المساعد الشخصي الرقمي

مشاهدة النسخة كاملة : النــــــــــــور العـــــالي..!


le prince
06 / 10 / 2009, 35 : 05 PM
أولآ: السلام عليكم ورحمة الله وبركاته ..
ثانيآ: إسمحوا لي بتكلم باللهجه العاميه ..
ثالثآ: وشهو النور العالي ؟!

يا إخوان النور العالي ظاهرة سيئه قد لاحظتها من خلال قيادتي للسياره فوجدت أن بعض السائقين يتعمد كبس النور العالي في وجه السياره المقابله ويؤذيه وهو لا يعلم أو أنه يتهاون به أو أنه يتعمد إيذائه أو أنه مستانس على نور موتره ..!
وهو مسوي فيها عشانه راكب له كامري أو لاند كروزر ومستانس ..!
ليه يابوو ؟!
وش أنت؟!
ولو فرضنا أنك سويت هاذي الحركه في واحد من الشيبان شوفه ردي وسواقته على الله ودعا عليك أنك تصدم أو أنك ما توفق أو غيرها من الدعوات أو أن ذا الشايب تسببت له في حادث ..!
وش أستفدت ؟!
وألا عشان يقولون عنك شنب وموترك جديد وأنك كفوو ..!
وهو لو تناظر في وجهه المخيس تلقاه جندي والا جندي أول فالجيش والا الحرس والبدله فالمرتبه اللي ورا مع البسطار وريحة شرابه فاقعه فالموتر ولو توقفه تفاهم معه تلقاه ما ودي أقول بس أنصحكم ما توقفونه ولا تحطون راسكم براسه لأنه( .....).
معليش خرجت عن النص ..
نرجع للموضوعنا ..
من وجهة نظري أنا أقول أن مثل هالسائق ينظر إليه بنظرة الإحتقار لأنه لم يحترم من هم أمامه وهو كالموذي للناس ولا هو بمعين خير , مايدري أنه أول شي أنه يأثم على فعلته لأن هذا يعتبر من إيذاء الناس , وثاني شي أنه قد يتسبب فالعديد من الحوادث أو أنه قد يسبب عدوى لمن حوله وتنتشر هذه الظاهره البذيئه ..
المهم..
لقد طرحت هذا الموضوع لأني قد لاحظته فالآونة الأخيره عند زيارتي للديره وهذا ما يحس فالخاطر أنك لا ترى مثل هذه الا عند من تكن لهم المودة والإحترام والتقدير ولكن للأسف هذا ما شاهدته ولاحظته والله على ما أقول شهيد ..
عمومآ نريد أن نناقش هذا الموضوع سويةً بطرح وجهات النظر على هذه الظاهرة المأساويه وطرح الحلول المناسبه للإفتكاك منها وللإصلاح لمن لم يفتك منها أو ذكر المآسي والعواقب الوخيمه الناتجة عن مثل هذا العمل البئيس وهل أنت معه أو معارض له؟
وما هي نظرتك عنه؟
وما الذي يدفع ذلك السائق بأن يطس النور العالي في وجهك ؟
وأخيرآ ..




بــــــــــــوركتم جميعآ’’

سنفور
06 / 10 / 2009, 58 : 05 PM
مشكووور اخوي على الموضووووع
الرائع
تقبل مروووري

برق الحيا
06 / 10 / 2009, 27 : 06 PM
يرجال والله مايكبس العالي غير الشيبان ..!

kk
06 / 10 / 2009, 48 : 06 PM
صدقت يابرق الحيا الشياب هم اللي يحطوون النور بالوضع العالي

شكرا لك لي برنس وتقبل مروري

عطـــر جـــاش
06 / 10 / 2009, 48 : 06 PM
والله صدقت وخصوصا اللي عندهم ضعف نظر لما يكون النور العالي عليه

فانه يفقد النظر مايقارب ثانيتين الى ثلاث ثواني والله كثير يعانوا من هالحركة

وراح يلقاها اقل شي دعاء الناس عليه ,,,

يعطيك العافيه اخوي الفاضل ,,,

اصدق معاذيري
06 / 10 / 2009, 55 : 06 PM
يعطيك العافيه ع الموضوع الجميل



تقبل مرووري

le prince
09 / 10 / 2009, 53 : 10 PM
سنفور شكرآ لمرورك
برق الحيا أظن بأنك صدقت من ناحيه اهل الجيوب أكثرهم شيبان ولكن أهل الكامريات وغيرها هل هم بعد شيبان ظنك أنهم شيبان بعد والسؤال موجه بعد لـ kk ؟!
وشكرآ لمروركما ..
عطر جاش ما ذكرته بأن النظر يفقد الشوف حوالي 2 ثانيه الى 3 والخطأ يصدر في أقل من ثانيه ويحصل مالا تحمد عقباه .. شكرآ لمرورك ..
أصدق معاذيري شكرآ لمرورك ...


بـــــوركتم’’

::+اعفيني+::
10 / 10 / 2009, 42 : 06 AM
واللهـ مايكبس النور العالي

الا المبزره الي مستانسين بسياراتهم

والصراحهـ وش بيستفيدون من هالحركات

الي مالها دااعي غير دعاء الناااس عليهم

اخوي البرنس
كتبت فأبدعت
وتسلم على الموضوع الراااااااائع

ولك احلى تقيم

ودي لكــــ...

اعفيني