ســــــــــــــــــــراب وأمـــــــــــــــــل

[مجموعة انسان]

[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter="":68c2ef8d87]


ضاعت ايام العمر أطرد سـرابا ما وصلته =ان دنيت ابعد وراه تشدني الصحرا الضوامي

ان رحلت اقبل يلوح بالأمل اللي فقدته =ولا عرفت انه سراب الإ بعد سقم العظامي

بطوي الصفحة وبامسح كل سطرا قد كتبته =وبامسح اسما قدعشقته خص من بد الاسامي

وباطلب الله افقد الذكرى عن الماضي اللي عشته =يا عيوني بس يكفيكي سهر روحي ونامي

لا على الماضي حسافة الحسافة لو ذكرته =ماأبي أذكر زمانا فات جردني حسامي

يا حسافة بس يا زرعا بكفيني زرعته =واحصده غيري زهور وما حصدت الا الملامي

كنت اظن انه خسرني وكنت اظن اني خسرته =لين بانت لي الحقيقة وانكشف ستر الظلامي

اعترف اني فشلت وباقي المشوار عفته =ما في داعي اذكر الأسباب صارت والسلامي

عازمة ارجع واصلح كل شيا قد كسرته =وابتدي صفحة جديدة كلها ضبط ونظامي

بارسم الضحكة وبابني لي طموحا ما طمحته =والوعد قدام حتى لو وقف ياسي أمامي

بابني مستقبل حياتي بالامل اللي لمسته =حتى لو قالو العواذل رمية(ن) من غير رامي

مالي في الماضي نظر هذاك امر وما حسبته=غلطتي وادفع ثمنها والفعل غير الكلامي

حتى لو حبيت كوعي ماني راجعة لو قدرته=ويشهد الله لو رجعت اني لاطوح باللثامي

وافضح اهلي والقبيلة واستبيح اللي كرهته=واتنازل عن عزاوي عيال خالي والعمامي

بس هي حالة وحيدة يمكن ارجع فـــــ اللي قلته=لوصحيت وقالوا ان العالم يعيش بسلامي

الشــاعـــره/ غـيـر مـعـروفـه
[/poet:68c2ef8d87]