القصائد التي قيلت في سبيل اعتاق رقبة ابن بشير!!

[ابوخالد]

سوف أقوم بجمع القصائد التي قيلت في سبيل إعتاق رقبة اخونا عبدالله

وسيكون الموضوع مغلقا فمن لديه قصيده ارجو ان يرسلها مشكورا..

لي على الخاص وسوف ارفقها في الموضوع..

أسأل الله بأسمائه الحسنى وصفاته العلى ان يخرجه مما هو فيه ويرقق قلب ابن عجيم عليه..

انه سميع مجيب..

[ابوخالد]

قصيده /محمد عبدالله بشير يزهم عمه وربعه المسارده واقحطان ويام )



ياالله ياالمعبود ياعالي الشان=يارافع سبع تمام عددها
تحلها ياخالق الانس والجان=وتعدل اوضاع تطايح عمدها
لوالقدريعرف بيشري بالاثمان=وماذاقت انفس الخلايق نكدها
لكن تردى الحظ وافعال شيطان=ولقدارمكتوبه وساعه وعدها
ويقوله اللي حمله اشكال واللوان=والنار بظلوعه تزايد وقدها
حراسه العسكر والقفل والبيبان=وعين الشقا زود شقاها رمدها
معلق الآمال في يدين رحمان=ايهون اكروب تزايد اعقدها
ثم عمي اللي موقفه بين وبان=يوم اعتزى روس النوايف وردها
واكبردليل موقفه في ابن خشمان=عليا ولا احد في القبايل جحدها
ولابتي ربعي واخوان وعمان=وآلاد مسرد فارقه في سددها
صيت لبسته فخرتاج وبيشان=اللابه التي سعد فهو لصدها
والقاسي بعبيده الي ماقسى لان=اسم تعلا للنجوم وهجدها
ومال الثقايل الكايده غير قحطان=سعد الذي حمله امتونه جهدها
حلف اقحطان قوم يام وهمدان=من ينتخيها في مواقف وجدها
ولي في القبايل قسم روس وخلان=حذه شرف موثقه واعتمدها
وياعم لوهي بالاماني ترى كان=بدلت انا الاموات واسكن لمدها
وافديه انا اخو مات ماني بندمان=لكن الاماني ماكسب من حصدها
في كل ليل ألبس من الغم الاكفان=وصدري جمع كل الهموم وحشدها
عثرت عثر ماهي بعثرت احصان=والعذر كسرت ساق وآمر وادها

[ابوخالد]

ياهاجسي قدام تصفح طواريك = دور جزيلات المعاني وجبها
امطر علينا من سحايب معانيك = سحايب(ن) تقطع ضما من شربها
واقطع ضما وردك من سيول واديك = ولا تصدر غير مليا(ن) قربها
وحقك علي اكرم جنابك واداريك = وحقي عليك الطيبه عجل بها
شاعر ومنطوقي رصيد(ن) على شيك = اهرج واثمن كلمتي واحسبها
من شان ماتضحك علي الصعاليك = وتلقى علي الدرب وتقل ادبها
ولا يجيني من هل الطيب تشكيك = وترد شرهتها على اللي كتبها
روس الرجال اللي تحل الشرابيك = اموت ما اصير السبب في غضبها
هقواتهم فيني مثل هقوتي فيك = دور طرب قلبي ودور طربها
يامحمد بن عجيم كل الرجا فيك = بعد الله , اوجب للنشاما طلبها
شفهم مثل وصف العبيد المماليك = لرضاك يامحمد تثنت ركبها
يبغون لفحات العفو عن بنا اخيك = العفو عند المقدره واحتسبها
عانه ورى سجن الحديد متحريك = من العام عينه ماتوالف هدبها
عليه صلفات الليالي دواكيك = وكنه على نار(ن) تواقد حطبها
يفرح ويفزع كل ما حل طاريك = خوف ورجا في حالت(ن) مالك بها
واليوم كل(ن) بالتسامح يناديك = وفيك الهقاوي الطيبات نحسبها
تكفى ترى حل الشرابيك بيديك = واللحيه اول عزها من شنبها

خالد بن معدي

[ابوخالد]

قصيده للشاعر // محمد عبداالله بشير في قبيلة (( الصقيعات ))

بسم الله المعبود سبحانه تعالى ذو الجلال = تبارك اسمه خالق الخلق االفرد الجليل
بعده سلامي صافي احلى من الزلال = على هل الوقفات لابان الشجاع من الذليل
ياربعي الوافين ياهل الصيت ذربين الفعال = ربعي ((الصقيعات ))الكايدي مطوعين المستحيل
العين جافاها المنام وبادل الصبر انفعال = وانتو احزامي في الليالي السود لاقدح الفتيل
اشوش لاجا ذكركم وكن في عقلي اهبال= ولا التفت لأطلق شنب اصحاب شر ولا هبيل
وارقى بكم روس النوايف والرقيبه والجبال= واشفق على جمعاًً بكم لو صدري اضويه كليل
واعتز بأصغر نادر منكم ليا جاله مجال = لانه على درب القروم يسير واعيونه تخيل
الطيب افعال لجدانه ولا فيها جداااااال = من الشجاعه والكرم والفعل والخلق النبيل
والشعر ترجم هاجسي ومااحتواه وبانهمال = وبهرت جزلات المعاني بهيل يغري الزنجبيل
اليا ذكرت انا (ال هرسان)اعتنز روس الطوال=الشيخ فيهم ذخرنا والشبل ظل مايميل
وأعتز ياراسي مادام ان (ال بوكراع) خوال=ياسعد منهم لابته علم موكد بالدليل
وبا( الزواحمه)انتخي أهل الحميا والثقال= صبيهم لاما اعتزى ينطح من الاعداء فصيل
و(وعلة) صف يجمل والغنا منه محال = المحزم اللي نذخره لابار من يحسب عميل
وسلام (ياال دليم)ياروس تطول وماتطال= اهل الفعول الكايده والفعل في اليوم المهيل
و(ربابضة)سم اذحاح للعدو لاجا اختلال=وحصن حصين وفعل يشفي الخاطر الشره العليل
وابنتخيكم يا(ال حنشل)عودعودالى العيال= واخص عمي راااعي العلياوكساب الجميل
محمدبن عجيم لاقيل المواقف للرجال =مواقفه تشهد وفعل ماسبق فعله مثيل
اقولها ومافيه شك ومايخالطه احتمال=ماصار مكتوب وقدر والراس يفداك وسبيل
وياعم لوهي بالاماني كنت في قبر هيال= وامووت ماجرح خاطرك والله على قولي وكيل
وبازهم اللي يسر في فلاح اخو نوره من ال=حسين يامرث فلاح اللي للعدا منه جفيل
واخص انا(سعود)على بد الجميع من الزحال=واقول تكفى يابن عمي وقفتك تشفي الغليل
وابنتخي بابو (حمد مجدل)ليا ماقال طال= اخو هيا لامااعتزى وعوير يالسيف الصقيل
وحرارهم ذخري محزمي في كل حال= صغيرهم لي يرتكي ولحملي امتونه تشيل
فيا ربعي الوافين ايمين بلياكم شمال=والكسر يبغى له اجباره والدمى منه تسيل
وانا نهاري ليل مظلم لانجوم ولاهلال= وانتوا احزامي والذخر والحمل ناصيكم دخيل

[ابوخالد]

يالله ياعالم خفيات الاسرار =يامخرج من داخل الحوت ذالنون
ياللي تبل القاع من وبل الامطار=وبأمرك بست ايام كونت ذا لكون
ياللي لزلات المخاليق غفار=تدمح خطايا خلقك اللي يتوبون
تفرج لمهمومن عليه الزمن جار=واصبح ورا البيبان جاني ومسجون
يكن في صدره تناهيت واعبار=منصاب من فعل الليالي ومغبون
ويشيل في صدره من الهم قنطار=وحاله من اللوعات من دون في دون
من جور وقته ذاق لوعات وامرار=وشاف الشقا والضيم بالشكل واللون
لكن املنا في طويلين الاشبار=اللي لصكات الليالي يصدون
واخص قرمن فالمهمات مغوار=ابو فهد فعله به الناس يدرون
يابوفهد تكفى ترا الوضع منهار=وهذي فعول ابليس وابليس ملعون
ان كان تبغى الجنه وللنبي جار=اعتق رفيقك ياذرا كل مشطون
وان كان تبغى الحشر مع خير الابرار=اعتق رفيقك وابشر من الولي عون
وان كان تبغى القبر ريضان وازهار=اعتق رفيقك والخلايق يشوفون
وان كان تبغى دعوة جوف الاسحار=اعتق رفيقك من متهاهات وسجون
اعتق سميك جعل تعتق من النار=والخير للي يعتق النفس مضمون
لا تيتم اللي اللي يرتجونه وقصار=اللي على شوفه ولاماه يبكون
لا تيتم اعياله وهم باقي صغار=اللي لفزعة والي العرش يرجون
ثم فزعتك يالقرم يوم الدهر بار=فزعة كريمن له هل الخير يدعون
واعدا د ماهب الهواء خضر الاشجار=وماغرد القمري على الغصن بالهون
صلوا على اللي للمخاليق مختار=نبينا اللي وضح الكاف والنون

عيد بن عبدالله المسردي

[ابوخالد]

لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . (لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .)

[ابوخالد]

ومناشدة إعتاق ( محمد بن عبدالله بن بشير ) ...

ســـلام يا قرم ينــومس مقامــه =قــرم رفع في عالي المجد مبناه
قـرم وفعل الطيب علـق وسامه =يستاهل الناموس من طاب مجناه
من لابة تثنـي خلاف الجهـامه =ألاد حنشـــل طيبــهم ما نسيـناه
الطيب يـوم إنكم بنيتوا خيامه =طيب الشـرف والعز والكل ينعاه
الله مقـدر ما جـرى والندامـــه =على إبن عمك وانت أعلم بما جاه
زلــة قــدم وإبليس نفـذ مرامــه =والا القـــدر محـد يـرده إليا جــاه
ومحمد المنعور فعـل الشهامـه =أجره على الله فـي نهار المناجاه
الطيب يا إبن عجيم ذروة سنامه =في كفك اليمنـى رفيـع شـهدناه
العفو يا إبن عجيم أجر وكرامه =في موقفٍ الخلق عريان وحفاه
يقولـها اللـي ما تهنـى منامـه =أنــا ومثــلي مـــرقده مـا تهنــاه
لاشاف بين الربـع ربط العمامه =فـلا يحل المشكلة غير شرواه
القرم يطمر عثرةََ وإنحطامه =ويصبر على ما قدر الله وما جاه
عايض بن بطي بن حيدان

[ابوخالد]

الشاعر المبدع ابن ساقان يتحفنا بقصيده وشيله يؤديها ابن رفده وهي رساله موجهه لابن عجيم



أظغط (لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .[URL]لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .)