قصيده قلتها بمناسبة ملتقى قبيلة المسارده

[ابن عويد]

بسم الله الرحمن الرحيم
قبل ماابدافي قصيدي وقبل ابدا الكلام=ياسلام الله عليكم سلام المسلمين
عد من زار المدينه ومن صلى وصام=وعد ماهلت مزون رعدها له حنين
اتقدم والتحيه اقدمها شمام=للمشايخ والمناصب وكل الحاضرين
اجتمعنا لجل حاجه بغاية لهتمام=واجب يفرض علينا نجي متفاخرين
نفتخر وانقول حنا قبيله ماتضام=دامنا متكاتفين(ن)على عسر(ن) ولين
احمد الله ملتقانا يسوده لحترام=ملتقى عز ومعزه جمع دنيا ودين
ياهبوب النود هبي وغرد ياحمام=واسعفيني ياهجوسي بمدح الطيبين
الله يبيض وجيه الرياجيل الكرام=الرجال اللي مواقيفهم دايم تبين
نكرم اهل العلم والعلم جلاي الظلام=حاجة مايختلف في منافعها ثنين
من تعب يستاهل المدح ويقلد وسام=فكره ياطيبها من رجال(ن) غانمين
كم دول من سبة العلم تمشي للامام=باالجهود وبالتكاتف وفكر المبدعين
والجهل يهدم دول لين يجعلها حطام=كم دول راحت والاسباب ناس(ن) جاهلين
كل من ساهم وشارك لهم مني سلام=عد دورات الليالي ودورات السنين

[أبوعبدالله]

بيض الله وجهك يابن عويد
وصح لسانك

[بعيدة نظر]

صح السانك شاعرنا القدير ابن عويد

مدح قبيلتك شرف لك والشرف لنا وجود شاعر بقامك

مرحباا بك شاعرناا ولاتبخل علينا بالجديد

فنحن نعطش لقصيدك كثيراااا


,,,

[سلطان]

ابن عويد
صح السانك
ولا هنت على ذا القصيده،،،
تقبل تحياتي وأتمنى ان لا تبخل علينا بجديدك

[ابن عويد]

اخواني الاعزا ابو عبدالله -سلطان-اختي شيخة الغلا تسلمون ومروركم بحد ذاته اكبر شرف لي

[الصميدع]

صح لسااااااانك
دائما مبدع .

[مجموعة انسان]

قصيدة جزله من شاعر جزل

صح السانك مليووون وبيض الله وجهك على هذه القصيده


كفيييت ووفيييت

[سوالف ليل]

ماشاء الله يابن عويد ,,, مشكور

[ابن عويد]

اخواني الافاضل-الصميدع-مجموعة انسان-سوالف ليل الله لايهينكم ويبض وجيهكم وانا ماسويت الاالواجب وهذا اقل شي نسويه لقبيلتنا وربعنا وتقبلو احترامي وتقديري