قصيدة بمناسبة ترقية العقيد عياد بن مفلح المسردي

[عاشق المجد]

يازابن المنعوروالبال طربان = مبسوط انا ياخوك والقلب مرتاح
رتبة عقيد قلدوها كحيلان = يستاهل التقدير كساب لمداح
حطوا له التاجين من فوق الامتان = مع نجوم كنها البرق لالاح
ودورة اركان ماخذها بسفطان = الا بعد زود اجتهاد مع كفاح
تستاهل البيضا على راس مابان = الطيب نوط والمراجل لك وشاح
سجلت لك في صفحة المجد عنوان = واضح ولايحتاج له زود شراح
يا عياد يا المنعور ترحن لك خوان = مثل الرصيد اللي تغذية لرباح
الله يديمك ذخر ياطير حوران = وعساك دايم في مسرات وافراح
صلاة ربي عد ماهل ودان = وعداد ماهبت ذعاذيح لرياح
على النبي محمد نسل عدنان = اللي هزم لحزاب بسيوف ورماح


الشاعر / مسعود بن فهد بن حزام ال مبارك المسردي

[ابن عويد]

صح السانك يابو فهد قصيده رائعه برجل كلنا نعتز فيه وابو فيصل يستاهل-اخوك عجب بن حمد

[البدوى]

صح لسانك يابوفهد
ويستاهل ابوفيصل

[الصميدع]

ارحــــــــــــــــــــــب يا بوفـــــــــــــهــــــد


صـــــــــــــــــح لســــــــــــــــــــــــــــانك


يستاهل ابو فيصل وعقبال عميد باذن الله.

[عاشق المجد]

ابو حمد والصميدع والبدوي اشكركم على مروركم وابو فيصل يستاهل والشاعر مسعود ماقصر ولكم اجزل الشكر والتقدير .

[أبو محمد]

صح السانك قصيده رائعه و عياد بن مفلح يستاهل الترقيه والقصيده

[ابوعساف]

صح لسان ابوفهد
وابوفيصل يستاهل