المساعد الشخصي الرقمي

مشاهدة النسخة كاملة : المرجلة لولاد ( مسـرد ) مطالـيب


صالح مبارك المشعلي
08 / 07 / 2009, 48 : 09 PM
ويش حاجتي يوم أنقل الرقم في الجيب=ويش حاجه الجوال في كل جــــاله
إلا أندبة لا ما فقـدت المناديب=في حالة تفرق على كل حـاله
يقضي لي اللازم بليـا متاعــيـب=لله در المخترع صانـع آله
يا ( حسين ) بأختارك رســـــــول المكاتيب=للي ينومس عنوة اللـي عناله
ربع معرفتهم من أغلى المكاسيـب=وأغلى على الرجــــل من رأس ماله
ذخر لمن تغلب عليه المغالــيب=صحيح قول اللي سبقــني مقاله
كم للفتى يوم الرخى مـــن الأصاحيب=قليلهم يوم القسى ما صـفاله
واسند على الطيب ولامــنه تجــنيب=اللي لما صار اللــزوم اعتزاله
طيبه وصل ربعه ووصـــــل الأجانيــب=اللي جنوب الدار واللي شمـــــــاله
ما يلحقه سر الردي والعذاريــب=محنك من بين عمه وخاله
جاوب على الهاتف وثنى التراحيب=واللي على بالـي من الهم زاله
البيض تبنى له بروس المراقيـب=سوىّ الجميل وجمـــــل الله حاله
من عزوة يرمى بها الظن ويصيب=حميه ونخوه وفخــر وجماله
المرجلة لولاد ( مسـرد ) مطالـيب=السلم وارد والخصايل جلاله
يا كيف با جزى راعي الطيب بالطــيب=فاعل جميـــل ما يدور بداله
مدحه عليّ واجب وتركه عليّ عــــيب=وبأذكره من حيث ماجا مجـاله
ومن ينكر المعروف لعلـه يخيــب=هذاك خايب خيب الله فالـه
و( المسردي) ما حافه الشك والريـــــــــب=ولا اختصر مدح( ابن مقحص) لحاله
غيره ( إبن بطيحان ) ما فيـه تجريب=للعز يا بيت يظلل ظلاله
رمز الوفا شيخ يسد المواجيــــــــب=له في سنام المجد ســــــمعه وقاله
مدحتهم والــــــــــــمدح ما فيه تغريب=يستاهل الــــــــــــناموس رجل وفا له
ناموسهم تطلع له الشـــــمس وتغيب=عهد جزيل ومستحيل زوالــــــــــــه
هذي عوايدهـــــــــم طبيعه تركيــــب=والكـــــــــل منهم تارد الماء حباله
عند المهمه يدركون التــــــــــسابيب=لاشـــــط حمل الوقت صاروا جماله
رجالهم لو كان في الأمر تصعيـــــــب=مثل الجبل شعف الهبوب ارتكالــه
واسند على الطيب ولامنه تجنـــــيب=اللي لما صار اللزوم اعتزالـــــــــه
صالح مبارك المشعلي

برق الحيا
08 / 07 / 2009, 58 : 10 PM
المرجلة لأولاد ( مسـرد ) مطاليـب...السلـم وارد والخصـايـل جـلالـه

صح لسانك ولا عليكم زود بني عم ووافين ..

والممدوحين يستاهلون وكفـو ..

أبيض وجه يالمشعلي ..

!! تقوى الهجر !!
08 / 07 / 2009, 03 : 11 PM
صح لسانك يالمشعلي ولا عليك زود لا انت ولا ربعك ونعم والله فيكم

وابن مقحص وابن بطيحان يستاهلون كل خير


تقبل مروري

سلطان ال الشوافه
09 / 07 / 2009, 33 : 04 AM
صح السانك يالمشعلي وماعليكم زود بس وينك يابطيحان رد على المشعلي

بطيحان بن ناصر بن هرسان
09 / 07 / 2009, 37 : 04 AM
جاوب على الهاتف وثنى التراحيب ---واللي على بالي من الهم زاله

تستاهل العلم الغانم ياوجه قحطان لأنك من اهله ..

وماعليكم زود يابني عمنا وافين دايما ..

وصح الله لسانك يابوصالح وجعلك تسلم طال عمرك ..

أبو محمد
09 / 07 / 2009, 21 : 03 PM
صح السانك 000000000000يابو مبارك 000000000تستاهلون العلم الغانم
ولا عليكم زود 0000000000000000000الله يبيض وجهك على ذا القصيده

صالح مبارك المشعلي
09 / 07 / 2009, 09 : 04 PM
برق الحيا
تقوى الهجر
سلطان آل الشوافه
بطيحان بن ناصر بن هرسان
أبو محمد
ــــــــــــــــــــــ
صحت أبدانكم وتستاهلون
يا قحطان العلم الغانم وأنتم اهله
والسلام عليكم

الهاجس
09 / 07 / 2009, 16 : 08 PM
صح الله لسانك يالمشعلي ولا عليكم زود يا بني عمنا
وبيض الله وجهك قصيده وافيه من رجال وافي
تقبل مروري ....

تحيـ الهاجـس ـاتـي

سلطان بن ذيب
10 / 07 / 2009, 00 : 02 AM
الأخ صالح مبارك المشعلي صح لسانك والجزل مايجي منه الا الجزله وتستاهل الطيب ولا عليكم زود

خط القدر
10 / 07 / 2009, 52 : 03 AM
صح لسانك يالمشعلي

القرم
10 / 07 / 2009, 42 : 02 PM
بيض الله وجهك ياالمشعلي .
ولا عليكم زود..

الخلاوي
10 / 07 / 2009, 44 : 05 PM
بيض الله وجهك يالمشعلي ربعنا كفوا ويستاهلون ولاعليكم زود

أبو الطيب المتنبي
10 / 07 / 2009, 07 : 07 PM
صح لسانك يالمشعلي وبيض الله وجهك ولاعليكم زود ..........

تقبل مروري!!!!!!!!!!!!!!

عبدالله المشعلي
13 / 07 / 2009, 52 : 01 PM
أبو مبارك صح لسانك
وقحطان كفو ويستاهلون
تحياتي

صالح مبارك المشعلي
13 / 07 / 2009, 55 : 01 PM
الهاجس
الحر النادر
عــ باص يون
القرم
الخلاوي
أبو الطيب المتنبي
عبدالله المشعلي
ــــــــــــــــ
صحت أبانكم وبيض الله وجيهكم
والسلام عليكم