المساعد الشخصي الرقمي

مشاهدة النسخة كاملة : حـلـمـك


مجموعة انسان
31 / 03 / 2003, 44 : 04 AM
[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter="":909bc469f6]



مو بقــــالي شي من ذكراي عــــندك =بســــــألك باسم الغلا لك جاوبيني
مدري اللـيلة وش اللي جـــاب حلمك =يطوي الأيــــــام مذعور ويجيني
يحتـمي في قـلب هده جـور ظــــلمك =يطرد الفرحة وراء صرخة أنيني
فـوق كسر الظـهر وأحـزاني وصدك =جــا يجدد لي ألم ما مــات فيني
أدري إني مــا قدرت أقــــــول أحبك =بس رددهـــــا حشاي ودمع عيني
والخفوق اللي عشق شمــسك وظلــك =ما نسى جرحك ولا جرحك نسيني
والعذاب اللي يعيـــــــشه كل أمســـك =عـــــــايش أمسي وباكر يحتويني
والله إني ما أقــول الذنب ذنــــــــــبك =بس حبك نابت في نطف طيــــني
والقصيد اللي ذبح عشـــــــــاق دربك = يســــكن بعيني ويشرب من حنيني
ما تغزل في حـــــــــــلا عينك وخدك = الكــــــــــرامة له عناوين ويقيني
واحــلف إني مــــــا تكبرت وجرحتك = عفـــــتي ردت كلامي مع يديني
كــل وجه صـــار لي بالكون وجــهك = وكل صوت غير صوتك ما يبيني
مــــا بكيـنا .. بس نحـنا يـوم عـــرسك =وش يقول اليوم هالجرح الحزين
خايف والخوف كــل الخـــــوف إنك = تسكني بـــــــاقي سنيني وتسكنيني
جــرح ينزف لا طروا هـــاليوم إسمك = قــــلبي المطعون والطاعن يميني
وش يجــيب اليوم حلمك بس .. حلمك =ليت كل أوجــاع عمري تحرميني
ليـــت يـوم أخطر بســــرداب فــكرك = تشعلي هـ الغيــــــظ كله وتلعنيني
وش يهمك .. جرح تافه .. وش يهمك =دام كل يلي جرحتــــينه .. سنيني
آخـر آمـــالي عـلى مشـــوار جـرحـك =قبل مـــــوتي عن جروحي تسأليني
تعـرفي كثر إيـش هـ الشــاعر يعــزك = وتعرفي كثر ايش عـــزة في جبيني
أدري مــا به شـي بــــاقي لي يشــــدك = بس كل اللي ابي ما تكــــــــرهيني
وكـــــان ما لي حيـز في قـلب قلـــــبك =اقتلي عصفور شعــــري واعدميني


الـشــاعر / غـيـر مـعـروف
[/poet:909bc469f6]

خالد سعيد بن جبار
31 / 03 / 2003, 31 : 04 PM
مجموعة انسان





اختيار جميل




وذوق اجمل




لاهنت وتقبل تحياتي

سلطان
31 / 03 / 2003, 23 : 08 PM
مجموعه تسلم يمينك

ياذوووووووووووووق قصيده رائعه

تشكر عليها يالغالي

تحياتي ،،،

ناصر بن سالم
01 / 04 / 2003, 53 : 03 AM
شكراً يا مجموعة انسان


لكن السؤال







































والا بلاش

صادق الكلمة
01 / 04 / 2003, 35 : 08 AM
مجموعه

تسلم يمينك

وبيض الله وجهك

واظني عرفت سوال ناصر واظنك بعد بتفهمه .... واكيد بتعطينا جواب:wink:

مجموعة انسان
05 / 04 / 2003, 42 : 12 AM
ابو سعيد

ابو زايد

ابو عبدالله

صادق


مشكورين على التواصل

صادق اكيد عرفت وش تقصدون لكن المعنى في بطن الشاعر :lol::lol:


تقبلوا تحيااااتي