المرسول

[ابن عويد]

تغانم الوقت دامه مدلك يده=لاتحسب ان الشباب يدوم طوالي
يالي تعذر من المرسول وتصده=المشكله كلها من راس مرسالي
قدام يطريك لي ياناعم الخده= ماكنت تطري على فكري ولابالي
والله لو مااغلي المرسول واوده=واصدقه دئما في كل ماقالي
مافل حبل الرجاءيازين وامده=واعيش لحظة طموحاتي وامالي
طمعني انك صبور حزة الشده=من جور الايام ذقت المر والحالي
ولااحمدالله بخير والارض ممده= فيها من الي نبيه انواع واشكالي
مادام هذا جوابك والله مالده=روح بفالك وانابروح في فالي

[عجب بن سعود]

مادام هـذا جوابـك والله مالـده روح بفالك وانابروح فـي فالـي
مشكووور يابو حمدعلى القصيدة الرائعة
وشكلها ظاهره من الاعماق
ومادام صد ترى الصده هي الصده

[أبو فـلاح]

صح لسانك يابو حمد ...قصيدة جزلة....
وددت تنبيهك إلى وجود هناك خطأ في البيت الرابع وهو خطأ إملائي على ما أظن في كلمة(دئما)
ننتظر جديدك

[برق الشمال]

قصيده جميله يا بو حمد من شاعر جزل

[ابن عويد]

الاخوان برق الشمال والاخ عابرسبيل والاخ ابوفلاح مشكورين على المرور ويعطيكم العافيه وصحيح يابوفلاح كانت خطا املائي مني والصحيح انها دائما وليست دئما والقصيده اطول من كذا ولكن جبت الي انا حافظ منها

[مناحي معدي المسردي]

صح لسانك على هذا الايداع

[ابن عويد]

الله يسلمك ولايهينك يابوراكان ومرورك شرف لي

[سلطان بن ذيب]

صح لسانك يا ابو حمد الى الامام

[كله ملح]

قصيده جزله من شاعر متمكن

وظن فيه خطا املائي في بيت من القصيده واستأذن شاعرنا في تعديله

ونااحمدالله بخير والارض ممـده فيها من الي نبيه انواع واشكالي

[ابن عويد]

الله يسلمكم يالحر النادر واخوي كله ملح مشكور على التعديل واناياخوك عليمي بالكميوتر

[ولدمسرد]

صح لسانك يابوحمد ع هالقصيدة المعبرة..

[ابن عويد]

ولد مسرد مرورك بحد ذاته يزيدني شرف

[القرم]

صح لسانك يا أبوحمد .

[ابن عويد]

تسلم يالقرم

[ابوشوق]

قصيده جميله ونتمنا منك المزيد.

[ابن عويد]

تسلم يابو شوق ومرورك اكبر شرف