الببــــــــــغـــــــــــــاء والنــــــــــــصـــــــــــــر

[خط القدر]

السلام عيكم

كيف الحال

هذي رساله جتني بالأميل وحبيت اعرضه لكم

من باب تغير الجو




كان فيه واحد " على نياته " ..



جرّب يستثمر أمواله !




وكان عنده ببغاء يتكلم ..







مشكلة الببغاء .. إنه كل ما شاف راعيه قال له : ياغبي .. وكل ماجاء يقول جاء الغبي ..واذا راح قال : راح الغبي ! ..





راعيه ضاق صدره .. وقرر ياخذ الببغاء لمدرب الطيور علشان يعدّله ..





: يا مدرب الطيور ....





شف لك صرفة مع هذا الببغاء ...





كل ما شافني فشلني عند الناس " غبي ، غبي " !





أبيك تدربه زين وتعدّل كلامه ..





علشان يغيّر هالكلمات الي يرددها كل ما شافني





قال المدرب : ما عليك .. خلّه عندي كم يوم ..





ولما راح راعيه .. جاب المدرب " سطل " مويه حاااارة ...





وحطه قدامه ... وسأل الببغاء ..





: أنا مين ؟ !





قال الببغاء : أنت صديق الغبي ! ..





وينزله المدرب في المويه الحاااره ثم يطلّعه .. ويسأله ...





: أنا مين ؟





قال : أنت صديق الغبي ..





وينزله في الموية مرة ثانية .. ثم يطلعه ...



: أنا مين ؟



.. وعلى هالحال .. حتى تربى الببغاء وتسنّع ..



أخيرا .... قال له المدرب ...



: أنا مين ؟ !



قال الببغاء : أنت صديق أذكى واحد في العالم ..



ويوم جا راعي الببغاء .. قال المدرب : تفضل اسأله ..



قال راعي الببغاء .. : أنا مين ؟!



قال الببغاء : أنت مين ؟! وهذا سؤال !! ... أنت الذكي ....



إلا أنت أذكى واحد عرفته في حياتي !



قال له راعيه : .. طيّب ..



وإذا لعبت بفلوسي على كيفي ؟!



قال الببغاء : .. هذي فلوسك .. من عرق جبينك ..



تسوي فيها اللي تبي ..



قال : طيّب .. إذا دخّلت فلوسي عند " سابك" ؟ !



قال الببغاء : ممتاز .. حركة استثمارية في غاية الذكاء ....



ومن أذكى واحد في العالم ..



: طيّب ... وإذا دخلت فلوسي عند " بنك البلاد" ؟ ..



: طبيعي .. تنويع استثماري ... من أذكى واحد في العالم !



: طيّب ... وإذا دخلت فلوسي عند " الزراعية " ؟ ..



: ذكاء خارق ... وماشي مع الحكمة اللي تقول " لا تحط البيض



في سلة واحدة " ... فعلا أذكى واحد في العالم !



: طيّب ... وإذا دخلت فلوسي عند " الاتصالات" ؟ ..



: عادي ... وزي ما يقولون " حشر مع الناس عيد " ....



صحيح إنك أذكى واحد في العالم ..



: ... طيّب .. وإذا



دعمت نادي النصر؟؟!!




قال الببغاء : يا عمي هاااات الموية ! .....





قايلّك هذا أغبى واحد في العالم ماصدقتني

[زمان يافن]

يعطيـــــــــــــــك العاااااااااااافيه

[le prince]

أول شي بايخه وقديمه ولا تضحك ..!
باص عيون ما ودك تدور لك باص غير باص عيون ..؟!
لأنه مانكبكم ألا باص عيون فالأسيويه اللي حول بكم مع الدحديره ..
رجاءآ أخ باص حاول أنك ترتقي بأسلوبك لأنك بمواضيعك اللي القصد منها أثارة الخلاف وأشعال نار التعصب الفاتنه فيما بيننا ..!
وأنا متأكد بان النصراويون العالميون لن يزعزعهم كلام سخيف مثل هذا وياجبل ما يهزك ريح..!!

أصلحك الله أيها الباص عيون ’’

[برق الحيا]

الموضوع إن كان له مكان غير سلة المحذوفات فمكانه إستراحة الأعضاء ..

هداك الله ياباص عيون لديك الكثير من الكتابات المميزه لاتفسدها بمثل هذه المواضيع ..