المساعد الشخصي الرقمي

مشاهدة النسخة كاملة : فايز المسردي ( الرفقة )


الذيب2010
24 / 08 / 2009, 09 : 02 AM
(الرفقة)

البارحة ليلي غشاه الظلامي = أسري مع الهوجاس شرقٍ(ن) وشامــي
الـهم خـلانـي كـثير التـفاكـير = غــير صفا جوي وكدر منامــي
ســبة رفـيق(ن)ٍ مايـقدر رفـيـقـة = الله ولا رفـقـة كـثير الملامــــي
يــدور الـزلات دومٍ(ن) عــليّـــــه = ويبخل علي بالما ولو كنت ظامـي
لا صارت الرفقة بلا قول وأفعال = مــــاينطمع فيها ولاهي مرامـــي
أما الرفيق اللي ليا أحتجت ما ألقاه = كــبه ولو هو من صميم العظامــي
وأما الرفيق اللي ليا ضقت بألـقاه = هودرع جنبي محزمي في الزحامـي
إحرص على اللي رفقته ترفع الراس = ياطا الخطر ينصا المنية شمامـي
قــرمٍٍ(ن) ولد قرمٍ(ن) يعرف المواجيب = طبعه صخا من نسل ربعٍ كرامـي
تــرى الردي رفقتّه نقص وخسارة = عــزي لمن يرجي رجا بالخمامي
أنـا مـاني لاشٍ(ن) ولاني ولـد لاش = مـعرب الجـدان حـرٍ قطـامـــي
شاعر ولي في الشعر منزل وعنوان = ولاني بقـول إلاجـزيل الكلامــي
تــنصاني القيفان قافٍ(ن) ورى قـاف = وعيني تلد لفوق صوب السنامـي
وبيتي على سيسان ماأنهد مـبنـاه = وبيت(ن)ٍ بلا سيسان يصبح هدامي
وصـلاة ربي عد مـاهـل هـمّـال = على النبي الهاشمي في الختامـي


الشاعر / فايز بن سالم أبو زوير المسردي

محمد بن خالد آل حيدان
24 / 08 / 2009, 02 : 03 AM
شكرا لك ياابا سالم على هذه القصيده الجميله

زمان يافن
24 / 08 / 2009, 40 : 06 AM
قصيدة رائعه من شاعر جزل

جيفـــــارا
26 / 08 / 2009, 32 : 11 PM
مشكور ابـــــــوســـــــالم 00على هذه القيصيده

الـــــــــــــــــــــــــــــــــــــرائــــــــ ــــــــــــــــــعــــــــــــــــــــــــــــــه 000

وصح الله لسانك00

دمتـــــــــــــ بــــــــــــــــــــود00

ابوخالد
27 / 08 / 2009, 35 : 02 AM
صح لسانك يا ابوسالم..

قصيده وافيه جدا..تستحق الاشاده..

عندي ملاحظه بسيطه وليس لها دخل في شاعريتك لكن يقع فيها الكثير..

البحر اللي كاتب عليه هو بحر المسحوب..

وبحر المسحوب قافية الصدر تكون مقفله الزاما..

وتكون في الهلالي مهمله الزاما..

وفي الصخري اختياريه..


صدقني يا ابوسالم ما للأمر دخل في الشاعريه ولا يقدح في شاعرية اي شاعر ..هو للخبره فقط..

تقبل صادق التحايا من اخوك ..

وترانا على موعدنا!!!

الدلووووعه
27 / 08 / 2009, 31 : 11 PM
أما الرفيق اللي ليا أحتجت ما ألقـاه كبه ولو هو مـن صميـم العظامـي

وأما الرفيق اللي ليا ضقـت بألقـاه هودرع جنبي محزمي في الزحامـي

قصيــده رائعــه
يعطــيــك العافيـــــه

تحــياتــــــي

الذيب2010
12 / 02 / 2010, 46 : 10 PM
اشكر العموم على التفاعل مع القصيدة وتقبلو تحياتي

الفتى الذهبي
14 / 02 / 2010, 54 : 04 PM
صح لسانك . وبيض اللة وجهك .

يعجبني كثير اختيارك الموفق لقصائدك .

شكرا لك .

أبو محمد
14 / 02 / 2010, 32 : 08 PM
صح السانك يابو سالم

الذيب2010
19 / 02 / 2010, 06 : 06 PM
اشكر اخوي الفتى الذهبي واخوي ابو محمد على المرور ومما يزيدني فخر طلتكم البهية على القصيدة التي تزيدها حلاوتا في عيني اشكر الجميع مرة اخرى وتقبلو تحياتي

الذيب2010
27 / 05 / 2010, 52 : 11 AM
اشكر الاخوة اللذين اثنو على القصيدة دون استثناء احد اخوكم الذيب

شباب ضو المناره
08 / 02 / 2011, 42 : 05 PM
صح الله لسانك يابو سالم شاعر جزل وقصيده جزله ولا يهمك اللي يسوي نفسه ناقد شعر وهو من جنبها الحقيقه انك من الشعار اللذين يستحقون لقب شاعر بكل ما تعني الكلمه تمنياتي لك بالتوفيق

الذيب2010
17 / 02 / 2011, 23 : 03 PM
ارحب يا شباب ضو المناره وصح الله بدنك وانا افتخر انك من جمهوري وانت متذوق في الشعر وافتخر بشهادتك واعتبرها وسام على صدري واما من يريدون ان يصبحو نقادا على حساب الاخرين فانا اوجه لهم رساله وهي ان يتحرو الدقه في الحكم على الناس وان لا يظلموهم وخلو النقد لهله وتقبل تحياتي