المساعد الشخصي الرقمي

مشاهدة النسخة كاملة : تبي تسمع صوت بؤبؤبؤ


كونان
06 / 04 / 2003, 45 : 06 PM
هذا طالب حظه زفت الظاهر ......... راح للمدرسه في يوم من الأيام
وبعد ما دخل للفصل وجى المدرس واذا المدرس فلسفته واجده وكثير كلام
المهم هذا المدرس مسوي فاهم ويبي يحث الطلاب على القراءه
علشان يستفيدون ويوسعون مدارك الفهم عندهم ( والله مدري وين جبت مدارك الفهم منه ) المهم ان ذا الطالب خفيف
( خذني جيتك ) ما كذب خبر يسمع المدرس يقول لازم تكثرون القراءه ومن الحرص الزايد عند خوينا الطالب وبعد ما طلع للبر مع الأهل
يوم من ايام السبوع الا ويلقى ورقه تطيرها الهوى يمين ويسار والله ويلحقها الولد ويفتحها مسوي فيها بينفذ اللي طلبه المدرس
المهم يوم فتح الورقه ويلقى مكتوب على الورقه سؤال يقول هل تريد ان تسمع البؤبؤ ؟؟؟؟؟؟؟؟؟؟؟؟
ومن هنا تبدى المغامره !!!!!!!!!!!!!!!!!!!!!!!!!!!

يقرى الولد الورقه ويلقى مكتوب في أخره ( واذا اردت ان تسمع البؤبؤ فاأصعد على أعلى جبل ) ويلتفت الضعيف يدور اعلى جبل ويرقى عليه الين وصل للقمه وما هو مصدق يوصل الا ويلقى الورقه الثانيه
واذا مكتوب عليها ( أذا اردت ان تسمع البؤبؤ فأنزل من الجبل )
وينزل الأخ من الجبل ويوم وصل للأرض بسلام ( الله يكون في عونه ان كانه دب ) ويحصل ورقه واذا مكتوب عليها
( اذا اردت ان تسمع البؤبؤ فأصعد على الشجره )
ويرقى الوليد على الشجره وبعد الطقاق والهواش مع الشوك الظاهر ان الشجره مليانه شوك
ويحصل ورقة ثانيه مكتوب عليها
( اذا اردت ان تسمع البؤبؤ فأنزل من الشجره )
انا مدري وش شعور الولد في ذاك الوقت بس الظاهر حرم يسمع كلام المدرسين المهم ان الأخ نزل من الشجره واذا فيه ورقة مكتوب فيها
( اذا اردت ان تسمع البؤبؤ فتقدم 150 خطوه للأمام )
ويبدأ الولد مشي ويعد والضعيف كم مرة تلخبط في العد
يعني اكيد عاد المشوار اكثر من الف مره
المهم انه يوم مشي 150 خطوه ويحصل ورقه
ومكتب فيها ( يا أخي ارجع للوراء 50 خطوه )
ويخرش الريوس الرجال ويرجع 50 خطوه ويحصل ورقة مكتوب عليها
( اذا اردت ان تسمع البؤبؤ التفت يسار وامش لين تجيك حصاة )
ويلتف الولد لليسار ويمشي
ويمشي
ويمشي لين لقى ذيك الحصاة اللي ما تقدر تشوف أعلاها من كبرها
المهم انه حصل عندها ورقه وكتوب فيها
( اذا اردت ان تسمع البؤبؤ أصعد على الحصاة )
ويبداء الضعيف يرقى هالحصاة
وبعد ما رقى ويلقى ورقه مكتوب فيها
( هل تجد غدير ماء ؟؟؟؟؟؟؟؟ اذهب اليه )
والضعيف شكله ضيع أهله .............


للتنبيه ( هم كانو يتمشون ايام الأمطار فيه غدران وعلوم سفره )

المهم ان الأخ معزم يسمع البؤبؤ
( الظاهر انه مثلكم معزمين تسمعونه ) ويبدأ الرجال مشي
يبي يوصل للغدير وخذ مشي ويمشي الرجال
لين وصل ذاك الغدير اللي ما تشوف نهايته
وبعد ما قعد يدور ويحصل ورقه مكتوب فيها
( اذا اردت ان تسمع البؤبؤ أقطع الغدير )
ويبدأ الرجال سباحه في الغدير لين وصل نهايته في الجهه الثانيه
وبعد ما وصل حصل ورقه مكتوب فيها
( اذا بغيت تسمع البؤبؤ خذ تلك الزجاجه )
وبعد ما خذها وفتحها حصل في داخلها ورقه مكتوب فيها
( اذا اردت ان تسمع البؤبؤ أرمي الزجاجه في الغدير )
ويرميها الأخ في وسط المويه متحمس وبعد ما رماها واذا به يسمع الزجاجه وهي تغوص في الماء تقول
( بؤ بؤ بؤ بؤ بؤ بؤ بؤ بؤ بؤ بؤ بـــــــــــــــــــــــــــؤؤؤؤؤؤؤؤؤؤؤؤؤؤؤؤؤ )




وتقبلو خالص تحياتي

لأمانة النقل اللي ذكر لي القصه قال ( راح الرجال للشرقيه ورماها في البحر ) لكن انا خفت اوديكم الشرقيه والله مشوار عليكم .................