راع المعتلا

[الكاسر]

بسم الله الرحمن الرحيم

قصيدة للشاعر حمد بن هادي المسردي رحمه الله قالها في أخوه فلاح بن فالح المسردي
عندما تنوم في المستشفى العسكري في العاصمة الرياض.

راع المعتلا


يالله إنك الي بسدي وما أكنه عليم=غايتي ما هيب تخفاك وأنت أدرابها
يا عظيم الشان يا خالق الكون العظيم=والي الدنيا وعالم خفايا مابها
طالبك يالخالق الرازق المعط الكريم=تفرج الضيقات عني وتمحا أسبابها
عقب ذا ياراكب فوق هبس له زجيم=أشهب لا جا التغاريز شق ترابها
وارد اليابان تايوتٍِ شكله عديم=يقرب الدار البعيدة ليا نوينا بها
عقب ما أعاير زيوته وأشيك بانزيم=مع مقاضٍ للسفر ما يجوز إلا بها
بأنهمه فجرٍ من العاصمة حي النسيم=صوب تثليثٍ وجاشٍ ولا أمسي إلا بها
والعشا في بيت منهو رفيقٍ لي مقيم=ما تغيره الليالي وكثر حسابها
عند راع المعتلا القرم لطام الخصيم=مسندي لا ضدني بالحجج طلابها
الصديق الصادق الصاحب الخل النديم=محزمي لا شافت العين جفو أصحابها
كاسب المدح إبن فالح فلاح الي يضيم=كل خصم والرفاقة يفك أنشابها
أذكره في حزة الضيق لا بار اللزيم=كلما سود الليالي خمشني نابها
وأذكره لا حدث فالظروف أمر جسيم=ينثني عندي ليا خامني مخلابها
لا ذكرت أبو حمد في دجا الليل الظليم=تنجلي الغدرا ويصفي لي المسرا بها
الشاعر
حمد بن هادي المسردي رحمه الله

[أبو فـلاح]

يستاهل أبو حمد ..
قصيدة جديدة لأول مرة أقرأها ..
مجهود رائع أخي الكاسر وجمل الله حالك على تحريك هذا القسم ..

[برق الحيا]

الله الله .. الله يرحمه ويسكنه الجنه .. ويطول بعمر أخوهـ ..

مشكـور يالكاسـر وجعلك تبطي حي

[الحياه كلمه]

الله يغفر له ويرحمه وعسى ربي يطول في عمر ابوحمد وعمرك يالكاسر

لاهنت على القصيده

[الهاجس]

الله يرحمه ويغفر له
ويستاهل ابو حمد المدح والله يطول بعمره
والله لا يهينك اخوي الكاسر اول وتالي

تحيـ الهاجـس ــاتي

[الكاسر]

الإخوان الغالين
مشكورين على المرور
الله يرحم حمد ويطول بعمر أبو حمد
وهذا واجبنا جميعا تجاه شاعر المساردة الراحل محمد بن فالح "حمد هادي"
في الحفاظ على إرثه الشعري البليغ

أتمنا تظافر الجهود للنهوض بهذا المنتدى المختص بشاعرنا الراحل.


أخوكم الكاسر

[tobeads]

Hi, I am new here. Hope to know all you!---------------------------------------------------------------------------------------------------------------------------------------sapphire engagement rings jewelry (لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .)sapphire engagement ring jewelry (لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .)diamond solitaire jewelry (لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .)crystal jewelry wholesale (لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .)crystal jewelry (لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .)

[بطيحان بن ناصر بن هرسان]

والله ونعم بالربع كلهم

ومشكور جدا يالكاسر ...

[!! تقوى الهجر !!]

الله يرحمه ويستاااهل ابو حمد والله يبطيبه حي

الله لا يهينك يالكاسر

[زمان يافن]

الله يرحم حمد ويطول بعمر ابو حمد