المساعد الشخصي الرقمي

مشاهدة النسخة كاملة : اليتـــــــــــــــــــــيم


أبو محمد
14 / 11 / 2002, 52 : 11 PM
اليتيم
-
لا تعلمني برحلة عذابك يا يتيم=عارف وش ودك تقول لو ما قلت لي
انت مثل اللي يصالي لواهيب الجحيم=جيت في وضع وانا فيه ماني بجهلي
عارف انك بالبلاوي ولو شكلك سليم=فيك جرح مايعرفه يكون اللي بلي
موقعه بين الضمائر مثل شلع اليديم=ما يظهر كون مر على الكبد يغلي
ما تعالجه العيادات وأعشاب الحكيم=لا له علاج يحضر ولا هو بينطلي
من تمكن فيه يمشي من العله سقيم=وعلته يبطي صداها وهو ماينجلي
انشد اللي لاعه الجرح الاقشر من قديم=لوعة لا زال ينزف ضررها داخلي
عارف ان عيشتك مرة وحزنك مستديم=وخابر ويش لون دمعك يهل وينزلي
وخابر ويش لون تسهر دجى الليل الظليم=خص لما قام فكرك يروح ويقبلي
ميس من رحمة الوقت وتعده خصيم=ضحكتك ماترتسم كون لا راد الولي
بين قل وذل وضروف زايلها عديم=في غبى عن نايد الناس وتكود الصلي
مايخفف جورها لا بخيل ولا كريم=عيشة ماهي برحله وقد مرت علي
في زمان وجهه اسود من شيال الحريم=علمتني ويش معنى المذاق الحنظلي
عيشتني في شقا والخلايق في نعيم=وجعلت مني حزين حياته مختلي
رأس ماله ونة في معاليق الصميم=لا جذبها تدمع العين قبل تكملي
ويالله من ليل ترجيت جانبها الرحيم=عدلي يا زمة غليص والا بدلي
خافي الله وارحمي واحد جوفه هشيم=فيه شي يعقل وفيه ما لا يعقلي
من تعلم درس الايام مايبقى غشيم=ومن يماديه الزمن ما يعيش معولي
فلاتعلمني برحلة عذابك يا يتيم=عارف وش ودك تقول لو ماقلت لي
-
-
عائض بن حيبان المسردي
-
-

Shabeeb
14 / 11 / 2002, 55 : 11 PM
صح لسانك ابو محمد وتسلم على قصيدة اليتيم
تحياتي

محسن المسردي
15 / 11 / 2002, 33 : 11 PM
[align=center:1b69dae254]أبو محمد
.
.
.
صح لسانك

ولا هنت وسلمتك يمينك

على هذه القصيده الرائعه
.
.
.
احتراماتي،،،
.
.[/align:1b69dae254]

أبو فـلاح
16 / 11 / 2002, 18 : 01 AM
صح لسانك ابو محمد قصيدة رائعة بكل ماتعنيه هذه الكلمة
.
.
.
.
.
فلاتعلـمـنـي بـرحـلـة عـذابــك يـــا يـتـيـم عـارف وش ودك تقـول لـو ماقـلـت لــي

مصداقية القصيدة تعتمد على حجم معاناة الشاعر ....ولن يكتب عن اليتيم أجزل منك ايها المبدع ...

شكرا ايها الرائع وننتظر المزيد ...

تحياتي

دايم
16 / 11 / 2002, 46 : 05 AM
أبومحمد هلا بك في المتندى


وصح لسانك


ونبي المزيد

سعيد أبومحمد
29 / 11 / 2002, 40 : 01 AM
اأبومحمد أنت جامع الكلمات الجزله و السلام عليكم ورحمة الله وبركاته

المسعودي
11 / 12 / 2002, 32 : 11 AM
تسلم على القصيدة وصح لسان قايلها

وننتظر المزيد

الصابر
05 / 04 / 2003, 26 : 11 PM
صح لسانك يابو محمد والقصيده على مايبدو عن معاناه حقيقيه وننتظر ابداعاتك

مجموعة انسان
07 / 04 / 2003, 53 : 09 PM
[align=center:98499bceb0]


السلام عليكم ورحمة الله وبركاته


ابو محمد اسف على التاخير


صح لسانك


تحياتي [/align:98499bceb0]

سلطان
08 / 04 / 2003, 49 : 02 AM
ابو محمد

صح السانك يامبدع

على القصيده الرائعه

وننتظر المزيد من قصايدك يابو محمد

وفيه قصيده ياليت لو نشوفها الي بدايتها تقول

ياليت لي ليا من تضايقت جنحان ............ كيذا ولا

المهم نبيها يابو محمد ولا عليك امر

ونطلب منك المزيد

تقبل تحياتي ،،،،