قصيدة وازع بن حمد بن شري في الامير سلطان

[وازع حمد بن شري]

هذه القصيدة قلتها في صاحب السمو الملكي الامير/ سلطان بن عبد العزيز ال سعود
ولي العهد نائب رئيس مجلس الوزراء وزير الدفاع والطيران والمفتش العام
حفظه الله ورعاه واعاده الى البلاد سالماً.... اللهم امين
المملكــة عيدت في قدوم سلطــــانـي **** والشعــــب كأنه بعيد الفطر وضحيـه
يا مرحبـــاً يا كبير الاسم والشانـــي **** ترحيبتـــاً قالها شعــــب السعوديــه
الشعب في مقدمـــك فرحاً وطربانـي **** والشعــب ينظر متا هي تعلن الجيـه
كلاً علــى شوفتك شفقاً وفرحـــانــي **** يا سعـــد من هو يقابل حامي الهيــه
يا سعـد أبو متعب والنائب الثـــــانـي **** ويـا حي أبو خالد ويا حي طاريــــه
ويا حي شوفه عقب مبطأ كحيلانـــي **** الشـــوفــه اللـي تسر اقلوب مبـريـه
يا أكرم مخالــيق ربـي سـر وإعلاني **** يا سيدي ما خذيت الطــيب عاريـــه
الطيب لك وأنت له قول وبرهـــانـي **** يا أبو اليتامى وأبو من ضاع واليــه
يا ماسح دموع طفل بعطف وإحساني **** يا مقـــدراً شايبــــاً اخطــاه بعصيـه
يا معتق رقاب خضــراً موتها دانـــي **** العتـــق لك وأنت يا سلطـان راعيـه
لكن باستأذنـك فـي مـــــــدح سلمــاني **** ما أوفيه حقـــه ولـو سطرت مطويه
وليا سهرتو ترى سلمــان سهــــرانــي **** يسهــر على راحتـك ويسهر رعيـه
يشهد لأمير الوفاء قـاصـي مع دانــــي **** افعــــولــه الطيبـة ما هــي مخفيـــه
وقفات سلمــان يعجـز عـــدها لسانـــي **** أميــر نجــد وبعــزه دوم مرعيـــــــه
يا أبو فهـد سيـدي مانيب غلطــانـــي **** يثنـا لك الكيـف من فنجان بريـــــه
غنيتهـا باسـم شعب فيــــك وصــــاني **** وترجمت أحاسيسهم في أبيات شعريه
وختامهـــا يا ولـي العهــد سلطانــــي **** يا مرحبا قلتهـــــا باســــــم السعوديـه

[راعية المجاهيم]

صح لسانك على القصيدة

تسلم يابو حمد ويعطيك الف عافية

تقبل مروري

[أبو محمد]

صح السانك يابو حمد 0000000000000000000قصيده رائعه

[سعيد]

تحية طيبة
أبيات جميله جدا وفي رجل يستحقها وأنا الحقيقة منقطع عن منتديات جاش لي زمن لضروف خاصه
ولما رجعت كنت محظوظ للغاية بشوفت هذه الابيات اتمنى نسمع لك ابيات اكثر وانا رايح ابحث عن قصائدك في النت واضح غزارة الشعر

[معشى الذيب]

بيض الله وجيهكم جميعاً ...... قصيده وافيه وراعيها وافى ومقدمها وافى لا هنتو....

[بعيدة نظر]

صح السانك شاعرهااااااا,,

يستاهل القصيد سيدي صاحب السمو الملكي الأمير/سلطان بن عبدالعزيز آل سعود ,,أطال الله عمره على طاعته

ونسأل الله عز وجل أن يلبسه لباس العافيه .,,


قصيده رائعه وشامخه كشموخ شاعرهااا ,, نتمنى رؤية جديدك هنااا



,,,

[نور18]

صح لسانك ياشاعرنا

[ابو طلال]

صح السان خالي العزيز علي القصيدة الجزله

[سلطان]

ارحب يابوحمد
وصح السانك والله قصيده في قمة الروعه
وعسى الله يرد ابوخالد سالم ومعافى انشالله ،،،

[مجموعة انسان]

صح الله السانك

تقبل تحياتي

[ابو جعفر]

صح لسانك يابو حمد ولاتحرمنا من جديدك والف مبروك على المولود الجديد مشــــــــــــــــــــاري