ماهيب هي يامعمر القذافي ( زايد الرويس )

[محسن المسردي]

[poet font="Arial,5,white,normal,normal" bkcolor="transparent" bkimage="backgrounds/22.gif" border="groove,5,gray" type=2 line=200% align=center use=ex length=0 char="" num="0,black" filter="":3f591c57d3]



ماهيب هي يامعمر القذافي
-
ناديت قافي لين جاني قافي=ابظهر اللي فالضماير خافي

في وسط شرم الشيخ صارت قمه=عبر الهوا مسموعه وتنشافي

كلٍ بعينه شافها واوحاها =يبغون حلٍ كامل الانصافي

كلٍ حضر وادلى بدلوه فيها=احدٍ سكت واحدٍ هرج ما خافي

وجاك العقيد بكلمةٍ مسمومه=يبغى يلخبط جونا اللي صافي

مير اعترض له من خواله شمر=عبدالله اللي فاللزوم سنافي

عطاه كلمه خرّبت ما عمّر=ماهيب هي يامعمر القذافي

اركد وحاسب في كلامك وافطن=خير البلد على الجماعه ضافي

القبر قدمك وانت دايم تكذب=ياساتر استر واكفنا يا كافي

حنا ترانا ياغشيم نواجه=ياللي حرسك خصورهن نحافي

شف ليبيا جابك لها المستعمر=وخلاك ريّس وانت جدك هافي

خل العباطه لاتعابط واركد=واخذ الكلام اللي بوزنه وافي

اثر العرب دايم بلاهم منهم=واكبر دليل معمّر القذافي
-
الشاعر / زايد الرويس ( منتدى القصمان )
-
[/poet:3f591c57d3]

[ناصر بن سالم]

شكراً يا بونايف

وصح لسان الشاعر

والله يعين على معمر

[سلطان بن سرحان]

مشكور يا ابو نايف على القصيده انا اشهد انه شاعر زايد الرويس وصح لسانه









تحياتي

[محسن المسردي]

ناصر بن سالم

سلطان بن سرحان

شكراً على التواصل

وأنا معكم أقول صح لسانه

والله يعين على القذافي وأمثاله

تحياتي،،،
.
.

[تالي الليل]

صح لسان الرويس ولا هنت يا أبو حسن

أتفق العرب على أن لا يتفقوا