من يوم خلق آدم لحاله على الكون

[صالح مبارك المشعلي]

ما كل مخلـوق بياصـل لمـا راد=والله يريـد ولـو خلقـه يريـدون
كم تقبل بنا أبناد وكم تقفـي أبنـاد=والناس ركّابة رحل مـا يقيمـون
مثل السحاب اللي على درب الأنواد=سيرة هل الدنيـا عليهـا يمـرون
وأحداثها تولـد مـع كـل ميـلاد=عانيت منها مثـل نـاس يعانـون
ماريحت راكب مسامة ولا شـداد=كل على الدنيـا مولـع ومفتـون
وما عمرت دنياك من عمرها بـاد=ولا دامت لقيصر وكسرى وقارون
والآدمـي دايـم ودنيـاه بجـهـاد=من يوم خلق آدم لحاله على الكون
لولا الأمل ينقـاد والعمـر ينقـاد=باليأس ما ظـن الاوادم يعيشـون
كـل وراء دنيـاه وآمالـه بعـاد=والعلم يبلغ ما وراء ثقـب الأوزون
وأنا أدري ما أحد يبي مني إرشـاد=وأهل التجارب والحكم وش يقولون
لو تملك الأملاك من غيـر تعـداد=الخافق المسكون ما زال مسكـون
وما كتب لك باللوح ما عنه محيـاد=الله يريـد ولـو خلقـه يريـدون
صالح مبارك المشعلي

[القرم]

قصيدة جميلة من شاعر جميل ومبدع ياصالح

وما كتب لك باللوح ما عنه محيـاد
الله يريـد ولـو خلقـه يريـدون
تقبل مروري

[أبو فـلاح]

صح لسانك يابو مبارك ..
قصيدة من الوزن الثقيل ......

لولا الأمل ينقـاد والعمـر ينقـاد=باليأس ما ظـن الاوادم يعيشـون

[ابوخالد]

سلم بوحك يا ابومبارك..

بدايه تستحق الاشاده..والتثبيت..

اخوك ابوخالد..

[صالح مبارك المشعلي]

القرم
أبو فلاح
أبو خالد
شكرا لكم على المرور
والله يحفظكم

[أبو محمد]

صح السانك يابو مبارك وانت شاعر غني عن التعريف ومعروف عنك الجزاله

[عبدالله المشعلي]

صح لسان يا أبو مبارك
وأتمنى أن تكون بداية ليس لها نهاية

[برق الحيا]

صــح لســانك يابـومباركـ ..

والآدمـي دايـم ودنيـاه بجـهـاد
من يوم خلق آدم لحاله على الكون





قال الله تعالى :(( ولقـد خلقنا الأنسان في كبـد ))

ماشاء الله عليك مبدع ياصالح .

[محمد بن عايض المسردي]

صح لسانك ياصالح..وبيض الله وجهك على ذا لجزاله الغير مستغربه
من شاعر مثلــكـ..له باعه الطويل بالشعــر..
أكرر شكري على هذه الرائـــــــعهـ..
تقبل مروريـ

[مناحي معدي المسردي]

صح لسانك يابو مبارك
ولاهي غريبة الابداع من المبدعين

[صالح مبارك المشعلي]

أبو محمد
برق الحياء
عبدالله المشعلي
محمد بن عايض المسردي
مناحي بن معدي
صحت أبدانكم ولا هنتو على المرور
تحياتي لكم

[ابن عويد]

صح السانك يابو مبارك وانت غني عن التعريف وكيد الجزل مايجيب الا الجزله

[عطـــر جـــاش]

صح السانك

قصيده جزلة وبيض الله وجه

[صالح مبارك المشعلي]

ابن عويد
عطر جاش
لا هنتو وصحت البدانكم
جميع

[بطيحان بن ناصر بن هرسان]

مثل السحاب اللي على درب الأنواد
سيرة هل الدنيـا عليهـا يمـرون
وأحداثها تولـد مـع كـل ميـلاد
عانيت منها مثـل نـاس يعانـون

يكفيني هالبيتين من دون قصور في باقي القصيدة

صح لسانك يالمبدع ,,,,,,,,

تقبل شكري مع ارق التحايا .

[صالح مبارك المشعلي]

مثل السحاب اللي على درب الأنواد
سيرة هل الدنيـا عليهـا يمـرون
وأحداثها تولـد مـع كـل ميـلاد
عانيت منها مثـل نـاس يعانـون
يكفيني هالبيتين من دون قصور في باقي القصيدة
صح لسانك يالمبدع ,,,,,,,,
تقبل شكري مع ارق التحايا .
بطيحان بن ناصر بن هرسان
الله يعطيك العافية وشكرا لك
على الكلام الطيب
تحياتي