المساعد الشخصي الرقمي

مشاهدة النسخة كاملة : الرجل وان طاب طيبه من خواله


زمان يافن
22 / 08 / 2009, 13 : 10 AM
الشاعر راشد بن حسن العجمي الملقب ( بخر الذيب ) كان يشتغل سوّاق في ارامكو وكانت انظمة ارامكو تمنع السائقين من حمل الطرقيه اللي يوقفون السواقين ويطلبونهم توصيلهم على طريقهم .. والشاعر راشد الله يرحمه كان يخالف التعليمات وكل هذا حياء فيه ومرجله . يوم من الايام أشرت له عجوز ومعها غنم قالت وصلني يا الأجودي قدام شوي قال ابشيلك بس الغنم لا قالت له خلاص روح الله يستر عليك بيجي خر الذيب ويشيلني ان شاء الله . تقصد راشد العجمي .. قال لها يا خاله انا راشد الذيب .. اركبي وابشري بالخير .. وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث رحمه الله .. وله في ذلك ابيات جميلة منها :

أشـرب الفنجـال وأخلـي البيالـه
طيـب و احـب سلـوم الطيبـيـني

والصبي وان طاب قالوا من خوالـه
وان تردى فـادروا انهـم خايبينـي

لالقيت اللـي علـى السكـه لحالـه
يلتفـت ويقـول ويـن المستحينـي

أوقف الموتر حيـا وابغـا الجمالـه
يوم ولد اللاش وجهـه مـا يلينـي

حالف ما اخذ على الطرقـي ريالـه
والثلاثه حالـف انهـا مـا تجينـي

الطمع في كـروة الرجلـي رزالـه
خص وان جابـه مجـال الغانمينـي

والردي فـي حالـة ماهـي بحالـه
واعوينـه مـن كـلام الطيبيـنـي

الـردي لـو بـان مايذكـر عمالـه
مايعـد الـلاش مقصـور اليمينـي

أركبـه لعيـون مـن زيـنٍ دلالـه
ماتحاكـوا فـي قفـاه الرامسينـي

مابغى غيـري وانـا مابغـى بدالـه
قاعـدٍ لـي بالرجـا مـدة سنينـي

ولاقعدنـا بالعمـل بنـا الـرزالـه
ناخـذ العليـا طريـق الفايزيـنـي

قال خر الذيب مـن هاجـوس بالـه
كلمـة يلعـب بهـا والبـال زينـي

قالهـا يومـه طرالـه ماطـرالـه
من هواجيـسٍ تشيـب المرضعينـي

غرني بعض الرجـال بكثـر مالـه
مادرى ان الموت في حبل الوتينـي

كيف ينفعنـي وابـا(......) خالـه
مايقوم البيـت دام السـاس طينـي

ناس ويـن اللـي عوايـده الجمالـه
مثل ابن ظافر حمـد ليتـه يجينـي

الثنـا والجـود دايـم فـي خيالـه
علمـه ظافـر سـلـوم الطيبيـنـي

جـوّد العليـا ولزمّـهـا عيـالـه
وادركوا مـن علمتـه دنيـا ودينـي

واهني من باع حظه واشتـرى لـه
وسار في درب النبي وأخزى اللعيني

موقفـه مـاكـل رجَــال ينـالـه
مـن بغـى ممشـاه يقعـد مرتينـي

كم ذبح من حايـل مـن حـر مالـه
وعادتـه لطمـة خشـوم العايلينـي


ورد عليه الشاعر الكبير : مسعود بن عنبر الدوسري حيث كان مسعود في احد الأيام يبي يركب مع أهل السيارات المتجهين للرياض ومر عليه شخص معه سياره ومعه ركاب فسأله مسعود ان يركب معهم فقال السواق مالك درب معنا ثم نزل السواق في ظل شجره ونزل برّاد الشاهي وصب لنفسه وترك أخوياه الركاب ما قهواهم معه. بعدها بلحظات مر على مسعود رجل من أهل الهدار بالأفلاج يقال له ابن حسين بسيارته الخاصة ، ووقف ابن حسين لمسعود ثم انزل واحد من ابنائه ، كان راكب معه في الغماره ، واركبه في الحوض وحلف ان يركب مسعود مكانه ، ولم يكتفي بهذا فقط بل إنه أوقف سيارته ونزل معاميله وزين القهوة وقهوى مسعود والركاب اللي معه وذبح لهم ذبيحة ، وأوصلهم بالمجان ( وكان هذا الكرم من طبعه ) فقال مسعود قصيده طويلة في مدح ابن حسين وذم ذلك الرجل البخيل ، يقول مسعود في قصيدة طويلة لا أحفظ منها إلا أبيات قليلة :

راكب اللي لا مشى تومي حباله
لا نوى له ديرة (ن) جاها بحيني

انص خر الذيب عندي له رساله
عـندنا مثله ربوع (ن) طيبيني

عندنا ابن حسين يفعل ما طرى له
يركب الطرقي وهيف(ن) له سميني

كم نقل له خبرة (ن) من حرّ ماله
لا لقاهم في الخـلا متعـطـلـيني

ضَـوّهم ضوّه ودلتهم ادلاله
شوف عيني واشهدوا يا حاضريني

جعل يفداه الردي راعي البياله
شارب الشاهي وربعه قاعديني

وسلامتكم

خط القدر
22 / 08 / 2009, 49 : 02 PM
مشكور زمان يافن

والله يرحم خر الذيب

تقبل مرووووووووري

هزازي
22 / 08 / 2009, 54 : 02 PM
مشكوووووووووور....

وتقبل مروري..............

زمان يافن
22 / 08 / 2009, 27 : 07 PM
عـــــــــ باص ــــــــون


هــــــــــــــــــــزازي


مشكوووووووووورين


على


المرووووووووووووووووووووووووووووور

سعودي كول
22 / 08 / 2009, 05 : 08 PM
يعطيك العافيه


ومشكور اخوي زمان يافن وتقبل مروري



ولك تحياتي

زمان يافن
23 / 08 / 2009, 57 : 05 AM
غريب الديار
مشكور للمروور

شــــامــــخ
23 / 08 / 2009, 08 : 06 AM
يعطـــــــيك العافيه
ورمضان كريــــــــــــــــــــــمِِِ

زمان يافن
23 / 08 / 2009, 45 : 06 AM
علينا وعليك

طير السعد
23 / 08 / 2009, 35 : 07 AM
شكراً اخوي زمان يا فن والله يعطيك العافيه ومنها الى افضل
بصراحه اخوي زمان يا فن عاجبني النك تبعك ....

زمان يافن
23 / 08 / 2009, 41 : 07 AM
مشكوووووووووووووووووووووووووور
لمرووووووووووووووووورك