المساعد الشخصي الرقمي

مشاهدة النسخة كاملة : صـــــــــدى رعـــــــــــــــاد ...!

برق الحيا
21 / 06 / 2009, 39 : 04 AM
يشهد علي رب الملا والمخاليق=إني على شوفك خفوقي شفوقي
مير البلا وقتي حداني على الضيق=وإن قلت راق البال عيا يروقي
أواعد أحلامي على غير تطبيق=وإن قلت ساق الحظ عيا يسوقي
أصوغ أنا لاجلك جديد الطواريق=بأول ظهور البدر لين الشروقي
وأهيم في سابق لقانا ولا أفيق=إلا على لحنن يجيبه خفوقي
أجنح بفكري فوق عالي الشواهيق=أسمع صدى رعاد وألمح بروقي
وأخايل عيونك بلمع الأباريق=لا بان بالوسمي صدوق الحقوقي
أسرفت في فكري خيالً وتحليق=وأزريت أوصف من بوصفه يفوقي
من شان حبً ساكنن بالمعاليق=يسري مع دمي بمجرى عروقي
حب الهنوف اللي لقاها توافيق=في غفلةً مني نظرها سروقي
هي لحظةً مرت على غير تنسيق=ضاعت على أول ملتقاها حقوقي
ماعاد أميز بين غربً وتشريق=ولا عاد أشوف اللي بتحتي وفوقي
راحت بقلبي مابعد قلت تعليق=وأستانس الخافق على كيف ذوقي
مير الهوى له حكمةً بالعشاشيق=يفرقبها اللي للمعزه يشوقي
عندي على حبك عهود ومواثيق=والشاهد الله ماخبرتك تبوقي
واليا صعقني من هواكم صواعيق=ماصفق إيديني وأقول أنت عوقي
أرسي كما ترسي جموع المطاليق=وأوثق بوكر النوايف سبوقي
[center]
وســــلامتكــــــــم ...
... بـــرق الحيــــــــا
أبو الطيب المتنبي
21 / 06 / 2009, 10 : 07 AM
برق الحيا عظيم عظيم هل هذه لك ............

قصيدة جميلة وناقل جميل (أنا ماأعرف إنها لك).........

مبدع بكل حالاتك يابرق الحيا ........

تقبل مروروي !!!!!!!!!
برق الحيا
23 / 06 / 2009, 48 : 05 PM
أبـو الطيب أهلاً وسهلاً .. وإشاده أعتز بها كثيراً ..

والقصيده لي طال عمرك ..
ناصر بن هذال
24 / 06 / 2009, 39 : 04 AM
صح لسانكــ يابرق الحيا

أنا لا أستغرب منكــ هذا النص وهذا النفس الطويل

قصيده عاطفيه جميله وقافيه صعبه كما هي حال معظم قصائدكــ



ولدي ملاحظات اتمنى ان تتقبلها مني مادمت وضعت القصيده بقسم النقد:-

1- القصيده 17 بيت تقريبا ودائما مااوصي بان تختم القصيده متى اكتمل المعنى ...
حيث اجدك وضعت ابيات لا تخدم النص ولكن لتوضيف بعض المفردات اللتي لديك....
مثلا :البيت ماقبل الاخير والبيت السابع

بمعنى اخر: لو انك جعلت النص في عشرة ابيات مثلا لكن افضل من وجهة نظري.

2 - هناك تناقض في البيتين رقم 10 و 11
حيث تقول في البيت العاشر ان لقاها توافيق اي اكثر من مره..
وفي البيت 11 تقول هي لحظة مرت !!
ترابط الافكار وتسلسلها امر لا بد منه ياعزيزي.

3- بالنسبه للبيت الاول مارأيكـ لوكان هكذا:

يشهد علي رب الملا والمخاليق=إني على شوفة حبيبي شفوقـي


4 -
في الشطر الاخير من البيت الاخير لم يخدم الشطر الاول كما تعتقد.
فالسبوق تربط الطير حينها تنعدم فائدته ولاشك انك كنت تحاول ان تصور كيف "ترسي جموع المطاليق" ولكنه خانك التعبير حسب وجهة نظري..

برق الحيا:
اعتذر عن الاطاله ولكن انت فعلا موهبه تستحق الاهتمام

واتمنى لك التوفيق .
القرم
24 / 06 / 2009, 03 : 03 PM
صح لسانك يابرق الحيا .
برق الحيا
24 / 06 / 2009, 22 : 03 PM
مرحبا ومسهلا يبوهذال وانا ماحطيتها بقسم النقـد إلا علشان أستفيد من اللي مثلك وشرواك ..
وبالنسبه لطول القصيده أنا معك في أن تحديدها بعشرة أبيات يكون أفضل بكثير ..

حب الهنوف اللي لقاها توافيق ... وأنا صادق يبوهذال مالقيتها إلا مرةً وحده وتوفيق ...

أبوهذال أتشرف بمرورك ونقـدكـ ..

وأنا لازلت عند كلمتي بأنني قصاد أحفظ الشعر العذب وفي بعض الأحيان تأتي مني قصيده ..

شكراً لك مرةً آخرى أبا هـذال ..
برق الحيا
24 / 06 / 2009, 28 : 03 PM
صح بدنك يالقـرم .. ولاحرمنا الله هالطله ..
الهاجس
29 / 06 / 2009, 18 : 04 PM
ماشاء الله تبارك الله قصيده جميله
الحبكه موجوده والله يوفقك يالذيب
تقبل مروري

تحيـ الهاجـس ــاتي
حلو المعاني
29 / 06 / 2009, 22 : 10 PM
الله على الابداع يابرق ... قصيده تحمل معاني لها وزنها .. من اجمل ماقرأت
اهنيك على اسلوبك السهل ... وسلاسة الكلمات .. برق الحيا قصيده غنائية بمستوى عالي جدا

تقبل تحياتي وخالص شكري .. مر من هنا ==== >> كــــحيلان
برق الحيا
10 / 07 / 2009, 45 : 11 PM
الهاجس + حلـو المعاني ..

صحت أبدانكم ..

ولاهنتـوا على المرور المتميز دائماً ..
!! تقوى الهجر !!
11 / 07 / 2009, 48 : 06 PM
صح لسانك اخوي برق الحيا


وقصيدة جزله من شاعر جزل



تقبل مروري
الحياه كلمه
11 / 07 / 2009, 57 : 08 PM
صح لسانك يابرق الحيا ..

صراحه قصيدة رائعه ووافيه ومن المفروض انك نزلتها لشعبيات على طول لان القصيده كبيره

من كاتب كبير .. سجل اعجابي ... ولاتحرمنا جديدك

شكرآ برق الحيا لامتاعنا بهذه الرائعه
برق الحيا
12 / 07 / 2009, 16 : 04 AM
تقــوى الهجـر .. صح بدنك والله لايهينك على المرور الجميل ..

الحياة كلمـه .. صح بـدنك يالغالي وشهاده أعتز بها كثيراً .. ولكن كما قلت سابقاً أنا لاأعتبر نفسي شاعر ربما بعد سماعي قصائد إبن فطيـس قلت العزيمه عندي ..!!


أشكركم مرةً آخـرى .
زمان يافن
14 / 08 / 2009, 32 : 07 AM
برق الحيا










قصيدة في قمة الرووووعه فلا تحرمنا جديدك
شــــامــــخ
16 / 08 / 2009, 26 : 01 AM
صح لسانك يابرق معني ماحب الغزل بس وافيه
قمة طويق
07 / 09 / 2009, 38 : 08 AM
يشهد علي رب الملا والمخاليـق
إني على شوفك خفوقـي شفوقـي
مير البلا وقتي حداني على الضيق
وإن قلت راق البال عيا يروقـي


يعطيك العافيه برق الحيا على القصيدة العاطفيه الجميله
وسلاسة كلماتها
تقبل مروري وتحايا
======>>>ونتظر المزيد.
خالد بن معدي
14 / 12 / 2009, 23 : 10 PM
صح لسانك اخوي برق الحيا علماً بأنني أتوافق معك في عدم التناقض في البيتين الـ 10 ــ 11 واتوافق مع اخوي ناصر ابو يزيد في اعادة هيكلة البيت الأول علماً بأن طول او قصر القصيدة لايؤثر على رونقها إن كانت متماسكة ومرتبه وأما البيت الأخير فأتفق مع ابا يزيد مرةً أخرى وأخيراً صح لسانك وبوركت
صوت وصدى
15 / 12 / 2009, 56 : 06 AM
القصيدة لو فيها كسر يجبرها اسمك الكبير ..
ولو فيها زيادة ... دل على كرمك الغير محدود ..
ولو فيها بيت ماله معنى .. فأنت معنى الطيب ..
ولو هي قصيدة جديدة ... فأنت شمس ما تغيب ..


قصيدة جزله ومن شاعر جزل .. الى الامام برق الحيا
أبو محمد
15 / 12 / 2009, 03 : 09 AM
صح السانك 0000000000000يابرق الحيا 00000000000000قصيده شاعر
الصريح
15 / 12 / 2009, 20 : 09 AM
برق الحيا
القصيده هذي مايقولها الا شاعر
ويمديك تغير الشطر الثاني من البيت الاول
صح السانك والى الامام

اطيب المنى,
برق الحيا
20 / 12 / 2009, 20 : 04 AM
زمان يافن .. شامخ .. قمة طويق .. صحت أبدانكم ولاهنتو على كل حال ..!!
خالد بن معدي .. أنا ماحطيت القصيده بـ ساحة النقد إلا عشان أستفيد من اللي مثلك وشرواك ..!
صوت وصدى .. صح بدنك والتشريف والله مرورك وإطرائك عسى الله يطول بعمرك ..!!
أبو محمد .. صح بدنك وأنت مرورك بحد ذاته يعطي للقصيده رونق خاص ..!!
الصريح .. صح بدنك و إطرائك شهاده أعتز بها ومنك أستفيد ..!!

وردودكم إن شاء الله تكون حافز لكتابة ما هو أفضل ..!!
شكراً لكم ..!