محاورة بين عايض حيبان ومناحي معدي

[مناحي معدي المسردي]

سلام ياعايض زبون المجنا=ياصاحب صدره للاسرار صندوق
كانت قصايدنا تغنى وكنا=نلعب مع الشاعر عى كل طاروق

[أبو محمد]

يامرحبا بك والتحية تثنا =اعداد ماقد لاح في الغيمه بروق
لا زالت الدعوى على ماتمنا=هذا انت في القمه ومركزك مرموق

[مناحي معدي المسردي]

الذيب لو له فرصة كان اكلنا= هذا زمانه ياخذ الطاق مطبوق
والله يجازينا بصالح عملنا=والله يجنبنا من الغدر والبوق

[أبو محمد]

هذا زمان الذيب والا زمنا =مافات شي وكل مطرود ملحوق
لا روحت منا ولاجات منا =الارض من تحت القدم والسماء فوق

[مناحي معدي المسردي]

الحب بلوى والمعنّا معنّا=ماهو بداري ويش يبغي من السوق
واليا طراله طاري الشوق غنّا=ولاهو بلا جاهل ولا هو بمطفوق

[أبو محمد]

لاصرت ماتدري فلا تمتحنا =خلك على بلواك والحب والشوق
اقول لاقد تمرنا من نخلنا =يازايد ارفع فوق لاعاق لك عوق

[مناحي معدي المسردي]

ودي نقدم زادنا في صحنا=والضيف عندي هات مندي ومسلوق
والضيف لا منكم ولا هو بمنا=وحذرا يجي بعده تشراه وحقوق

[أبو محمد]

لو انها على تماني مهنا = ماكان مخلوق كلا حق مخلوق
ياصاحبي من شامنا لا يمنا =دون الحقوق مصقل الهند مفتوق

[مناحي معدي المسردي]

الله علم عن يمتك ياجملنا =تزبد وتهدر عند عشر من النوق
شكلك منوخ في علاوي تمنّا=عود عسى ربي يفكك من العوق

[أبو محمد]

حانت لنا الفرصه ومنها ضمنا =سوقتك معها غير ماودي اسوق
رد الخبر ياسامع الصوت عنا =حشمة صديقي جالها دم وعروق

[مناحي معدي المسردي]

حنا حضر موت البدو ما شحنّا = (وانت بدوي ثوبك على المتن مشقوق)
لو لا الحضارة ماتقدم وطنّا = والله يعين البدو فالق ومفلوق

[أبو محمد]

ياحضر ورقا رايكم ما شغلنا =حنا هل الوقفات والعلم موثوق
تقدمك وسطه بروج (ن) تبنا=هرج وكلام ومنها الفعل مفهوق

[مناحي معدي المسردي]

العام صورنا المشاهد بفنا = وجينا نحمض فلمنا بس محروق
وشلون تدخل والمباني تبنا = دون الحضر يابدو طوق ورا طوق

[أبو محمد]

لازال فلمك صالح يابطلنا = تلقى الخبر عند اهل العرف والذوق
حنا نسوس ونعرف نحوس حنا = نعطي اصفر العرقوب مقلب وخازوق