المساعد الشخصي الرقمي

مشاهدة النسخة كاملة : اقرب يا بن حيبان


خالد بن معدي
06 / 05 / 2009, 45 : 12 PM
ياعايض بعد ما رفرفت خضر الأعلام = ترى الحكم لله ثم لأخوان نوره
بعد ما اختفى نور القمر عدة أيام = سرى البارحه صاحبك في نور نوره

أبو محمد
07 / 05 / 2009, 41 : 06 AM
ياخالد بعد مانعم على الناس الاسلام = تغيّر من الواقع ثمانين صوره
ولصار لك درع (ن) يوّقيك وحزام =فلا تترك المغرور يتبع غروره

خالد بن معدي
07 / 05 / 2009, 16 : 05 PM
ضعوف ( ن) تعذر بالضروره والأحكام = على غير حق وداعي (ن) للضروره
وهم من تسبب فالتغطرس والأجرام = يبوقون حق المسلم بدون شوره

أبو محمد
07 / 05 / 2009, 39 : 07 PM
من اخطاء السنع يشنق مثل شنق صدام =ولابد ماينهى مقامه ودوره
وراعي البوق محصوله مناقيد واثام =ولا يمكن الوافين تدمح قصوره

خالد بن معدي
08 / 05 / 2009, 59 : 05 PM
انا معك في ردع الحقودين مقدام = ونفسي على سمعة وطنا غيوره
لعل القضاه تعجل بحكم الإعدام = على كل بواق(ن) تمادت شروره

أبو محمد
09 / 05 / 2009, 52 : 02 PM
اقول انت طيبك ماهو اليوم والعام =على الطيب شبل وافيات شبوره
تقوله وانا عندي تفاسير الاحلام = عسى زلتك عند الولي امففوره

خالد بن معدي
10 / 05 / 2009, 06 : 12 PM
مصب السوالف خدمة الصالح العام = وكل العلوم مترجمه ومخبوره
ترى مشكلتنا كلنا حرب الاعلام = يهدم بيوت (ن) ساتره ومعموره

أبو محمد
10 / 05 / 2009, 20 : 09 PM
على حد علمي معك نوطين ووسام =على دورك اللي ما يخفى ظهوره
هذا واقع (ن)في الشرق والغرب والشام=ولابه مفر من ملاقات جوره

خالد بن معدي
11 / 05 / 2009, 56 : 10 AM
خذيت لك خمس انواط وافنيت الأرقام = وانا لي على الأوضاع لفه ودوره
حد(ن) قام له حظ وحد(ن) ما بعد قام = يابعد الحفر لا صرت تبغى شروره

أبو محمد
11 / 05 / 2009, 01 : 09 PM
كلامك صحيح وصدق يانسل الاكرام=وعلى كل وضع (ن) لف واجبر كسوره
صحيح الحظوظ تحط سيّد وخدام =ومن بينها لك وقفتين محضوره

خالد بن معدي
12 / 05 / 2009, 42 : 11 PM
انا من يميني وآخذ خيار الأقسام = ونفسي غنيه والروابع جسوره
لولا صاحبك ماصار لك بر وايدام = ولكن فكك فالزمان ودبوره

أبو محمد
13 / 05 / 2009, 29 : 01 AM
انا خابرك عزّام 00جزّام 00لاّزام =يزورك نصيب الخير والا تزوره
على البر والايدام لافكارك الهام =ومن منطق الرجاّل تكشف شعوره