشاك غربالي= نسيتني دارهم وش حدني صوبه
إلا تذكرت جيت أقول يالغالي= لو جوك قول الدحيمي قال لي دوبه
اليوم والله لويطرون في بالي= قمت أتوضى وارتل سورة التوبه
-
محمد الدحيمي
-
[/poet:fca6a818d0]

[محسن المسردي]

أبو ماجد

تسلم يمناك على نقل هذه الرائعه

وأقدر لك اعتمادك على حفظك للقصيده

وقد استمتعت بسماعها بالقائك بصوتك الرائع

وقد تم التنسيق فقط وأما مايخص الأخطاء

وهي قليله جداً سأصححها لاحقاً

تحياتي،،،
.
.

[ناصر بن سالم]

ابو ماجد

الله يعطيك العافيه وصح لسان الشاعر

قصيده رائعه


قرأتها اكثر من مرّه وقرأتا كلمه كلمه


لكن هذا الشاعر مكابر


ولسان حاله يقول

نقل فؤادك حيث شئت من الهوى//ماالحب الا للحبيب الأولي


وانا اقول له

مساكين اهل الحب حتى قبورهم//عليها تراب الذل بين الخلائقِ

ولك تحياتي

[مجموعة انسان]

[align=center:f9ff1be8fd]



السلام عليكم ورحمة الله وبركاته


صح السانك يابوماجد ............قصدي صح لسان الشاعر/ مــــــحــــــمــــــد الــــدحـــــيـــــمـــــي


والله لايهينك يابوماجد على نقل هذه الرائعه


تقبل تحياتي[/align:f9ff1be8fd]

[محسن المسردي]

[poet font="Arial,5,black,normal,normal" bkcolor="transparent" bkimage="backgrounds/17.gif" border="groove,5,gray" type=2 line=200% align=center use=ex length=0 char="" num="0,black" filter="":148c8fe515]

كنت اتحرى ضمير غاب يصحالي= ( خلقه ) ربي كذا صحوته غيبوبه
.
.
( اللي ) غدا المرّ لرضاهم تقل حالي=واصبح غلاهم مجرد مزح واكذوبه
.
كنت احسب الدار هي داري ومنزالي= أثر العرب بدلوا وشهوا ( بوشهوبه )
.
.
يرحمك عودٍ جميع أقواله أمثالي =( قاله ) قبل ( لا ) توسد راسه الطوبه

[/poet:148c8fe515]

لم يتم التعديل الا على

الكلمات بين الأقواس

وأتمنى أن أكون قد

وفقت في التعديل وأرجو

منك يابو ماجد التأكد من هذا

التعديل وذلك تجنباً للخطأ ...

وأشكرك مره أخرى

تحياتي،،،
.
.

[سلطان]

تسلم يمينك يابو ماجد

على الا ختيار الطيب

وصح السان الشاعر الدحيمي

تحياتي ،،،