ياهجوسي

[ابن عويد]

هذه قصيده لها موضوع احتفظ فيه لنفسي
ياهجوسي كل ماهب نسناس العصير=جيتني وانا مريض يدور للشفى
كل ماجيت اتريح تولعها سعير= والسعير ان شب بالقلب يبطي ماطفى
يالزمان الشين بالله قلي وش يصير=كيف ترضى عقب كلمة هلا ينقال افى
والله انه مايحز الخواطر والضمير=غير هفوة راعي الطيب لامنه هفى
الرجل لاصار محسوب لربوعه سفير= يحسرك بين الرياجيل لاقالو كفى
هيه يلي تزرع البر ماتحصد شعير=والخطاءلوصار نعرف عوايدك الوفى
ياجبال اجا وسلما وياقمة عسير=بالسمايم ضل والمربعانيه دفى
والله ان قدرك على الراس مايصغر كبير= كود بعيون الهلايم مشذبة القفى
الزمان القلباني رحاته تستدير=لوصفالك يوم باقي زمانك ماصفى
قدر وجيه الرياجيل تلقى كل خير=حاجة وصى عليها النبي المصطفى
بكره تدور الدواير ويخبرك النذير= وان عفيت اليوم بكره لاجيته ماعفى
لكن احيان المواقف تبي رجل خبير=لاهرج هرجه كما النقش في صم الصفى
وان حضر يبرد غليلك كما السيف الشطير=والمصيه لوكبيره تهون الياءلفى
ياهبوب النود هبي رياحين وعبير=لوتعود السالف قلت ليته ماغفى
لويشكون النشاما دفنته وسط بير=والتواريخ القديمه توضح ماخفى

[ابوخالد]

صح لسانك يا ابوحمد...

قصيده وافيه جدا..
وتستاهل التثبيت..

لكن احيان المواقف تبـي رجـل خبيـر**لاهرج هرجه كما النقش في صم الصفـى
وان حضر يبرد غليلك كما السيف الشطير**والمصيـه لوكبيـره تهـون اليالـفـى

[(القرناس)]

صح اللسانك ياعجب الى الامام وأنا احد مشجعينك

[عبدالله المشعلي]

صح الله لسانك يا عجب
أنت عجب وقصيدك عجب
أين كنت من قبل عن المنتدى
وأعتذر مقدماً عن هذا السئوال
لآنني لم أقراء لك الإ القصيدتين
التي طرحتها مؤخراً وأعجبتني بدون مجاملة
فقد يكون التقصير مني فأنا متابعتي بالمنتدى قليلة
تقبل تحياتي وتقديري

[ابن عويد]

الاخوان الاعزاء ابوخالد والاخ القرناس والاخ عبدالله المشعلي يشرفني ويسعدني مروركم وارائكماا ولكم مني كل الشكر

[ابن عويد]

الاخ عبد الله المشعلي يشرفني رايك وانت شاعر غني عن التعريف ورايك مهم لي اما بالنسبه الاشتراك بالمنتدى فانا لم اشارك به الا من سنه اواقل وهذا تقصير مني تقبل تحياتي

[ولدمسرد]

والله انـه مايحـز الخواطـر والضميـر
غير هفوة راعي الطيـب لامنـه هفـى
اشهدلله انها قصيدة جزلة لكن البيت هذاهواللي الفت انتباهي وشدني واشيد بقصيدتك وصح لسانك يا بوحمـــــــد...

[ابن عويد]

تسلم يابن العم ومرورك وشهادتك شرف لي

[كله ملح]

ياجبـال اجـا وسلمـا وياقمـة عسيـر بالسمايـم ضـل والمربعانـيـه دفــى

صح لسانك كذا ولا فلا

[ابن عويد]

الله يحييك ياكله ملح ولي الشرف

[القرم]

صح لسانك ياعجب .
قصيده وافيه من شاعر وافي
تحياتي

[ابن عويد]

تسلم يالقرم الله لايهينك ويبيض وجهك

[خالد بن معدي]

صح لسان ابوحمد وهذا لا يستغرب من شاعر مثل وهذه القصيده مثل ما قال ابو خالد تستاهل التثبيت
قدر وجيه الرياجيـل تلقـى كـل خيـر
حاجة وصى عليهـا النبـي المصطفـى

[أبو فـلاح]

صح لسانك يابو حمد
قصيدة جزلة من العيار الثقيل وأنت مكسب للساحة الشعرية في المنتدى ...

[ابن عويد]

الاخوان ابو فلاح وابوعبدالعزيز الله لايهينكم ويبيض وجيهكم وشرفتوني بمروركم

[أبو محمد]

صح السانك 0000000000يابوحمد

[ابن عويد]

تسلم يابو محمد ومرورك بحد ذاته شرف لي

[برق الحيا]

صح لسانك ... شــاعــر جـــزل يبـو حمــــد


ننتظــــرجــديــدك بفـــارغ الصبــر ,,,

[ابن عويد]

الاخ برق الحيا الله لايهينك وجعلك تسلم وهذا يزودني شرف ان قصايدي تحوز على اعجابك

[ابوشوق]

صح لسانك يا بوحمـــــــد...

[السهل الممتنع]

ابو حمد
صح الله لسانك
على هذه الرائعه التي لا يختلف عليها اثنان
ولغة التمكّن توجد بها بكثافه فـ لا فض فوك
لي ملاحظه بسيطه يا ابو حد بالنسبه لمدخل النص
وانا اعتقد انه خطاء املائي
ياهجوسي كل ماهب نسناس العصير
......................(جيتني) وانا مريضٍ يدور للشفى
الهجوس للجمع وجيتني للمفرد لذلك ان اعتقد انها بهذه الطريقه
ياهجوسي كل ماهب نسناس العصير
......................جاتني وانا مريض يدور للشفى
لذلك انا لازلت مصر انها خطاء املائ ومايثبت ذالك انك في البيت الثاني تقول
وكل ما جيت اتريح تولعها سعير
.....................والسعير ان شب بالقلب يبطي ما طفى
فـ لغة الخطاب في هذا البيت هي للجمع

ابوحمد دمت كما نراك مبدعاً

تحياتي القلبيه

[ابن عويد]

الاخ السهل الممتنع الله لايهينك وكذلك الاخ ا بو شوق مروركم شرفني واسعدني ولكم تحياتي

[ابن عويد]

الاخ السهل الممتنع شرفني مرورك وانا عليمي بالكبيوتر ياخوك وزين اني كتبتها بهذا اللشكل