اسمع كلامي يالسليطي بلا عتاب

[سلطان ال الشوافه]

السلام عليكم ورحمة الله وبركاته
هذه القصيده ردا على الأخ العزيز السليطي
ومهما كان يبقى اخ وعزيز ومكانته كبيره لدي
واتمنى ان تحوز على رضاكم
يـامرحـبـا واهـلـين والـقاف مـاشاب .... تـرحـيـبـتـن بـالـعـز والـمــقـدريـه
تـرحـيـبـتـن مـنـها الوفـا دوم سكـاب .... في صـبـح والا ظـهـر والا عـشـيه
ايقولها الي يـنـطـح الـقـوم مـاهـاب .... شـبـلن ايـوردهـا احـيـاض الـمنيه
مـن لابتن يـوم اللقى تنسف ارقـاب .... وتنـحر اعـداها مـثـل نـحر الـمطيه
انشد عن اللي يهجد القوم ما ارتاب .... حتى ذبـح شـيـخ الـعرب فالـحجيه
هادي سرى من بعدها يفتل اشناب .... ويسمع اصياح القوم تنعى الضحيه
مـاهمته سـاعـة دخـل بين الاطـناب .... ومـاهـمـتـه روس الـرجـال الـعـتيـه
وعلى اثره انقادو على الخيل ركـاب .... وتـحـت الـقـدم قـطع له اجنوب حيه
وعـايـض ابن محمد ايـفـك الانشاب .... مـقـطـع احقوقن مـارضى بـالخطيه
لانشبت احزابن على الحق باحزاب .... تنـصـى ابوذيب وحـل كـل الـقضيه
وحـنـا تـربـيـنـا عـلى ايـديـن شـيـاب .... شـيـابـنـا اللي عـلـمـونـا الـحـمـيـه
فاسمع كلامي يالسليطي بلا عتاب .... واخـذ الـنصيحه والـنصيحه هـديـه
لاتـصـيـر يـارجـال مـن بـيـن الانـيـاب .... وانت الـسليطي والـسليطي بليه
جـرحـك تـرى مـازال للحين مـاطـاب .... وعـلـتـك عـلـه بـالـحـشـا داخـلـيـه
حـاول عـلـى قـدك اتـفـصـلك اثـيـاب .... ولا بــلا هـالــكـبـر والـعــنـجـهـيـه
انـتـه عـزيزن مـن عـزيزين واجـنـاب .... حـتـى لـو اني مـاعـرفـت الـهـويـه
حـنـا بـلـشنا فـيـك يـاعـز الاصـحـاب .... والـمـعذره لـو صـار مـني خـطـيـه
لـكن تـرى في سـاحة الشعر كـتاب .... ولا تـحـسـبـنـك وسط نـاسن غبيه

[أبو محمد]

صح السانك يابوعايض قصيده معبره فيها من الافتخار ما تستحقه وانت (كفو) ولم تذكر الا الصحيح وشيبانك (كفو ) والله يرحم الميت ويطّول عمر الحي وتستاهل التثبيت

[سلطان ال الشوافه]

شكرن لك ابومحمد وشرفني مرورك وماعليك زود

[محمد بن عايض المسردي]

صح لسانك يابوعايض قصيدهـ وافيه من شاعر وافي..

[القرم]

صح لسانك قصيدة وافية من شاعر وافي وربعك كفو وماذكرت الا الصحيح والنعم فيك وفي ربعك

كفو ياابن الشوافة كفو ياسلطان ..................................

[أبو الطيب المتنبي]

قصيدة جميلة والله يبيض وجهك ويعطيك العافية ..........

أنت كفو وشيبانك كفو والله برحم الميت ويبقي من بقى ........

الله يعيطيك العافية (تقبل مروري)!!!!!!!!!!!!!!!!!!!!!!!!

[أبوعبدالله]

قصيده وافية وراعيها وافي
بس ياليت نعرف المناسبه لان اللي أعرفة انها موجة الى السليطي
وليسمح لي ابو محمد على التثبيت لأن الواضح بالقصيدة طرف ثاني
والتثبيت قد لا يخدم مثل هذه المواضيع .
وللجميع مودددتي

[أبو محمد]

شكرا اللاخ ابوعبد الله 000000000000000000على الايضاح 000000000000000
والتثبيت يستاهل وهذه ثاني قصيده للشاعر 00000000000ولا في القصيده مايمنع
تثبيتها طال عمرك 00000000000000000000000000000000وملاحظتك على العين والراس

[الطرقي]

لكن ترى في ساحة الشعر كتّاب=لا تحسب انك وسط ناس غبيه
صح السانك

[مناحي معدي المسردي]

كلام ابو عبدالله صحيح
او على الاقل هاتوا قصيدة السليطي
لان القصيدة في مجملها سب ماله داعي

[احب الزين]

جـرحـك تـرى مـازال للحين مـاطـاب .... وعـلـتـك عـلـه بـالـحـشـا داخـلـيـه
حـاول عـلـى قـدك اتـفـصـلك اثـيـاب .... ولا بــلا هـالــكـبـر والـعــنـجـهـيـه
انـتـه عـزيزن مـن عـزيزين واجـنـاب .... حـتـى لـو اني مـاعـرفـت الـهـويـه
حـنـا بـلـشنا فـيـك يـاعـز الاصـحـاب .... والـمـعذره لـو صـار مـني خـطـيـه

و ش هالكلام يا سلطااان... والحوس واللوص، مره عزيز ومره دن!!!

هل انا اللي بدأت؟؟!!! وهل رديت بنفس اسلوب الدن؟!!


أي جرح اللي جرحتك به.. وأي كبر وعنجهية اللي شفتها..


ما قلت لك في القصيدة انك معذور ترتاب؟؟!!! والا التبس عليك
رِسْ الرسيسْ اللي من الراس منساب... لا جاض وناض وفض فيهـا بفيـه
حتى تطلع بأسلوب المفاخره والملاحم.. الله يرحم الميت ويطول عمر ويحسن خاتمة الحي منهم..


الرسيس: راعي الدين والأدب اللي يحكم عقله (من الراس ماهو بالعاطفه) يااا سلطان..(ولا جاض وناض وفض فيها بفيه).. لا قال مايل وتعرى بكلامه...

ومدت يدي كانت في
نسناسِ ذفرٍ هب من فتحـة البـاب... وطابـور عفـرٍ ناطريـنٍ سريـه

وهذي هقوى!!!!!!!!
حقي عليك انك تصحح لي ما خـاب... وانْ تستسيـغ اللـي اقولـه شويـه

وتبيني افصل ثياب قدي .. ثيابِ بافصلها تخب عليك


والله ثم والله اني ما ني بعاجز من نقض قصيدتك وانت يمكن شاعر وتعرف مآل الأمور فالشيطان حاضر ويزين!!!!


لكن الرسول صلى عليه وسلم يقول "دعوها فأنها منتنه"


تأكد ان كلٍ عزيزٍ في ربعه... نعم جغرافياً بعيدين عنكم.. لكن تظن اني من بيت نازل ولا اقدر اوفيه حقه.. فمن حسن الأدب في المنتدى عدم طرح ما لا يعني اصحابه.. فكلٍ يبغي يظهر ربعه بأحسن صوره لكن عندنا مثل يقول "ما تطلع المايله الا من قل العدله" وانت صدقت في بيت ما به خفيه:

حـنـا بـلـشنا فـيـك يـاعـز الاصـحـاب .... والـمـعذره لـو صـار مـني خـطـيـه


ولك ما طلبت بالنيابه...

وارجو من الأخ ابو فلاح أو من ينوب عنه بالتفضل بألغاء جميع مشاركاتي.. والمعذره على اقتحام منتداكم الذي كان بقصد الأستفادة من ساحة النقد والتعرف على اعضاءه

واستودع الله الحاضر منكم والغائب والسلام،،،


************

[سلطان ال الشوافه]

[SIZE="6"][COLOR="blue"][QUOTE][B][COLOR="Blue"][SIZE="6"]اشكركم على المرور وقد قلت قبل القصيده ان السليطي اخ وعزيز والمقصود ماكان اساه لشخص السليطي ولاكن السليطي اذا كلامه صحيح بقوله انا اريد ان استفيد فانا اخبرته بانه يوجد لديه بالقصيده اكثر من بيت مكسور ورد علي بقصيده مكسره ايضا فكان ردي عليها بالجرح العلى ي ماطاب وانا ماغلطة السليطي الاخ مناحي بن معدي يشرفني مرورك وملاحظاتك وقصيدة السليطي موجوده بساحة النقد وابومعدي شاعر كبير وشاعر مخضرم ويعلم الله اني اتشرف بنقده للقصيد ولاكن اين مناحي من الشعار الي بساحة النقد الذين اذا صدق قولهم انهم يريدون التوجيه من مناحي بن معدي وكبار الشعار الموجودين بالمنتدى لماذا نجامل ونسكت على البيت المكسور وعلى حشو الكلام لماذا لانقول الصحيح والله العظيم ان القصد في قصيدتي انه الشعر مع السليطي انا علمته وهو زعل وارسل قصيده ورديت عليه وافتخرة في قبيلتي وهذا من حقي وحق اي رجل ليس بالشرط الضروري انه شاعر اي واحد يفتخر في قبيلته والمعنا واضح بالبيت الاخير ان الموجودين شعار ويعرفون الشعر فليش انجامل بعض ياخي قل الحق وماينزعل من الحق بالعكس انا اشكر اي شخص ايوجهني التوجيه الصحيح اما الي بينقد وهو ماعنده سالفه هذي وجهة نضر واحترمه وانا اسف واطلب العذر من السليطي حتى لو اني ماخطية بحق السليطي واول شي واخر شي يبقى الشاعر مناحي بن معدي اخوي الكبير وعلى الراس والعين ولاكن اتمنى ان نجد ابوراكان في ساحة النقد كما وجدناه هنا هذا وتقبل تقديري واحترامي للجميع

[مناحي معدي المسردي]

[SIZE="6"][COLOR="blue"][QUOTE][B][COLOR="Blue"][SIZE="6"]اشكركم على المرور وقد قلت قبل القصيده ان السليطي اخ وعزيز والمقصود ماكان اساه لشخص السليطي ولاكن السليطي اذا كلامه صحيح بقوله انا اريد ان استفيد فانا اخبرته بانه يوجد لديه بالقصيده اكثر من بيت مكسور ورد علي بقصيده مكسره ايضا فكان ردي عليها بالجرح العلى ي ماطاب وانا ماغلطة السليطي الاخ مناحي بن معدي يشرفني مرورك وملاحظاتك وقصيدة السليطي موجوده بساحة النقد وابومعدي شاعر كبير وشاعر مخضرم ويعلم الله اني اتشرف بنقده للقصيد ولاكن اين مناحي من الشعار الي بساحة النقد الذين اذا صدق قولهم انهم يريدون التوجيه من مناحي بن معدي وكبار الشعار الموجودين بالمنتدى لماذا نجامل ونسكت على البيت المكسور وعلى حشو الكلام لماذا لانقول الصحيح والله العظيم ان القصد في قصيدتي انه الشعر مع السليطي انا علمته وهو زعل وارسل قصيده ورديت عليه وافتخرة في قبيلتي وهذا من حقي وحق اي رجل ليس بالشرط الضروري انه شاعر اي واحد يفتخر في قبيلته والمعنا واضح بالبيت الاخير ان الموجودين شعار ويعرفون الشعر فليش انجامل بعض ياخي قل الحق وماينزعل من الحق بالعكس انا اشكر اي شخص ايوجهني التوجيه الصحيح اما الي بينقد وهو ماعنده سالفه هذي وجهة نضر واحترمه وانا اسف واطلب العذر من السليطي حتى لو اني ماخطية بحق السليطي واول شي واخر شي يبقى الشاعر مناحي بن معدي اخوي الكبير وعلى الراس والعين ولاكن اتمنى ان نجد ابوراكان في ساحة النقد كما وجدناه هنا هذا وتقبل تقديري واحترامي للجميع

الاخ الشاعر سلطان آل الشوافه
ابو عايض اولاً اشكرك على تقبل النقد بصدر رحب وهذه صفة الواثق بنفسه لأن بعض الناس اذا اعطي ملاحظه يزعل ويبتلش فيه الواحد
ابو عايض فعلاً انا لم اتواجد الا في هذه الصفحة وذلك بسبب ضيق الوقت فانني امر على الشعبيات في ساعة من نهار اوليل فقط
ولكن اخي سلطان بصرف النظر عن ما قاله السليطي فان اللوم عليك
اولاً فان الرجل كما قلت صديق عزيز عليك وانت تعرف حق الصداقة
ثانياً الرجل ضيف على المنتدى وبالتالي فهو ضيف على الجميع وحقه علينا الاحترام والتقدير
ثالثاً انا لم اعترض على جودة القصيدة لكن موضوعها يا ابا عايض اذا سمحت لي لا يصلح للنشر لأن فيها جرح لمشاعر الاخرين وبالتالي فلن تكون مقبوله من بعض الناس لأن مثل هذه القصائد قد تكون كثيرة عند اغلب الشعراء وانا منهم ولكني احتفظ بها لنفسي ولبعض اصدقائي المقربين فقط ولا اسمح بنشرها الا اذا كانت لا تحتوي على اسماء صريحه وانت صرحت باسم السليطي ومدحت قبيلتك على حسابه وكذلك جرحته ببعض الكلام

مرة ثانية اشكرك يا ابا عايض وتقبل مروري ونقدي ونحن في هذا المنتدى بل وخارج المنتدى مكملين لبعض

[سلطان ال الشوافه]

شكر خاص لشاعر الكبيرمناحي بن معدي

واقدم باقة اعتذار للاخ السليطي