ابن عويد
24 / 10 / 2009, 04 : 12 AM
بسم الله الرحمن الرحيم
الرجل لابد مايحسب حساب الرجال=لايقول ان ذا ضعيف وهذا مفتري
اشهد انه قال قول الحقيقه يوم قال=الرجال افعال ماهو بشكل المظهري
من حسبني راس ماله حسبته راس مال=ومن عطاني عرض صدغه عطيته صنقري
لكن ابعطيكم الوصف هذا من خلال=كثر ماعايشتهم والتجارب مصدري
بعضهم حتى سلامه مثل بنت الحلال=ايتمريع وايتمايل كما العود الطري
وان جلس بين الرياجيل واعطوه المجال=قام يشذب بالعباد ويبيع ويشتري
وبعضهم لوكان هرجه كما النبع الزلال=يمدحك وان غبت هرجه كما طعم الشري
وبعضهم لوهو قريبك من اعمام وخوال=لالفيته بين الاجناب ليه مزمخري
لوسئلته كيف حالك يصد امن السؤال=مايبي شوفك وعينه لغيرك تنظري
وبعضهم طبعه يراوغ مثل طبع الثعال=ساعه بصفك وساعه بصف الاخري
وبعضهم يالله يحاكيك من زود الخبال=نافخ(ن) نفسه بليا سبب متكبري
وبعضهم لوكان ماله يغطي به جبال= ماعطاك ريال لوكان عينك تندري
والعزايم ماتفوته جنوب ولاشمال=مابعد ذكى ذبيحه لوانها بربري
وبعضهم لاصرتو بعيد لله الكمال=الرفيق اللي ليامن زهمته يطمري
وان رجعتو صار مايعرفك في كل حال=لويمرك مايسلم يروح مدبري
وبعضهم باالجاهليه يعيش ولايزال=لو دخل لسلام يبقى بطبعه عنصري
وبعضهم لوحل بين العرب قطعة ليال= فرق العالم وحط المخاليق انثري
وبعضهم لاوالله لا على ربعه ضلال=من فعول اللي ذكرنالكم يكرم بري
وبعضهم محزم ظفر باالمواقيف الجلال=اعتزيبه حزة الضيق واشد ظهري
وبعضهم مايذبح الا السمان امن الرخال= الكرم عنده غريزه لوانه معسري
ويعضهم لاقابلك بابتسامه وابتهال=يملكك منطوقه الزين لومايخسري
وبعضهم مطنوخ يعجبك من بد العيال=محزمه مليان شباب والمتفجري
وبعضهم لااحتجت لوكان مايملك ريال= ساق وجهه بالمراجل على مايقدري
والنهايه مايشيل الحمول الاالجمال=واعذروني ياجماعه لاصرت مقصري
الشاعر/ عجب بن حمد المسردي
الرجل لابد مايحسب حساب الرجال=لايقول ان ذا ضعيف وهذا مفتري
اشهد انه قال قول الحقيقه يوم قال=الرجال افعال ماهو بشكل المظهري
من حسبني راس ماله حسبته راس مال=ومن عطاني عرض صدغه عطيته صنقري
لكن ابعطيكم الوصف هذا من خلال=كثر ماعايشتهم والتجارب مصدري
بعضهم حتى سلامه مثل بنت الحلال=ايتمريع وايتمايل كما العود الطري
وان جلس بين الرياجيل واعطوه المجال=قام يشذب بالعباد ويبيع ويشتري
وبعضهم لوكان هرجه كما النبع الزلال=يمدحك وان غبت هرجه كما طعم الشري
وبعضهم لوهو قريبك من اعمام وخوال=لالفيته بين الاجناب ليه مزمخري
لوسئلته كيف حالك يصد امن السؤال=مايبي شوفك وعينه لغيرك تنظري
وبعضهم طبعه يراوغ مثل طبع الثعال=ساعه بصفك وساعه بصف الاخري
وبعضهم يالله يحاكيك من زود الخبال=نافخ(ن) نفسه بليا سبب متكبري
وبعضهم لوكان ماله يغطي به جبال= ماعطاك ريال لوكان عينك تندري
والعزايم ماتفوته جنوب ولاشمال=مابعد ذكى ذبيحه لوانها بربري
وبعضهم لاصرتو بعيد لله الكمال=الرفيق اللي ليامن زهمته يطمري
وان رجعتو صار مايعرفك في كل حال=لويمرك مايسلم يروح مدبري
وبعضهم باالجاهليه يعيش ولايزال=لو دخل لسلام يبقى بطبعه عنصري
وبعضهم لوحل بين العرب قطعة ليال= فرق العالم وحط المخاليق انثري
وبعضهم لاوالله لا على ربعه ضلال=من فعول اللي ذكرنالكم يكرم بري
وبعضهم محزم ظفر باالمواقيف الجلال=اعتزيبه حزة الضيق واشد ظهري
وبعضهم مايذبح الا السمان امن الرخال= الكرم عنده غريزه لوانه معسري
ويعضهم لاقابلك بابتسامه وابتهال=يملكك منطوقه الزين لومايخسري
وبعضهم مطنوخ يعجبك من بد العيال=محزمه مليان شباب والمتفجري
وبعضهم لااحتجت لوكان مايملك ريال= ساق وجهه بالمراجل على مايقدري
والنهايه مايشيل الحمول الاالجمال=واعذروني ياجماعه لاصرت مقصري
الشاعر/ عجب بن حمد المسردي