كنــــا وصرنــــا .. وليتنا ماصرنــــا

[SaMaHeR]

كنا نقول لاتقابلنا السلام عليكم والحين هاااااي هاوز افرى ثنق

كنا نقول فمان الله والله يحفظك والحين نقول تشااااو وتيك كير

كنا نقول هلا حياك الله اقلط والحين نقول اتصل على قبل لا تجي

كنا نتفاخر عندنا جد وجدة بالبيت و الحين صار فيه دار للعجزه والمسنين

كنا نقول تفضلوا للعشاء انتم والأهل والحين نقول ممنوع اصطحاب الأطفال

كنا نفرح اذا تعشينا من برا البيت والحين نفرح اذا تعشينا من البيت

كنا نتريق ونتغدى ونتعشى جميع والحين زين اجتمعوا اثنين

كنا ناكل مرقوق وجريش والحين مكرونه اسبكتي أو بالباشميل

كان طموحنا ندرس في الجامعه العربيه والحين طموحنا ندرس بالجامعه بس مو العربيه

كنا ندرس كل طالبين بطاوله والحين كل طالب له طاولتين

كان طموحنا نصير طيارين والحين طموحنا وظيفة توكل خبز

كنا نفرح اذا نزل البردي والمطر نشرب منه ونستعذب والحين ننحاش لايوصخ ملابسنا

كنا نفرح اذا قالوا لنا قربت الاجازه والحين نص عيالنا وبناتنا بإجازه على طول

كنا نهرّب الزقاير تهريب والحين اعتدنا إدارة مكافحة المخدرات

كنــــا وصرنــــا .. وليتنا ماصرنــــا

[المميز]

اااه يا سماهر دوستي على الجرح اللي بقلبي ونزفه كل يوم يزود

لا وانا اشوف ان الجاي اسواء .. الا اذا الله رحمنا برحمته واعاد للناس عقولهم المشوشه بالافكار الغربيه القذره

لكن ما لنا الا الدعاء عسى الله ينور بصايرنا ويبعد اهل الشر عنا ونرجع لماضينا المشرق ونتخلص من حاضرنا المزيف

[Shabeeb]

كان طموحنا نصير طيارين والحين طموحنا وظيفة توكل خبز

مو بيدنا الحين يالله الواحد يحصل وظيفه ب 1500

[طالب الغفران]

السلام عليكم ورحمة الله وبركاته ......


كنا محافضين وملتزمين وألحين دخلتنا الحضارة عرض فضيعنا قيمنا وخاصة الاسلامية .



شكراً على الموضوع أختي .

[سلطان]

سماهر مشكوره يالغاليه على الموضوع ويعطيك العافيه




كنا نقول فمان الله والله يحفظك والحين نقول تشااااو وتيك كير


وباقي ماشفتوا شي كنا وصرنا وياليتنا ماصرنا

[amoor]

مشكوره يا سماهر على الموضوع

كنــــا وصرنــــا .. وليتنا ماصرنــــا


كنا ندرس كل طالبين بطاوله والحين كل طالب له طاولتين........كل طالب بطاولة

تحياتي..........

[محسن المسردي]

كنــــا وصرنــــا .. وليتنا ماصرنــــا

مشكوره سماهر

تحياتي،،،
.
.

[abunaif]

لا تتشآموا فالدنيا لا زالت بخير



ونحن أفضل من غيرنا


وعليكم بطاعة الله وستجد كل أموركم ميسرة

بإذنه سبحانه وتعالى

[سلطان بن سرحان]

مشكووووووووورة يا سماهر على فكرة الجيات اعظم


احترامتي

[قـــلب اللـــيل]

[align=right:b8180ef59d]

1-كنا نقول لاتقابلنا السلام عليكم والحين هاااااي هاوز افرى ثنق

ومازلنا بحمد الله نقول السلام عليكم وربما أقول ربما اضفنا how are you

بصفتها لغة العصر أو لغة العالم حتى أذا تقدم الواحد لوظيفة في سوق الخضار

سألوه عن اللغة الأنجليزية ......طيب وش تبونه يسوي ؟؟؟؟

2-كنا نقول فمان الله والله يحفظك والحين نقول تشااااو وتيك كير

أنظر الى الأعلى ... :wink: :wink:

3-كنا نقول هلا حياك الله اقلط والحين نقول اتصل على قبل لا تجي

ياأختي في ناس فاضية ماعندها شغل يسير كل يوم حتى في الظهرية

وكلامه كله حش في ظهور الناس..

4-كنا نتفاخر عندنا جد وجدة بالبيت و الحين صار فيه دار للعجزه والمسنين

شوااااااذ الى الحين عندنا جد وجده ونحبهم ونغليهم ..

5-كنا نقول تفضلوا للعشاء انتم والأهل والحين نقول ممنوع اصطحاب الأطفال

في نااااس ماتعرف تربي أطفالها ..الواحد تعبان وعياله في تنظيم بيته وفي

دقايق يصير البيت فوق تحت وفي قصيدة لعبدالرحمن بن مساعد في الموضوع ذا..

6-كنا نفرح اذا تعشينا من برا البيت والحين نفرح اذا تعشينا من البيت

لأن الزوجة أصبحت موظفة ومدرسة وتساهم في مصاريف البيت وتربية الأولاد

أما زماااان كان ماعندها الأ ذا البيت بس ....

7-كنا نتريق ونتغدى ونتعشى جميع والحين زين اجتمعوا اثنين

أول كانوا فاضين واحد يقوم بمتطلبات عشرة أشخاص الحين يالله الواحد بنفسه

يعني نقوله خلك شغلك ومذاكرتك وتعال تريق معنا ؟؟؟

8-كنا ناكل مرقوق وجريش والحين مكرونه اسبكتي أو بالباشميل

أحسن ماجاب لنا عسر الهضم الأ المرقوق والجريش..

9-كان طموحنا ندرس في الجامعه العربيه والحين طموحنا ندرس بالجامعه بس مو العربيه

طيب ايش الحل أذا اللي في الجامعة العربية معقدين نفسيا وأجتماعيا وسيكلوجيا

ويبغون يطلعون التعقيد هذا على جثثنا ؟؟؟

10-كنا ندرس كل طالبين بطاوله والحين كل طالب له طاولتين

الحمد لله الفلوووس واجد والواسطه ماله دخل واللي ماعندوش مايلزموش..

11-كان طموحنا نصير طيارين والحين طموحنا وظيفة توكل خبز

أحسن مانصير أرهابيين ومتطرفين وأصوليين بعدين الأهم أمريكا تبي كذااا أمريكا بس..!!!

12-كنا نفرح اذا نزل البردي والمطر نشرب منه ونستعذب والحين ننحاش لايوصخ ملابسنا

.................................................. .................................................. ..................صح

13-كنا نفرح اذا قالوا لنا قربت الاجازه والحين نص عيالنا وبناتنا بإجازه على طول

الحمد لله على نعمة الأمن والأمان يعني ماعندنا مشكلة في التعليم ....!!!!!!

14-كنا نهرّب الزقاير تهريب والحين اعتدنا إدارة مكافحة المخدرات

صراحة ماحصل لي الشرف لايكون أحد منكم مار عليهم ؟؟؟!!!!!

15- كنا نكتب أسامينا بالعربي الحين صرنا نكتب بالعربي


أحتراماتي للجميع [/align:b8180ef59d]