المساعد الشخصي الرقمي

مشاهدة النسخة كاملة : من كثر شوقي قمت بالحيل أظمه


أبو إيلان
15 / 04 / 2003, 39 : 05 PM
[align=center:e22303c5d3]قصه وقصيدة

هذه القصيده لشاعر سعودي غير معروف

كان لهذا الشاعر قصة حب شريفه مع حبيبه له ولكن الاقدار شائت
بأن يسافر هذا الشاعر إلى دولة قطر للعمل وقضى فيها قرابة
ثمان سنوات ومن ثم عاد الى وطنه السعودية بعد الثمان سنوات
وفي أحد العزايم في ديرته بعد حظوره شاهد ولد حبيبته أمام
منزل المضيف فقال هذه الابيات قبل أن يدخل على الرجال [/align:e22303c5d3]

[poet font="Arial,5,black,normal,normal" bkcolor="transparent" bkimage="backgrounds/5.gif" border="groove,5,gray" type=2 line=200% align=center use=ex length=0 char="" num="0,black" filter="":e22303c5d3]

غابت ثمان سنين هم وترحال=غابت ثمان كلها مدلهمه
قضيتها بالود والشوق رحال=شوق تحده كل ياسه وهمه
وسألت عنها شهور وسنين وليال=ولافيه فج غير وجهت يمه
وبعد الثمان اللي تعبها برى الحال=جاب الزمان الكارثه والمطمه
جاني ولدها يبتسم بين الاطفال=ومن بسمته ذكرت أنا بسمة أمه
شفته وصاحت داخلي كل الآمال=وصوت عجزت بكتم الأنفاس ألمه
وركضت له دمعي على الخد همال=من كثر شوقي قمت بالحيل أظمه
ولحظة حظنته والطفل في يدي مال=شميت ريحتها على أطراف كمه
وأستلهمت نفسي مقاديم الاهوال=هم الفراق اللي برى الحال لمه
واليوم بنت الناس في بيت رجال=وحب على غير الشرف لي مذمه
ليت الغياب اللي شغل غربتي طال=ولا دور العاشق على حرق دمه
أرجع غريب مسكنه بر ورمال=يموت يحيى يندفن مايهمه
[/poet:e22303c5d3]

مجموعة انسان
15 / 04 / 2003, 10 : 07 PM
شكرآ اخوي اسير على هذا الاختيار الرائع


وعلى هذه القصيده الجزله صح لسان قايلها


الله يطيحك في يد محسن ولا ناصر ههههههههههههه


لانها مكرره 20 مره

تقبل تحياااتي

ناصر بن سالم
16 / 04 / 2003, 04 : 03 AM
مشكور يا اسير


وولا يهمك حتى لو كانت مكرره


بكره اجيب لك اسم الشاعر


وهو على كل حال لقبه الأمير سلطان شاعر القوات المسلحه واظنه مالكي


ومثل ما قلت لك بكره اجيب اسمه ان شاء الله


والقصيده يبي لها تعديل

وهذا على محسن

أبو إيلان
16 / 04 / 2003, 18 : 04 AM
مشكورين على التواصل ياأبو سالم ومجموعة

وعلى فكره يامجموعه والله العظيم إني مراجع جميع الصفحات

السابقه ولم أجد هذه القصيده صدقني والله وعلى العموم أنا اسف على التكرار

إذا كان فيه تكرار

والله يعطيك العافية ياأبوسالم على تخييب ظن مجموعه انسان وانتظر ردك على

إسم الشاعر يابــــرنـــــس

وبالفعل ترى القصيدة محتاجه لتعديلات ؟؟؟؟؟

ناصر بن سالم
16 / 04 / 2003, 50 : 02 PM
اسم الشاعر صاحب هذه القصيده


محمد معيوض البلاهدي الحارثي

وهو مقيم بالطائف

وحصلت على اسمه من فرقة الفنون الشعبيه بتبوك حيث زارها الشاعر والقى هذه القصيده وهي مسجله بالصوت والصوره

ولك تحياتي يا اسير

محسن المسردي
16 / 04 / 2003, 33 : 07 PM
مشكور أسير الشوق

القصيده سبق أن طرحت وتم النقاش

حولها ولكن بحثت عنها ولم أجدها

في الصفحات العشر ... ولا أدري ماهو السر ؟؟؟

ألف شكر أبو عبدالله

على ذكر اسم الشاعر

وياليت تفيدنا هل بالأمكان

الحصول على الكاسيت

وللجميع أجمل تحيه،،،
.
.