ما هوب لازم تفهم المعنى

[عبدالله المشعلي]

يا حضرة اللي تتابعنا وتسمعنا=هذي بيوت القصيدة وأنت تسمعها
اسمع ولا هوب لازم تفهم المعنا=ما هوب لازم تجي معك وتجي معها
حنا مشينا مع التيار وأسرعنا=نسابق أحداث الأيام وتسارعها
وصلفات الأيام تشبرنا وتذرعنا=وأهل الشيم والقيم تلوي مذارعها
طرنا و وصلنا السما السابع و وقعنا=والناس لا بد ما ترضى بواقعها
الواقع اللي انصدمنا به وروعنا=يا كثر ناس بعد مثلي مروعها
ما ينفع مجامل الخطّر ما ينفعنا=وأهل المنافع دوافعها منافعها
مبداهم ان كان ما طاع الزمن طعنا=وأنا ما دامت كذا مانيب طايعها
ما همنا من يواصلنا ويقطعنا=أهم شي حبال الشر نقطعهـا
وان خسرت البورصة نقفل مصانعنا=لو اقتصاد البلد على مصانعها
أمور دنيا تفرقنا وتجمعنا=وقلوب متفرقه يصعب تجمعها
وان اجتمعنا ما غيرنا طبايعنا=متناقضات الأوادم في طبايعها
بأسبابها ضاق شارعهم وشارعنا=حتى المدينة تضيق بنا شوارعها
والأرض تاسع عباد الله وتاسعنا=ما دام ربي على خلقه موسعها
يا كم جمعنا من الدنيا وضيعنا=الا الأمانة نموت ولا نضيعها
الدين والخلق والآداب تمنعنا=والنفس عن ما يسئ الخلق نمنعها
عبد الله المشعلي

[برق الحيا]

يا كم جمعنا من الدنيا وضيعنا ... إلا الأمانه نموت ولانضيعها



الله الله .. ياعبدالله وأشهد أن شعرك أمانه ..
صح الله لسانك على هذه الرائعه ..

[الأســـتاذ]

طرنا و وصلنا السما السابع و وقعنا
والناس لا بد مـا ترضـى بواقهـا


أظن صحته : بواقعها !
أليس كذلك ؟


ثم إن القصيدة فائقة كالعادة

[الأســـتاذ]

القصيدة بديعة لكن بها العديد من الأخطاء الإملائية
نرجو من المشرف تدارك ذلك
لتخرج القصيدة بالمظهر اللائق
ودام مساؤكم شعراً

[ابوخالد]

القصيدة بديعة لكن بها العديد من الأخطاء الإملائية
نرجو من المشرف تدارك ذلك
لتخرج القصيدة بالمظهر اللائق
ودام مساؤكم شعراً

تم ذلك..

وصح لسانك يا ابومبارك..

دره كسابقاتها..

[زمان يافن]

صح الله لسانك


قصيده جزلة ومن شاعر جزل

[أبو محمد]

صح السانك 0000000000يابومبارك 000000000انفردت بسجع القوافي 00000000000
واصبح سمة شبه دائمه او دائمه على قصايدك والتي تعتبر نماذج حيه للشعر الحقيقي

[ابن شارع]

ان كان مافهمت المعني مانيب بشاعرها ْْxxx يالي تقول انه ضاقت بك شوارعها

صل واطلب ربك ويفرج عنك كاربها xxx ودون ابن عمك تاقف له مواجبها

وان كان به ردئ مع الايام سامحها xxx هذي كلام الي نزل القران شارعها

حبيت اجاري القصيده ببيتين مع العلم اني مانيب شاعر واول مره لي

صح لسانك يالمشعلي

[عبدالله المشعلي]

يا كم جمعنا من الدنيا وضيعنا ... إلا الأمانه نموت ولانضيعها



الله الله .. ياعبدالله وأشهد أن شعرك أمانه ..
صح الله لسانك على هذه الرائعه ..
برق الحيا
سلمت ودمت ولا هنت
ومرورك يشرف القصيدة وراعيها
تحياتي

[عبدالله المشعلي]

أظن صحته : بواقعها !
أليس كذلك ؟


ثم إن القصيدة فائقة كالعادة
الأستاذ
تسلم وتدوم ولا هنت
وبيض الله وجهك على التنويه.
تحياتي

[عبدالله المشعلي]

تم ذلك..
وصح لسانك يا ابومبارك..
دره كسابقاتها..
أبو خالد
تسلم وتدوم وهذا من حسن ذاتك
ولا هنت على الصحيح
تحياتي

[عبدالله المشعلي]

صح الله لسانك


قصيده جزلة ومن شاعر جزل
زمان يافن
صح بدنك
وأنت أجزل
تحياتي

[عبدالله المشعلي]

صح السانك 0000000000يابومبارك 000000000انفردت بسجع القوافي 00000000000
واصبح سمة شبه دائمه او دائمه على قصايدك والتي تعتبر نماذج حيه للشعر الحقيقي
أبو محمد
صح بدنك
والعين ما تعلى على الحاجب
تحياتي

[عبدالله المشعلي]

ان كان مافهمت المعني مانيب بشاعرها ْْxxx يالي تقول انه ضاقت بك شوارعها

صل واطلب ربك ويفرج عنك كاربها xxx ودون ابن عمك تاقف له مواجبها

وان كان به ردئ مع الايام سامحها xxx هذي كلام الي نزل القران شارعها

حبيت اجاري القصيده ببيتين مع العلم اني مانيب شاعر واول مره لي

صح لسانك يالمشعلي
ابن شارع
صح بدنك
وتسلم على المجاراة
الجميلة وأتشرف بها
تحياتي

[الوراق]

المشعلي عز الله ان قصيدتك وافية يا الأجودي ..

لكن أسوأ ما فيها إنها هيظت ابن شارع لين جاب العيد .. تكفى يا بن شارع وش كان فينا من العافية قبل تجيب ذا البيتين .. استر ما واجهت يالمشعلي

[شــــامــــخ]

شاعر كبير يعطيك العافيـــــــــه

[عطـــر جـــاش]

صح السان شاعرنا المبدع

وتقبل مروري

[عبدالله المشعلي]

شاعر كبير يعطيك العافيـــــــــه
شامخ
تسلم وتدوم
ولا هنت
تحياتي

[عبدالله المشعلي]

صح السان شاعرنا المبدع

وتقبل مروري
عطر جاش
تسلم وتدوم
ومرورك يسعدني
تحياتي